Advertisement
މިލަދުންމަޑުލު ދެކުނު ބުރިއަށް ރައީސް ކުރެއްވި ކެމްޕޭން ދަތުރުފުޅުގެ ތެރެއިން --
މިލަދުންމަޑުލަށް ކުރެއްވި ކެމްޕޭން ދަތުރުފުޅު ނިންމަވާލެއްވުަށް ފަހު ރައީސް މާލެ ވަޑައިގެންފި
ރައިސުލްޖުމްހޫރިއްޔާ އިބްރާހިމް މުހައްމަދު ޞާލިޙް މިލަދުންމަޑުލު ދެކުނުބުރީގެ ރަށްރަށަށް ކުރެއްވި ކެމްޕޭން ދަތުރުފުޅު ނިންމަވާލެއްވުމަށްފަހު މިއަދު މާލެވަޑައިގެންފިއެވެ.
ރައީސުލްޖުމްހޫރިއްޔާ އެނބުރި މާލެ ވަޑައިގެންފައި ވަނީ މިއަދުގެ މެންދުރު ފަހުގައެވެ.
ރައީސުލްޖުމްހޫރިއްޔާ، ނ އަތޮޅަށް ކުރެއްވި މިކެމްޕޭންދަތުރުގައި ވަނީ އެއަތޮޅުގެ މީހުން ދިރިއުޅޭ ހުރިހާ ރަށަކަށް ވަޑައިގެންފައެވެ. އަދި އެރަށްރަށުގެ ރައްޔިތުންނާއި އެކު ބަނދަރު ބައްދަލުވުންތައް ބާއްވަވާފައި ވާއިރު، އެމްޑީޕިއާ އެމްޑީއޭގެ ކެމްޕޭން ޖަހަތައް ހުޅުއްވައިދެއްވާފައިވެއެވެ.
މީގެ އިތުރުން ރައީސުލްޖުމްހޫރިއްޔާ ވަނީ އެރަށްރަށުގައިި ސަރުކާރުން ހިންގާފައިވާ ޢުމުރާނީ ތަރައްޤީގެ މަޝްރޫޢުތަކާއި ކުޅިވަރުގެ ތަރައްޤީއަށް ހިންގިފައިވާ މަޝްރޫޢުތަކުގެ ނިމުން ފާހަގަކޮށްދެއްވާފައެވެ.
ރައީސުލްޖުމްހޫރިއްޔާ އިބްރާހިމް މުހައްމަދު ޞާލިޙް އަތޮޅުތަކަށް ކުރައްވަމުންގެންދަވާ މިކެމްޕޭން ދަތުރުފުޅުގައި ދެންވަޑައިގަންނަވާނީ އަރިއަތޮޅުގެ ރަށްރަށަށް ކަމުގައި މައުލޫމާތު ލިބިފައިވެއެވެ.
