Advertisement
ރައީސުލްޖުމްހޫރިއްޔާ މާޅޮސްމަޑުލަށް ކުރައްވާ ދަތުރުފުޅުގައި ފުޅަދޫއަށް ވަޑައިގެންނެވުން ---
ރައީސުލްޖުމްހޫރިއްޔާ، މާޅޮސްމަޑުލަށް ކުރައްވާ ކެމްޕޭން ދަތުރުފުޅެއް މިއަދުފައްޓަވައިފި
ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް، މާޅޮސްމަޑުލުގެ ރަށްރަށަށް ކުރައްވާ ކެމްޕޭން ދަތުރުފުޅެއް މިއަދު ފައްޓަވައިފިއެވެ. ރައީސުލްޖުމްހޫރިއްޔާ މިއަދު ފެއްޓެވި މިކެމްޕޭން ދަތުރުފުޅުގައި އެމަނިކުފާނުގެ އަރިހުގައި ކޯލިޝަން ޕާޓީތަކުގެ އިސްބޭފުޅުން ބައިވެރިވެވަޑައިގަންނަވައެވެ.
ރައީސުލްޖުމްހޫރިއްޔާ މިއަދު ފެއްޓެވި ކެމްޕޭން މިދަތުރުފުޅުގައި މިއަދު ހެނދުނު އެންމެ ފުރަތަމަ ވަޑައިގެންނެވީ މާޅޮސްމަޑުލު ދެކުނުބުރީ، ފުޅަދޫއަށެވެ. އެރަށުގެ ރައްޔިތުންގެ ފަރާތުން ރައީސުލްޖުމްހޫރިއްޔާއަށް ވަނީ ވަރަށް ހޫނުމަރުޙަބާއެއް ދަންނަވާފައެވެ.
ރައީސުލްޖުމްހޫރިއްޔާގެ ކެމްޕޭން މިދަތުރުފުޅުގެ ތެރެއިން، ސަރުކާރުން މާޅޮސްމަޑުލުގެ ރަށްރަށުގައި ކުރިޔަށް ގެންގޮސްފައިވާ ޢުމްރާނީ ތަރައްޤީގެ މަޝްރޫޢުތަކުގެ ނިމުން ފާހަގަކުރެއްވުމުގެ އިތުރުން ބައެއް ޚިދުމަތްތައް އިފްތިތާޙްކޮށްދެއްވާނެއެވެ.
ރިޔާސީ އިންތިޚާބުގެ ކެމްޕޭނުގައި ރައީސުލްޖުމްހޫރިއްޔާ އެންމެފަހުން ވަޑައިގެންނެވީ އަރިއަތޮޅުގެ ބައެއް ރަށްރަށަށެވެ. ނަމަވެސް އާލާސްކަންފުޅާއި ގުޅިގެން ރައީސުލްޖުމްހޫރިއްޔާގެ އަރިއަތޮޅު ކެމްޕޭން ދަތުރުފުޅު މެދުކަނޑުއްވާލެއްވުމަށްފަހު، އަލުން ކެމްޕޭންދަތުރުތައް ފައްޓަވާފައި ވަނީ މިއަދުއެވެ.
