އަޅުގަނޑުމެން އަބަދުވެސް ބުނަން، އަޅުގަނޑުމެން ޕޭ ހާމަނައިޒޭޗަން ނިންމާނީ ދައުލަތުގާ މަސައްކަތްކުރާ ހުރިހާ މުވައްޒިފުންގެ މުސާރައަށް ހެޔޮ ބަދަލެއް ގެނެސްގެންނޭ.

އޭގެ ތެރޭގައި ދެން އަޅުގަނޑުމެން ކުރަން ނިންމާފައި ހުރި ދާއިރާތަކަކީ، ސިފައިންނާއި ފުލުހުން، ޝަރުއީ ދާއިރާގައި މަސައްކަތްކުރާ ހުރިހާ މުވައްޒިފުން، ކަސްޓަމްސް، އިމިގްރޭޝަން، ކަރެކްޝަންސް، ސިވިލް ސަރވިސަސްގައި ހިމެނޭ އެހެން ހުރިހާ މުވައްޒިފުން، އިމާމުންނާއި މުދިމުން، ކައުންސިލްގައި މަސައްކަތްކުރާ ސިވިލް ސަރވަންޓުން.

އިރާދަ ކުރެއްވިއްޔާ އަޅުގަނޑުމެންގެ އަމާޒަކީ ދެން މި ފާސްކުރާ ބަޖެޓާއެކީގައި އަންނަ ޖެނުއަރީ މަހުން ފެށިގެން މި ހުރިހާ ދާއިރާއެއްގައި މަސައްކަތްކުރާ އެންމެންގެ މުސާރައަށް ހެޔޮ ބަދަލެއް ގެނައުން.

އޭގެ ތެރޭގައި މި ދެންނެވިހެން ސިފައިންނާއި، ފުލުހުންނާއި، ކަސްޓަމްސްއާއި، އިމިގްރޭޝަންއާއި، ކަރެކްޝަންސްއާއި ސިވިލް ސަރވިސްގައި މަސައްކަތްކުރާ ހުރިހާ މުވައްޒިފުންނާއި، ޖުޑިޝިއަރީ ދާއިރާގެ ހުރިހާ މުވައްޒިފުންނާއި ކައުންސިލްގައި މަސައްކަތްކުރާ ސިވިލް ސަރވިސްގެ ހުރިހާ މުވައްޒިފުންގެ މުސާރައަށް، ހެޔޮ، ރަގަޅު، ބޮޑު ބަދަލެއް މިއަންނަ ޖެނުއަރީއިން ފެށިގެން އަންނަތަން ތިޔަ ބޭފުޅުންނަށް ފެނިގެން ދާނެ.