Advertisement

ރައީސުލްޖުމްހޫރިއްޔާ އަދި އެމް.ޑީ.އޭ. ގެ ލީޑަރ މާމުއި ޖަގަހަ ހުޅުވާދެއްވަނީ

31 Aug 2023
ޚަބަރު

ތިނަދޫ ސިޓީގެ ޒުވާނުންނަށް ހާއްސަ މާމުއި ޖަގަހަ ހުޅުވައިފި

ބުދަ ދުވަހުގެރޭ ސިޓީއެއްގެ ދަރަޖަ ދެވުނުކަން ރާއްޖޭގެ ރައީސުލްޖުމްހޫރިއްޔާ އިއުލާން ކުރެއްވި ގދ. ތިނަދޫގެ ޒުވާނުންނަށް ހާއްސަ މާމުއި ޖަގަހަ ބުދަ ދުވަހުގެރޭ ރަސްމީކޮށް ހުޅުވައިފިއެވެ. މި ޖަގަހަ ރަސްމީކޮށް ހުޅުވައި ދެއްވީ ރާއްޖޭގެ ރައީސުލްޖުމްހޫރިއްޔާ އަދި އެމް.ޑީ.ޕީ. ގެ ރިޔާސީ ކެންޑިޑޭޓް އިބްރާޙިމް މުޙައްމަދު ޞާލިޙް އާއި އެމް.ޑީ.އޭ. ގެ ރައީސް އަޙްމަދު ޝިޔާމް މުޙައްމަދެވެ.

މި ޖަގަހަ ހުޅުވައިދެއްވައި ވާހަކަފުޅު ދައްކަވަމުން އެމް.ޑީ.އޭ. ގެ ރައީސް އަޙްމަދު ޝިޔާމް މުޙައްމަދު ވިދާޅުވީ، ތިނަދޫ ސިޓީގެ ޒުވާނުން ނިކުމެ ސެޕްޓެމްބަރ 9 ވަނަ ދުވަހު ރައީސް ޞާލިޙްއަށް ވޯޓު އަޅާ، މި އިންތިހާބު އެއް ބުރުން ކާމިޔާބު ކުރެވޭނެކަމަށެވެ. އަދި ތިނަދޫ ސިޓީގެ ޒުވާނުން ރައީސް ޞާލިޙްއަށް ވޯޓު ދޭންވީ، ޒުވާނުންނަށް ގިނަ ވަޒީފާތައް އުފައްދާ، ޒުވާނުންނަށް މުހިންމު ސިޔާސަތުތަކެއް ރައީސް ގެންގުޅުއްވާތީކަމަށެވެ.

މާމުއި ޖަގަހަ ހުޅުވުމަށްފަހު އެމް.ޑީ.އޭ. ގެ ރައީސް އަޙްމަދު ޝިޔާމް މުޙައްމަދު ވާހަކަފުޅު ދައްކަވަނީ

ތިނަދޫ ސިޓީގެ މާމުއި ޖަގަހަ އަކީ، އެމް.ޑީ.ޕީ. ގެ މެމްބަރ އަދި އިމިގްރޭޝަންގެ ކޮންޓްރޯލަރ ޖެނެރަލް މުޙައްމަދު އަޙްމަދު ޙުސެއިން، (ހަނަފީ) ތިނަދޫގެ ޒުވާނުން ހުސްވަގުތުގައި މުނިފޫހިފިލުވުމުގެ ހަރަކާތްތައް ހިންގުމަށް ތައްޔާރު ކުރި ޖަގަހައެކެވެ. މި ޖަގަހައިގެ މަގްސަދު އިތުރަށް އޮޅުންފިލުވައިދެއްވަމުން ހަނަފީ ދެންނެވީ، ޒުވާނުންގެ އަޑު އިއްވޭނީ ޒުވާނުންނަށް ކަމަށާއި، މާމުއި ޖަގަހައިން އެމް.ޑީ.ޕީ. ގެ ޒުވާނުން ކޮންމެ ދުވަހަކު ބައްދަލުވެ، ސިޔާސީ ކަންކަމާއި ހިޔާލު ބަދަލުކޮށް، އެ ހިޔާލުތަކުން ތަސައްވުރެއް ބިނާކުރުމަށް މަގުފަހިވެގެން ދާނެކަމަށެވެ.

ޖަގަހަ ހުޅުވުމަށްފަހު ހޯމް މިނިސްޓަރ ޒުވާނަކާއިއެކު ޗެސް ކުޅުއްވަނީ

މާމުއި ޖަގަހައިގައި ޒުވާނުންނަށް ޙާއްސަ މުނިފޫހިފިލުވުމުގެ ގިނަ ކުޅިވަރުތަކެއް ކުޅެވޭނެ އިންތިޒާމް ހަމަޖެހިފައިވެއެވެ. އެގޮތުން، ކެރަމް، ޗެސް އަދި ޕްލޭ ސްޓޭޝަން ހިމެނެއެވެ. ޖަގަހައިގެ ފަރާތުން މައުލޫމާތު ދެއްވި ބޭފުޅަކު ފާހަގަ ކުރެއްވި ގޮތުގައި، ދެތިން ދުވަހެއް ތެރޭގައި އެ ޖަގަހައިގައި ބިލިއަރޑް ބޯޑެއް ވެސް ބަހައްޓާ، ޒުވާނުންނަށް ބިލިއާޑް ކުޅެވޭނެ މަގު ތަނަވަސްކޮށްދޭނެއެވެ. މީގެ އިތުރުން، މި ޖަގަހައިގައި ކޮންމެ ދުވަހަކު ވަރަށް ފޯރިގަދަކޮށް ކަރައޮކޭ ވެސް ކުރިއަށްދެއެވެ.

ކޮމެންޓް
އިތުރު އާޓިކަލް
04 Apr 2025
މޯލްޑިްވްސް ޕޮލިސް ސަރވިސް
ގިނަ ބަނގުރާ ފުޅުތަކަކާއެކު ބިދޭސީއަކު ހުއްޓުވައިފި
ބޮނަކުއާ ފުޅިތަކަކަށް ބަނގުރާ އަޅާއިގެން ވޭނެއްގައި ހުޅުމާލޭގައި ދުއްވަމުން ދިޔަ ބިދޭސީއަކު ފުލުހުން ރޭ ހުއްޓުވައިފިއެވެ.
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.