Advertisement

ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް --

02 Sep 2023
ޚަބަރު

ދިވެހިންނާ ގާތް މިކޮށްދެނީ އުފާވެރި އަމާން ރާއްޖެއެއް: ރައީސް

ދިވެހިންނާއި އެމަނިކުފާނު ގާތްކޮށް ދެއްވަމުން ގެންދަވަނީ އުފާވެރި އަމާން ރާއްޖެއެއް ކަމުގައި ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ވިދާޅުވެއްޖެއެވެ.

 އެމަނިކުފާނު މިހެން ވިދާޅުވީ، އުފާވެރި އަމާންރާއްޖެ ކެމްޕޭންގެ ދަށުން، އުފާވެރި މާލެ މިނަމުގައި މިރޭ ބޭއްވި ޖަލްސާގައި ވާހަކަފުޅު ދައްކަވަމުންނެވެ.

މިޖަލްސާގައި ވަރަށް ގިނަ އަދަދެއްގެ މީހުން ބައިވެރިވިއިރު، އެއްވެފައިވާ މީހުންނާއި މުޚާތަބު ކުރައްވައި ރައީސް ވިދާޅުވީ، އިންތިޚާބުގެ ނަތީޖާ މިހާރުވެސް ސާފުވެފައިވާ ކަމަށެވެ. އަދި ބޮޑުތަނުން ކާމިޔާބު ލިބޭނެ ކަމުގައިވެސް އެމަނިކުފާނު ވިދާޅުވިއެވެ.

"މިރޭ ވޯޓު ގުނިޔަސް އަޅުގަނޑުމެން މޮޅުވާނެ، މާދަމާ ގުނައިފިއްޔާ މާބޮޑަށް މޮޅުވާނެ. 9 ވަނަ ދުވަހު ގުނައިފިއްޔާ އަދި މާބޮޑަށް މޮޅުވާނެ. ދިވެހިންނާ ގާތް މިކޮށްދެނީ އުފާވެރި އާމަން ރާއްޖެއެއް،"

ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް

މީގެ އިތުރުން ރައީސުލްޖުމްހޫރިއްޔާ ވިދާޅުވީ، ރައްުޔިތުން ތިބީ ގޮތް ނިންމައިގެން ކަމަށާއި، މިރޭގެ ޖަލްސާއިން އެކަން ފެނިގެންދާކަމަށެވެ. އަދި އެއްބުރުން ރިޔާސީ އިންތިޚާބު ނިމިގެންދާނެކަމަށް ޔަޤީންކުރައްވާ ކަމުގައި ރައީސުލްޖުމްހޫރިއްޔާ ވިދާޅުވިއެވެ.

ރައީސުލްޖުމްހޫރިއްޔާ ވިދާޅުވީ، އުފާވެރި އަމާން ރާއްޖެ ހޯދުމަށް ހުރިހާ ފަރާތްތަކުން ބައިވެރިވުމަކީ އެމަނިކުފާނު އެދިވަޑައިގަންނަވާ ކަމެއް ކަމަށެވެ. އަދި މިސަރުކާރުން ގެނައުމަށް ތައްޔާރުވަމުންދާ ހެޔޮބަދަލުގައި ހުރިހާ ރައްޔިތުން ބައިވެރިވުމަށް ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ގޮވާލެއްވިއެވެ.

ރައީސް ޔާމީނުގެ އަނިޔާވެރި 5 އަހަރުގެ ވެރިކަމަށް އިޝާރާތްކުރައްވައި، ރައީސުލްޖުމްހޫރިއްޔާގެ ވާހަކަފުޅުގައި ވިދާޅުވީ، 2018 ވަނަ އަހަރު އެ އަނިޔާވެރިކަން ނިންމާލުމަށް ރައްޔިތުން ނަތީޖާ ނެރުނީ ވޯޓުން ކަމަށެވެ.

"މި ހަމަޖެހުމާ އުފާވެރިކަން، ހިތްހަމަޖެހުން މި ލިބުނީ. ވިސްނަންވީ މި ކަންކަމާ ދޭތެރޭގައި. ކައުންސިލްތައް ގަނޑުކޮށް ސަސްޕެންޑްކުރާ ސަރުކާރަކަށް، ކޯޓުތަކުގެ ފުރާޅުން ޓިނު ނަގައި ފަނޑިޔާރުން ބިންމަތި ކުރާ ތަން ބަލާކަށް ބޭނުމެއް ނުވޭ. ކޯޓުތައް ގުޅަކުލޭ ފަސްގަނޑަކަށް ހަދާ ބަޔަކު ބޭނުމެއް ނުވޭ. ދެނެއް ބޭނުމެއް ނުވާނެ އެ ދުވަހެއް."

ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް

ރައީސުލްޖުމްހޫރިއްޔާ ވަނީ، އެޖަލްސާއަށް އެއްވި ވަރަށް ގިނަ އަދަދެއްގެ މީހުންނާއި އެކު އިންތިޚާބުގެ ފޯރި ގަދަކުރައްވައި ވާހަކަފުޅު ދައްކަވާފައެވެ. މިރޭ އެމްޑީޕީން ބޭއްވި ކެމްޕޭން ޖަލްސާއަކީ، މިހާތަނަށް މިރިޔާސީ އިންތިޚާބުގެ ކެމްޕޭނުގައި އެންމެ ގިނަ ބަޔަކު ޖަމާވެގެން ބޭއްވި ބޮޑު ޖަލްސާއެވެ.

މިއަހަރުގެ ރިޔާސީ އިންތިޚާބު ބޭއްވުމަށް ހަމަޖެހިފަިއި ވަނީ، މިއަންނަ ހޮނިހިރު ދުވަހުގައެވެ.

ކޮމެންޓް
އިތުރު އާޓިކަލް
04 Apr 2025
މޯލްޑިްވްސް ޕޮލިސް ސަރވިސް
ގިނަ ބަނގުރާ ފުޅުތަކަކާއެކު ބިދޭސީއަކު ހުއްޓުވައިފި
ބޮނަކުއާ ފުޅިތަކަކަށް ބަނގުރާ އަޅާއިގެން ވޭނެއްގައި ހުޅުމާލޭގައި ދުއްވަމުން ދިޔަ ބިދޭސީއަކު ފުލުހުން ރޭ ހުއްޓުވައިފިއެވެ.
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.