އެމްޑީޕީގެ ރިޔާސީ ކެންޑީޑޭޓް އިބްރާހީމް މުޙައްމަދު ޞާލިޙްގެ ކެންޑިޑެންސީ އިލެކްޝަންސް ކޮމިޝަނުން ބަލައިގެންފިއެވެ.

އެކޮމިޝަނުގެ ރައީސް އިސްމާޢީލް ޙަބީބު ކުރެއްވި ޓްވީޓުގައި ވިދާޅުވީ،  މޯލްޑިވިއަން ޑިމޮކްރެޓިކް ޕާޓީގެ ފަރާތުން، ރިޔާސީ އިންތިޚާބަށް މިއަދު ކުރިމަތި ލެއްވި، ރައީސް އިބްރާހީމް މުޙައްމަދު ޞާލިހް ގެ ފޯމުގައިވާ މަޢުލޫމާތާއި ތަކެތި، އިލެކްޝަންސް ކޮމިޝަނުގެ ފަރާތުން، ބަލައި ޗެކްކުރިއިރު، ޤާނޫނުގައިވާ ގޮތުގެ މަތީން، ރައީސް އިބްރާހީމް މުޙައްމަދު ޞާލިޙް، ރިޔާސީ އިންތިޚާބަށް ޝަރުޠު ހަމަވާ ބޭފުޅެއްކަމުގައި ބަލައި، ހުށަހެޅުއްވި ހުށަހެޅުއްވުން އިލެކްޝަންސް ކޮމިޝަނުން ވަނީ ރޭ ވަނީ ޤަބޫލު ކުރައްވާފައިވާ ކަމަށެވެ.

މީގެ އިތުރުން ރިޔާސީ އިންތިޚާބަށް އެމްއެންޕީގެ ފަރާތުން ކެންޑިޑެންސީީ ހުށައެޅުއްވި، އޮނަރަބްލް މުޙައްމަދު ނާޒިމް ގެ ފޯމުގައިވާ މަޢުލޫމާތާއި ތަކެތި، އިލެކްޝަންސް ކޮމިޝަނުގެ ފަރާތުން، ބަލައި ޗެކްކުރިއިރު، ޤާނޫނުގައިވާ ގޮތުގެ މަތީން، އޮނަރަބްލް މުޙައްމަދު ނާޒިމް، ރިޔާސީ އިންތިޚާބަށް ޝަރުޠު ހަމަވާ ބޭފުޅެއްކަމުގައި ބަލައި، ހުށަހެޅުއްވި ހުށަހެޅުއްވުން އިލެކްޝަންސް ކޮމިޝަނުން ވަނީ ޤަބޫލުކޮށްފައި ކަމުގައިވެސް ޙަބީބު ވިދާޅުވިއެވެ.

ދަ ޑިމޮކްރެޓްސްގެ ފަރާތުން ކެންޑިޑެންސީ ހުށައެޅުއްވި އިލްޔާސް ލަބީބުގެ ކެންޑިޑެންސީގައި މައްސަލައެއް އުޅޭތީ އިލްޔާސްގެ ލަބީބުގެ ކެންޑިޑެންސީ އަދި ކޮމިޝަނުން ބަލައެއް ނުގަނެއެވެ.

ރިޔާސީ އިންތިޚާބަށް އިއްޔެ ނިޔަލަށް ކެންޑިޑެންސީ ހުށައެޅުއްވީ، 4 ބޭފުޅުންނެވެ. މިއަދު ފާރިޝް މައުމޫނާއި، ޑރ މުޙައްމަދު މުޢިއްޒު ކެންޑިޑެންސީ ހުށައަޅުއްވާނެ ކަމަށް ވަނީ އެނގިފައެވެ.