Advertisement

13 Mar 2024
ކުޅިވަރު
މިފްތާޙް މުޙައްމަދު

ބާސެލޯނާ ދޫކޮށް މެސީ ދިޔަފަހުން އެ ޓީމު އަލަށް ޗެމްޕިއަންސް ލީގުގެ ކުއާޓާއަށް ކޮލިފައިވެއްޖެ

ޔޫއެފާ ޗެމްޕިއަންސް ލީގުގައި އަންގާރަ ދުވަހުގެރޭ ކުޅުނު ގަދަ-16 ގެ މެޗުން ނަޕޯލީ ބަލިކޮށް، ބާސެލޯނާ ދޫކޮށް އެ ޓީމުގެ ލެޖެންޑު އަދި ދުނިޔޭގެ ތަރި، ލިއޮނެލް މެސީ ދިޔަފަހުން ފުރަތަމަ ފަހަރަށް އެ ޓީމު ކުއާޓާ ފައިނަލަށް ކޮލިފައިވެއްޖެއެވެ.

ދެ މެޗުން ކުރިހޯދި ބާސެލޯނާ އާއި އާސެނަލް އެ މުބާރާތުގެ ކުއާޓާ ފައިނަލުން ގިނަ ދުވަސް ތަކަކަކަށްފަހު ޖާގަ ހޯދައިފިއެވެ.

ބާސެލޯނާ އެންމެ ފަހުން ކުއާޓާ ފައިނަލުން ފެނިފައިވަނީ، މެސީ އެ ޓީމު ދޫކޮށް ނުދަނީސް، 2020 ވަނަ އަހަރުއެވެ. އޭގެ ފަހުން ޗެމްޕިއަންސް ލީގުގެ ނޮކް-އައުޓް ބުރަށް އެ ޓީމު ކޮލިފައިވެފައެއް ނުވެއެވެ.

ބާސެލޯނާއިން އަންގާރަ ދުވަހުގެރޭ ނަޕޯލީ ބަލިކުރީ 3-1 އިންނެވެ. މި ދެ ޓީމު ނަޕޯލީގެ ދަނޑުގައި ކުޅުނު މެޗު ވަނީ 1-1 އިން އެއްވަރުވެފައެވެ.

އެސްޓާޑިއޯ އޮލިމްޕިކޯ ލުއިޒް ކޮމްޕެނީޒް ސްޓޭޑިއަމްގައި ކުޅުނު ދެވަނަ ލެގުގައި ބާސެލޯނާ ވަނީ މެޗުގެ ކުރީކޮޅު ލީޑު ނަގާފައެވެ. މެޗުގެ 15 އަދި 17 ވަނަ މިނެޓުގައި ބާސެލޯނާގެ ލޮޕޭޒް އާއި ޗާންސެލޯ ކާމިޔާބުކުރި ގޯލުތަކާއެކީ ބާސެލޯނާއިން ދެ ގޯލުގެ ލީޑެއްގައި އޮއްވައި، ނަޕޯލީގެ އާމިރް ރަޙްމާނީ 30 ވަނަ މިނެޓުގައި ގޯލެއް ކާމިޔާބު ކުރިއެވެ.

މެޗުގެ ނަތީޖާ ހަމަހަމަ ކުރުމަށް ނަޕޯލީއަށް ލިބުނު އެންމެ ރަގަޅު ފުރުސަތު ލިބުނީ މެޗު ނިމެން 10 މިނެޓަށް ވެފައި ވަނިކޮށެވެ. އެ ޓީމުގެ ޖެސްޕާ ލިންޑްސްޓްރޮމް ބޮލުން ފޮނުވާލި އެ ހަމަލާ ދިޔައީ ގޯލު ކައިރިން ބޭރަށެވެ. އޭގެ 3 މިނެޓު ފަހުން ބާސެލޯނާގެ ލެވަންޑޯސްކީ ވަނީ އެ ޓީމަށް 3 ވަނަ ގޯލެއް ކާމިޔާބުކޮށްދީފައެވެ.

މި ނަތީޖާއާ އެކީ ބާސެލޯނާއިން ކުއާޓާ ފައިނަލަށް ދަތުރުކުރީ 4-2ގެ އެގްރިގޭޓް ސްކޯ އަކުންނެވެ.

ކޮމެންޓް
އިތުރު އާޓިކަލް
02 Apr 2025
ޚަބަރު
ހޮޅުދޫ ބޯޓުގައި ރޯވެ އެބޯޓުގައި ހުރި ޒުވާނަކު ގެއްލިއްޖެ
އެމްއެންޑީއެފުން ވިދާޅުވީ، ގެއްލިގެން ހޯދަމުން ދަނީ، ލ.މާވަށަށް ނިސްބަތްވާ 25 އަހަރުގެ އަލީ މުޝްފިގް މުހައްމަދު ކަމަށެވެ. އޭނާގެ އިތުރުން އެބޯޓުން ދަތުރު ކުރި އެހެން މީހުން ވަނީ، ސަލާމަތް ވެފައެވެ. އޭގެ ތެރެއިން ދެމީހަކަށް، ތ. ކަނޑޫދޫ ޞިއްޙީ މަރުކަޒުގައި ފަރުވާދެމުން އަންނަ ކަމުގައިވެސް އެމްއެންޑީއެފުން ވިދާޅުވިއެވެ.
02 Apr 2025
ޒަކާތު ހައުސް
ޣައްޒާގައި ހާލުގައި ޖެހިފައިވާ ފަރާތްތަކަށް އެހީވުމަށް 5 ލައްކަ ރުފިޔާ ހަވާލުކޮށްފި
ޣައްޒާގައި ހާލުގައި ޖެހިފައިވާ ފަރާތްތަކަށް އެހީތެރިކަން ފޯރުކޮށްދިނުމަށް ފިޠުރު ޒަކާތުގެ ގޮތުގައި ލިބިފައިވާ ފައިސާއިން ފަސް ލައްކަ ރުފިޔާ އިސްރާ އެސޯސިއޭޝަންއާ ހަވާލުކޮށްފި
02 Apr 2025
ރައީސުލް ޖުމްހޫރިއްޔާ ޑރ. މުޙައްމަދު މުޢިއްޒު
ދުންފަތް މަނާކުރަން ވިސްނާފައިވަނީ 25 އަހަރުން ދަށުގެ މީހުންނަށް: ރައީސް
ދުންފަތް މަނާކުރަން ވިސްނާފައިވަނީ 25 އަހަރުން ދަށުގެ މީހުންނަށްކަމަށް ރައީސް ވިދާޅުވެއްޖެއެވެ.
02 Apr 2025
ރައީސުލް ޖުމްހޫރިއްޔާ ޑރ. މުޙައްމަދު މުޢިއްޒު
ދުންފަތުގެ ވިޔަފާރި ދޫކޮށްލުމަށް ރައީސް އިލްތިމާސްކުރައްވައިފި
ރާއްޖޭގައި ދުންފަތުގެ ވިޔަފާރިކުރާ ފަރާތްތަކުން އެ ވިޔަފާރި ދޫކޮށްލައި، އެހެން ވިޔަފާރިއަކަށް ބަދަލުވުމަށް ރައީސުލްޖުމްހޫރިއްޔާ އިލްތިމާސްކުރައްވައިފިއެވެ.