Advertisement

05 Jul 2024
ލިއޮނެލް މެސީ
މިފްތާޙް މުޙައްމަދު

ރޮނާލްޑޯ އަތުން ޕެނަލްޓީއެއް ނާކާމިޔާބުވިތާ ތިން ދުވަސް ފަހުން މެސީއަށް ވެސް އެ "ބޮނޑި ބޮވިއްޖެ"

ކޮޕާ އެމެރިކާގެ ކުއާޓާ ފައިނަލުގެ ފުރަތަމަ މެޗުގައި އާޖެންޓީނާ އާއި އިކުއެޑޯ ބައްދަލުކުރި މެޗުގެ ފުރިހަމަ ވަގުތު ހަމަވިއިރު 1-1 އިން ދެ ޓީމު އެއްވަރުވެފައިވުމުން، ނަތީޖާ ނެރުމަށްޓަކައި ޖެހި ޕެނަލްޓީ ޝޫޓްއައުޓްގައި މެސީގެ ޕެނަލްޓީ ނާކާމިޔާބުވެއްޖެއެވެ. ނަމަވެސް މެސީއަށް މި ހެދުނު ގޯސް ފޫބައްދައިދިނުމަށް ޓީމުގެ އެހެން ކުޅުންތެރިން ކުރި މަސައްކަތުން، އާޖެންޓީނާ ވަނީ 4-2 އިން ޕެނަލްޓީ ޝޫޓް-އައުޓް ކާމިޔާބުކޮށް ސެމީ ފައިނަލުން ޖާގަ ހޯދާފައެވެ.

މީގެ ތިން ދުވަސްކުރިން ޔޫރޯ ޗެމްޕިއަންޝިޕްގެ ގަދަ-16 ގައި ޕޯޗުގަލް އާއި ސްލޮވީނިއާ ބައްދަލުކުރި މެޗުގެ އެކްސްޓްރާ ޓައިމްގައި ޕޯޗުގަލްއަށް ލިބުނު ޕެނަލްޓީއެއް ރޮނާލްޑޯގެ އަތުން ވެސް ވަނީ ކާމިޔާބު ނުވެފައެވެ. ނަމަވެސް، ޕޯޗުގަލްއަށް ސްލޮވީނިއާގެ ގޯލު ކައިރިން އެ މެޗުގައި ލިބުނު ހުރިހާ ހިލޭ ޖެހުމެއް ޖަހާފައިވުމުން އެކަމާ ގިނަ ބައެއްގެ ފާޑު ކިޔުން އަމާޒުވި ރޮނާލްޑޯ ވަނީ، ޕެނަލްޓީ ޝޫޓްއައުޓްގައި އޭނާ ޖެހި ޕެނަލްޓީ ކާމިޔާބުކޮށްފައެވެ.

ޔޫރޯ ޗެމްޕިއަންޝިޕްގައި ޕޯޗުގަލް އާއި ސްލޮވީނިއާ ބައްދަލުކުރި މެޗުގައި ރޮނާލްޑޯއަށް ނާކާމިޔާބުވި ޕެނަލްޓީ އާއި އޭގެ ފަހުން ރޮނާލްޑޯ އެކަމާ ހިތާމަކުރާ މަންޒަރު

އެ މެޗުގައި ޕޯޗުގަލްގެ ކީޕަރު ވަނީ ސްލޮވީނިއާއިން ޖެހި ހުރިހާ ޕެނަލްޓީއެއް މަތަކޮށްފައެވެ. އެހެންކަމުން، ޕޯޗުގަލް ވަނީ 3-0 އިން ޕެނަލްޓީ ޝޫޓް-އައުޓް ކާމިޔާބުކޮށް ކުއާޓާ ފައިނަލުން ޖާގަ ހޯދާފައެވެ.

ކޮޕާ އެމެރިކާގެ ސެމީ ފައިނަލުން އާޖެންޓީނާ ޖާގަ ހޯދާފައިވާއިރު، އެ ޓީމާ ދެކޮޅަށް ކުޅޭނީ ހުކުރު ދުވަހުގެރޭ ވެނެޒުއޭލާ އަދި ކެނެޑާ ބައްދަލުކުރާ ކުއާޓާ ފައިނަލް މެޗުން މޮޅުވާ ޓީމަކާއެވެ.

ރާއްޖެ ގަޑިން ހެނދުނު 6 ޖެހިއިރު ފެށި، އާޖެންޓީނާ އާއި އިކުއެޑޯ ބައްދަލުކުރި މެޗުގައި ޕުރަތަމަ ލީޑު ނެގީ އާޖެންޓީނާއިންނެވެ. މެޗުގެ 35 ވަނަ މިނެޓުގައި އާޖެންޓީނާގެ ގޯލު ކާމިޔާބުކޮށްދިނީ ލިސާންޑްރޯ މާޓިނޭޒްއެވެ. އަދި މި ސްކޯގައި މެޗު ނިމެން ދަނިކޮށް، އިކުއެޑޯއިން ގޯލެއް ޖަހާ މެޗުގެ ނަތީޖާ ހަމަހަމަ ކުރީ މެޗުގެ އިތުރު ވަގުތުގައި ރޮޑްރިގޭޒްއެވެ.

ޕެނަލްޓީ ޝޫޓްއައުޓްގައި ޖެހި ޕެނަލްޓީ ކާމިޔާބު ކުރުމަށް މެސީ މަސައްކަތް ކޮށްފައިވަނީ "ޗިޕް ޑައުން" ކޮށް ގޯލުގެ މެދަށް ބޯޅަ ފޮނުވާލައިގެނެވެ. ނަމަވެސް އޭނާއަށް ބޯޅައިގައި ޖެހުނު މިންވަރު ބާރުވުމުން، ގޯލުގެ ބޭރަށް ބޯޅަ ދިޔައީ ހުރަސް ދަނޑީގައި ޖެހުމަށްފަހުއެވެ.

އާޖެންޓީނާގެ ޕެނަލްޓީތައް ކާމިޔާބުކޮށްފައިވަނީ ހޫލިއަން އަލްވަރޭޒް، އެލްކްސިސް މެކަލިސްޓާ، ގޮންޒާލޯ މޮންޓިއެލް އަދި ނިކޮލަސް އޮޓަމެންޑީއެވެ. އަނެއްކޮޅުން އެ ޓީމުގެ ގޯލް ކީޕަރު ޑިބޫ މާޓިނޭޒްވަނީ އިކުއެޑޯގެ ދެ ޕެނަލްޓީ މަތަކޮށްފައެވެ. އިކުއެޑޯއަށް ކާމިޔާބުކުރެވުނު ދެ ޕެނަލްޓީއަކީ ޖޯން ޔެބޮއާ އާއި ޖޯޑީ ކެއިސީޑޯ ޖެހި ޕެނަލްޓީތަކެވެ.

ކޮމެންޓް
އިތުރު އާޓިކަލް
20 Aug 2025
ޚަބަރު
ދީނީ ފަންޑެއްތޯ ނުވަތަ ޓޫރިޒަމް ވެންޗާއެއްތޯ؟
މޯލްޑިވްސް ހައްޖު ކޯޕަރޭޝަނުން އާދަޔާ ހިލާފު ފެންގަނޑަކަށް ފިޔަވަޅު އަޅަމުންދާއިރު، ސަރުކާރުގެ ކޯރިޑޯތަކުގައި މަޑުމަޑުން ތޫފާނެއް އަރަމުންދާއިރު — "އިސްލާމީ ފަތުރުވެރިކަން" ގެ ބެނާގެ ދަށުން މާފުށީގައި ހޮޓަލެއް ކުއްޔަށް ހިފުން، ފާޑުކިޔާ މީހުން ބުނާ ގޮތުގައި ރިސްކު ބޮޑު އަދި ސުވާލު އުފެދޭ މެންޑޭޓް ފުޅާކުރުމެވެ.
20 Aug 2025
ޚަބަރު
މިނިވަން ނޫސްވެރިކަން ނިމެނީބާ؟!
20 Aug 2025
ޚަބަރު
ކައުންސިލްތަކުގެ ދައުރުތައް އުވި ކަތީބުކަމަށް!!!؟
މިމަހުގެ ކުރީކޮޅު (ސެޕްޓެމްބަރު) ކުރިއަށްދާ މަޖިލީހުގެ ދެވަނަ ޖަލްސާގައި ވާހަކަފުޅު ދައްކަވަމުން ރައީސް މުއިއްޒު ވަނީ ކައުންސިލްތަކުގެ މަސައްކަތަށް ފާޑުވިދާޅުވެފަ އެވެ. "އެއްތަނެއްގައި ވެސް އޭގެ ދައުރު އަދާކުރާ އެންމެ ކައުންސިލެއް ނެތް. އެކަމުން އެއްވެސް ފައިދާއެއް ނުލިބޭ. އޭގެ ބަދަލުގައި ބޭނުންވަނީ ޖަޒީރާ ވެރިންގެ ދަށުން އިދާރީ މެޝިނަރީ ހަރުދަނާކުރުން. ޖަޒީރާ ހިންގުން އިސްލާހު ކުރަން ނުކުޅެދިއްޖެ ނަމަ ދެން މި ކައުންސިލްތައް ބެހެއްޓުމުގެ ބޭނުމެއް ނެތް،" ޝަރީފް ވިދާޅުވި އެވެ.
03 Jul 2025
ރައީސުލް ޖުމްހޫރިއްޔާ ޑރ. މުޙައްމަދު މުޢިއްޒު
ރައީސުލްޖުމްހޫރިއްޔާގެ ދެކަނބަލުން ސިންގަޕޫރަށް ކުރެއްވި ދަތުރުފުޅު ނިންމަވާލައްވައިފި
ސިންގަޕޫރުގެ ރައީސް ތަރްމަން ޝަންމުގަރަނަމްގެ ދަޢުވަތަކަށް، އެ ޤައުމަށް ކުރެއްވި ފުރަމާނަ ދަތުރުފުޅު ނިންމަވާލެއްވުމަށްފަހު، ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު އާއި އެމަނިކުފާނުގެ އަނބިކަނބަލުން މެޑަމް ސާޖިދާ މުޙައްމަދު މާލެވަޑައިގަންނަވައިފިއެވެ.