މި ސީޒަނަށްފަހު ބާސެލޯނާގެ ކޯޗުގެ މަގާމުން ދުރުވާން ނިންމިކަން އެ ޓީމުގެ ކޯޗު ޒަވީ ހެނާންޑޭޒް އިއުލާންކޮށްފިއެވެ. ބާސެލޯނާގެ މި ވަޒީފާއަކީ ހިތްހަމަ ނުޖެހުމާއި އަނިޔާވެރި ވަޒީފާއެއްގެ ގޮތުގައި ސިފަކުރަމުން އޭނާ ބުނެފައިވަނީ، މި ނިންމުމަކީ ޖަލު ބަންދަކުން ދޫކޮށްލުންފަދަ އިހުސާސެއް ގެނުވާ ނިންމުމެއް ކަމަށެވެ.

ފުޓުބޯޅަ ސީޒަން ނިމޭއިރު ބާސެލޯނާއަށް ވާދަވެރި އަދި މުބާރާތްތައް ކާމިޔާބު ކުރެވޭނެ ފެންވަރުގެ ކުޅުމެއް ނުދެއްކޭނަމަ، އެ ޓީމުގެ ކޯޗުގެ މަގާމުން އިސްތިއުފާ ދޭނެކަމަށް ޒަވީ ހެނާންޑޭޒް ބުނެފިއެވެ. އޭނާ މިހެން ބުނީ ބުދަ ދުވަހުގެރޭ ކުޅުނު ކޮޕަ-ޑެލް-ރޭގެ ކުއާޓާފައިނަލްގައި އެތުލެޓިކް ކްލަބް އަތުން ބަލިވެ، ބާސެލޯނާ މުބާރާތުން އަލްވަދާއު ކިއުމާއި ގުޅިގެންނެވެ.