ފުލުހުންގެ އިދާރާއިން މިއަދު ނެރުނު ނޫސްބަޔާނުގައި ވިދާޅުވީ، މިއަހަރުގެ ފެބުރުއަރީ މަހުގެ 1 ވަނަ ދުވަހު ހިނގި އެކްސިޑެންޓްގައި މަރުވެފައި ވަނީ ބަނގުލަދޭޝްގެ ރައްޔިތެއް ކަމުގައިވާ ޖާވިދު ޗައުދަރީ (30އަހަރު) ކަމަށެވެ. އޭނާ މަރުވާން ދިމާވީ، ހައިވޭގެ އަރިމަތީގައި ބަހައްޓާފައިވާ ކޯނެއްގައި އޭނާ ދުއްވި ސައިކަލު ޖެހި އޭނާ ވެއްޓުނު ވަގުތު އޭނާގެ ބޯމަތިން ދިޔަ ސައިކަލުގެ ސަބަބުން ލިބުނު ޒަޚަމްތަކާއި ގުޅިގެން ކަމުގައި ފުލުހުންގެ ބަޔާނުގައި ވަނީ ފާހަގަކޮށްފައެވެ.

ފުލުހުންގެ އިދާރާއިން ވިދާޅުވީ، ހުޅުމާލެ ފޭސް 2ގައި ހުންނަ ސްޓެލްކޯ ހިޔާ ޓަވަރަކުން ވެއްޓި މަރުވެފައި ވަނީ، ހެންވޭރު ގިނިރާހި އާގޭ، އިބްރާހީމް ޝަރަފް (24އ)ކަމަށެވެ. އޭނާ އެ އިމާރާތުން ވެއްޓުނު ކަމަށް ބެލެވެނީ މިއަދު 16:00 ހާއިރުގައެވެ. އެހެން ނަމަވެސް ހާދިސާ ހިނގި ވަގުތެއް ފުލުހުން ހާމަކުރައްވާފައެއް ނުވެއެވެ.

ރައްޔިތުންގެ މަޖިލީހުގެ އިދާރާއިން ހާމަކުރައްވާފައިވާ ގޮތުގައި، މި ދަތުރުފުޅަކީ، އިންޑިއާގެ ލޮކް ސަބާގެ ރައީސްއާއި ރާޖްޔަ ސަބާގެ ޗެއަރމަންގެ ދަޢުވަތަކަށް މިހިނގާ ފެބްރުވަރީމަހުގެ 10 އިން 14 އަށް އެމަނިކުފާނު އިންޑިއާއަށް ކުރައްވާ ދަތުރުފުޅެކެވެ. މިދަތުރުފުޅުގައި ޢަބްދުއްރަހީމްގެ އަރިހުގައި، މަޖިލީހުގެ އިތުރު 9 މެމްބަރަކު ބައިވެރިވެވަޑައިގަންނަވައެވެ.

ރައީސުލްޖުމްހޫރިއްޔާ މިއަދު އެކްސްގައި ކުރެއްވި ޕޯސްޓްގައި ވިދާޅުވީ، 1446 ވަނަ އަހަރު (މިއަހަރު)ގެ ރަމަޟާންމަހު ޢުމްރާއަށްދާ މީހުންނަށް ބޭންކްގެ ރަސްމީ ރޭޓުގައި ޑޮލަރު ހޯދުމުގައި ލުއި ފަސޭހަ ޙައްލެއް ހަމަޖައްސައިދިނުމުގެގޮތުން، ކޮންމެ ޢުމްރާވެރިއެއްގެ ބޭންކް އޮފް މޯލްޑިވްސް ޑެބިޓް ކާޑަށް، މިހާރު އޮންނަ ޑޮލަރުގެ ލިމިޓުގެ އިތުރުން 1500 ޑޮލަރުގެ ލިމިޓެއް ހަމަޖައްސަވައި ދެއްވުމަށް ބޭންކް އޮފް މޯލްޑިވްސް އަށް އަދި MMA އަށް ދަންނަވަވާފައިވާ ކަމަށެެވެ.