ރައީސުލްޖުމްހޫރިއްޔާ ރައީސުލްޖުމްހޫރިއްޔާގެ ވާހަކަފުޅުގައި ވަނީ، އިޤްތިޞާދީ އިސްލާޙަށް އެމަނިކުފާނުގެ ސަރުކާރުން ކަނޑައަޅުއްވާފައިވާ އެޖެންޑާވެސް ހާމަކުރައްވާފައެވެ. މިގޮތުން، އެ އެޖެންޑާގެ އަމާޒުތަކަކީ، ފަތުރުވެރިކަމުގެ އިތުރުން، މާލީ ޚިދުމަތްތަކާއި، މެރިޓައިމް ސިނާޢަތާއި، ޑިޖިޓަލް އިޤްތިޞާދު ފަދަ ދާއިރާތައް ހިމެނޭ ގޮތަށް އިޤްތިޞާދު ސިންދަފާތުކުރުމާއި، ރާއްޖޭގެ މަދަނިއްޔަތަށް އެދެވޭ ބަދަލެއް ގެނައުންކަން އެމަނިކުފާނު ފާހަގަކުރެއްވިއެވެ.

ރައީސުލްޖުމްހޫރިއްޔާގެ އޮފީހުން ހާމަކުރައްވާ ގޮތުގައި، އިންޑިއާގެ ބެންގަލޫރުގައި ދިވެހިރާއްޖޭގެ ކޮންސިއުލޭޓެއް ޤާއިމުކުރުމަށާއި ދިވެހިރާއްޖޭގެ އައްޑޫސިޓީގައި އިންޑިއާގެ ކޮންސިއުލޭޓެއް ޤާއިމުކުރުމާ ގުޅޭގޮތުން ދިވެހިރާއްޖެއާއި އިންޑިއާއާ ދެމެދު މިއަދު ވަނީ މަޝްވަރާކުރައްވާފައެވެ. އެހެން ނަމަވެސް އެކަމާއި ގުޅޭ އިތުރުތަފްސީލެއް ހާމައެއް ނުކުރައްވައެވެ.

މި ދެ މަޝްރޫޢަކީ، ހުޅުމާލެ ފޭސް 2ގައި އިންޑިއާ ސަރުކާރުގެ އެހީގައި އިމާރާތްކުރި 700 ހައުސިންޔުނިޓާއި، އިންޑިއާ ސަރުކާރުގެ އެހީގައި ހިންގި ހަނިމާދޫ އެއާޕޯޓު ތަރައްޤީކުރުމުގެ މަޝްރޫޢެވެ.

މިބައްދަލު ކުރެއްވުމުގައި، ދެޤައުމުގެ ދެމެދުގައި ހުރި މައްސަލަތައް ހައްލުކޮށް ގުޅުން ބަދަހި ކުރުމާއި ގުޅޭ ގޮތުން އިންޑިއާގެ ބޮޑުވަޒީރާއިއެކު ރައީސުލްޖުމްހޫރިއްޔާ ވަނީ މަޝްވަރާކުރައްވާފައި ކަމުގައި އިންޑިއާގެ ޚާރިޖިއްޔާގެ އޮފީހުން ހާމަކުރައްވާފައިވެއެވެ. އެހެން ނަމަވެސް މިބައްދަލުވުމާއި ގުޅޭ އިތުރު މައުލޫމާތުގެ ރައީސުލްޖުމްހޫރިއްޔާގެ އޮފީހުން އަދި ހާމައެއް ނުކުރައްވައެވެ.

ރައީސުލްޖުމްހޫރިއްޔާގެ ދެކަނބަލުން މިއަދު އިންޑިއާއަށް ދަތުރުފުޅު ކުރެއްވީ އިންޑިއާ ސަރުކާރުން ހަމަޖައްސަވައިދެއްވި އިންޑިއާ އެއާފޯސްގެ މަތިންދާ ބޯޓުގައެވެ. އެބޯޓު ދިއްލީގައި ޖައްސާފައި ވަނީ ދިއްލީ ގަޑިން މިއަދު ހަވީރު 4:17 ގައެެވެ. ރައީސުލްޖުމްހޫރިއްޔާގެ ދެކަނބަލުން ފައިބައިވަޑައިގަތީ، ދިއްލީ އެއާޕޯޓާއިއެކުގައި އޮންނަ އިންޑިއާ އަސްކަރިއްޔާގެ އެއާބޭސްއަށެވެ.

އެމަނިކުފާނު މިހެން ވިދާޅުވެފައިވަނީ، އީމެއިލްގެ ޒަރީއާއިން ބީބީސީއަށް ދެއްވި އިންޓަރވިއުގައެވެ. ރައީސުލްޖުމްހޫރިއްޔާ ދެއްވި އިންޓަވިއުގެ މައްޗަށް ބީބީސީން ތައްޔާރުކުރި ރިޕޯޓުގައި ބުނެފައި ވަނީ، ރާއްޖެއަށް ދިމާވެފައިވާ މާލީ ދަތިކަމުން އަރައިގަތުމަށް އިންޑިއާގެ އެހީ ހޯއްދެވުމަށް ސަރުކާރުން ނިންމަވާފައިވާ ކަމަށެވެ.