Advertisement

ރައީސުލްޖުމްހޫރިއްޔާ އިބްރާހީމް މުހައްމަދު ޞާލިޙް ---

29 Aug 2023
ޚަބަރު

މެމްބަރުން އެމްޑީޕީއާ އަލުން ގުޅެނީ ރިޝްވަތު ދީގެންކަމަށް ކުރާ ތުހުމަތުތައް ރައީސް ދޮގުކުރައްވައިފި

ރައްޔިތުންގެ މަޖިލީހުގެ މެމްބަރުންގެ ތެރެއިން އެމްޑީޕީން ވަކިވެވަޑައިގެންނެވި މެމްބަރުން، އަލުން އެޕާޓީއާ ގުޅެނީ ރިޝްވަތުދީގެން ކަމަށް ބުނެ ކުރާ ތުހުމަތުތައް ރައީސުލްޖުމްހޫރިއްޔާ އިބްރާހީމް މުހައްމަދު ޞާލިޙް ދޮގު ކުރައްވައިފިއެވެ.

ރައީސުލްޖުމްހޫރިއްޔާ ކޮޅުމަޑުލަށާއި ހައްދުންމައްޗަށް ކެމްޕޭން ދަތުރުފުޅު ނިންމަވާލެއްވުމަށްފަހު ފުރާވަޑައިގެންނެވުމުގެ ކުރިން ވަނީ، ނޫސްވެރިންނާއި ބައްދަލު ކުރައްވައި ނޫސްވެރިންގެ ސުވާލުތަކަށް ޖަވާބުދެއްވާފައެވެ. 

ރައީސް ނަޝީދާއި އެކު ދަ ޑިމޮކްރެޓްސްގައި ތިއްބެވި ބައެއް މަޖިލިސް މެމްބަރުންގެ ތެރެއިން ދެ މެމްބަރަކު ވަނީ، އަލުން އެމްޑީޕީއާ ގުޅިވަޑައިގެންފައެވެ. އަދި އެކަމާ ކޯފާ އިސްކުރައްވަިއ ރައީސް ނަޝީދު ވަނީ އެމެމްބަރުން އެމްޑީޕީއާ އަލުން ގުޅިވަޑައިގެންނެވީ ރިޝްވަތު ދީގެން ކަމަށް ތުހުމަމަތު ކުރައްވާފައެވެ. އަދި ރައްޔިތުންގެ މަޖިލީހުގެ ރައީސްގެ މަޤާމުގައި ނަޝީދު ހުންނެވި އިރު މަޖިލީހުން ވަނީ މެމްބަރުން ރިޝްވަތުގައި ހިފާކަމަށް ބުނެ ފުލުހުންނަށް މައްސަލައެއްވެސް ހުށައަޅާފައެވެ.

ދާދި އަވަހަށް ރައްޔިތުންގެ މަޖިލީހުގެ އިތުރު ދެމެމްބަރަކު އެމްޑީޕީއަށް ސޮއިކުރައްވާނެކަމުގެ އަޑުތައް ފެތުރުފައިވާއިރު، ރައީސުލްޖުމްހޫރިއްޔާ ވިދާޅުވީ، މެމްބަރުން އެމްޑީޕީއަށް ސޮއެކުރައްވަނީ އެއްވެސް ބާވަތެއްގެ ރިޝްވަތެއް އޭގައި އޮވެގެން ނޫންކަމަށެވެ.

"އެނގިވަޑައިގަންނަވާނެ، ވަޑައިގެންނެވި އެބޭފުޅުން (އެމްޑީޕީއާ އަލަށް ގުޅިވަޑައިގެންނެވި ބޭފުޅުން) އެނިންމުން ނިންމެވި ސަބަބު. އެބޭފުޅުން ދެކެވަޑައިގަންނަވާ ގޮތުގައި، އެދާއިރާއަށް އެރަށަކަށް ތަރައްޤި ގެނެވެން އޮތީ، އެމްޑީޕީއާ އެކީގައި ކުރިޔަށް ގޮސްގެން ކަމަށް އެބޭފުޅުންނަށް ޤަބޫލުކުރެވޭތީ އަދި، ދާއިރާގެ ރައްޔިތުން، އެގޮތަށް އެދޭތީކަމަށް އެބޭފުޅުން އެވަޑައިގަތީ. ޙަޤީޤަތުގައިވެސް ކުޅުދުއްފުށި އޮތް ގޮތް އަޅުގަނޑުމެންނަށް މިހާރު އެބައިވޭ. އަދި ތޮއްޑޫއާ ރަސްދޫގެވެސް ރައްޔިތުންގެ ވިންދާއި އިޙްޞާސް ހުރިގޮތް އަޅުގަނޑުމެންނަށް އެބަ އެނގޭ.އެހެންވީމާ ރައްޔިތުންގެ މަޖިލީހުގެ މެމްބަރުންނަކީ ރައްޔިތުންގެ ވިންދާއި އިޙްސާސާއި އެއްގޮތަށް، ހަޤީޤީ ރައްޔިތުންގެ މަޖިލީހުގެ މެމްބަރެއްވިއްޔާ ކަންކުރަންވާނީ އެހެން." 

ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް 

ރައިސުލްޖުމްހޫރިއްޔާ ވިދާޅުވީ، ޕީޕީއެމް ފިޔަވައި އެހެން ޕާާޓީތަކާއި އެކުވެސް ސިޔާސީ ގޮތުން މަޝްވަރާތައް ކުރެވެމުންދާ ކަމަށެވެ.

ރައީސުލްޖުމްހޫރިއްޔާ ވަނީ، އެމްޑީޕީއާ ގުޅިވަޑައިގަތުމަށް ޕީޕީއެމް ނޫން ޕާޓީތަކަށް ދައުވަތު ދެއްވާފައެވެ. 

ކޮމެންޓް
އިތުރު އާޓިކަލް
04 Apr 2025
މޯލްޑިްވްސް ޕޮލިސް ސަރވިސް
ގިނަ ބަނގުރާ ފުޅުތަކަކާއެކު ބިދޭސީއަކު ހުއްޓުވައިފި
ބޮނަކުއާ ފުޅިތަކަކަށް ބަނގުރާ އަޅާއިގެން ވޭނެއްގައި ހުޅުމާލޭގައި ދުއްވަމުން ދިޔަ ބިދޭސީއަކު ފުލުހުން ރޭ ހުއްޓުވައިފިއެވެ.
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.