ރައްޔިތުންގެ މަޖިލީހުގެ ވިލުފުށީ ދާއިރާގެ ކުރީގެ މެމްބަރު އަދި ޖުމްހޫރީ ޕާޓީއަށް ނިސްބަތްވެވަވަޑައިގަންނަވާ ރިޔާޒް ރަޝީދު ރިޔާސީ އިންތިހާބުގެ 2 ވަނަ ބުރުގައި ރައީސް އިބްރާހީމް މުހައްމަދު ޞާލިހަށް ތާއީދު ކުރައްވަން ނިންމަވައިފިއެވެ. އޭނާ ވިދާޅުވީ ރައީސް ޞާލިހަށް ތާއީދުކުރައްވަން ނިންމެވީ އެއީ މިވަގުތު އެންމެ ރަނގަޅު ގޮތްކަމަށް ފެނިވަޑައިގަންނަވާތީކަމަށެވެ.

އިންތިޚާބުގެ ތެރޭގައި ވަރަށް ގިނަ މީހުންގެ ކަންބޮޑުވުންތަކާއި ޚިޔާލާއި އެމީހުން ބޭނުންވާ ގޮތް އެނގިވަޑައިގެންފައިވާ ކަމަށެވެ. ރައީސް ސާލިހަށް ވެރިކަން ލިބުމަކީ ރާއްޖޭގެ ރައްޔިތުންނަށް އެންމެ ރަނގަޅު ގޮތް ކަމުގައި ދެކެވަޑައިގަންނަވާތީ ދެވަނަ ބުރުގައި ރައީސް ޞާލިހަށް ތާޢީދުކުރައްވަން ނިންމެވީ ކަމަށް އޭނާ ވަނީ ބުނެފައެވެ.

ރިޔާޒް ވިދާޅުވީ ރައީސް ސާލިހަކީ ޚާއްސަ މަޖިލިހުގައާއި ރައްޔިތުންގެ މަޖިލީހުގައިވެސް އެކުގައި އިސްލާހީގިނަ މަސައްކަތްތަކެއް ކުރައްވާފައިވާ ވަރަށް ގާތް ބޭފުޅެއްކަމަށެވެ. ރިޔާޒްވަނީ ރައްޔިތުންގެ މަޖިލީހުގައި ޚާއްސަ މަޖިިލީހުގައާއި، މާލިއްޔަތު ކޮމިޓީއާއި، އެ ނޫން މަސައްކަތްތަކުގައިވެސް ރައީސް ޞާލިހާއެކުގައި މަސައްކަތްކުރައްވާފައެވެ.