Advertisement

ދޮންކެޔޮގަނޑެއް ގަހުން އެލިފައި، ފޮޓޯ: ނޫން

11 Aug 2023
ރައީސް ޞާލިޙްގެ މި ދައުރުން ދުވަހެއް

ދަނޑުވެރި އުފެއްދުންތަކަށް ފުރުސަތު ފަހިކޮށްދިނުމަށް އެކަމަށް އެތެރެކުރާ ތަކެތިން ޑިއުޓީ ކަނޑާލި

ރައީސް އިބްރާޙިމް މުޙައްމަދު ޞާލިޙްގެ މި ސަރުކާރު ފެށިގެން އައީ، ރައްޔިތުންގެ ވަރަށް ގިނަ ކަންބޮޑުވުންތައް ޙައްލުކޮށްދޭނެ ކަމުގެ ވަޢުދުތަކެއްވެ އަދި ރައްޔިތުންނަށް ވަރަށް ބޮޑެތި އުންމީދުތަކެއް ދެމުންނެވެ. މިކަމަށްޓަކައި އެމަނިކުފާނުގެ ސަރުކާރުގެ ފުރަތަމަ 100 ދުވަހުގެ ތެރޭގައި ރައްޔިތުންނަށްޓަކައި ގިނަ ކަންތައްތަކެއް ކޮށްދެއްވާނެކަމުގައި ވައުދުވެ ވަޑައިގެންނެވިއެވެ. މި ކަންކަމުގެ ތެރެއިން ދަނޑުވެރިކަމަށް އެތެރެކުރެވޭ ތަކެތިން އިމްޕޯޓް ޑިއުޓީ ކަނޑާލުމަކީ އެ މަނިކުފާނުގެ ވަޢުދެފުޅެކެވެ.

އެގޮތުން ރައީސުލްޖުމްހޫރިއްޔާ އިބްރާޙިމް މުހައްމަދު ޞާލިޙް ވެވަޑައިގަންނަވާފައިވާ ވައުދު ފުއްދެވުމަށް "ޤާނޫނު ނަންބަރު 79/31، ދިވެހިރާއްޖޭގެ އެކްސްޕޯޓް އިމްޕޯޓުގެ ޤާނޫނަށް" 15 ވަނަ އިޞްލާޙު ގެނެސް މި ވަޢުދު ފުއްދެވީ 2018 ޑިސެންބަރު 20 ވަނަ ދުވަހުއެވެ.

މި ބިލް ތަސްދީޤު ކުރެއްވުމާ ގުޅިގެން، ދަނޑުވެރިކަން ކުރުމަށް އެތެރެކުރާ ތަކެތީގެ ތެރެއިން، ދަނޑުވެރިކަމާބެހޭ ސިޔާސަތުތައް ކަނޑައެޅުމުގެ މަސްއޫލިއްޔަތު ޙަވާލުކުރެވިފައިވާ ސަރުކާރުގެ ވުޒާރާއިން ޢާންމުކޮށް ޝާއިޢުކުރާ ތަކެއްޗަށް އިމްޕޯޓް ޑިއުޓީ ދައްކާކަށް ނުޖެހޭނެއެވެ. މިގެނެވުނު އިސްލާޙާ ގުޅިގެން އިމްޕޯޓް ޑިއުޓީ ކަނޑާލުމަށް ހަމަޖެހިފައިވާ ލިސްޓުގައި ޖުމްލަ 158 އައިޓަމެއް ހިމަނާ ގެޒެޓް ކުރެވިފައިވެއެވެ. އަދި 2019 މޭ 16 ވަނަ ދުވަހު ތަކެތީގެ މިލިސްޓަށް ފުރަތަމަ އިސްލާޙު ގެނައުމަށް ފަހު އިމްޕޯޓް ޑިއުޓީ ނުނެގުމަށް ކަނޑައެޅިފައިވާ ތަކެތީގެ ލިސްޓުގެ އަދަދު 191 އަށް އިތުރުކޮށް އައު ލިސްޓް ވަނީ ގެޒެޓް ކުރެވިފައެވެ.

ސަރުކާރުން ހާމަކުރައްވާފައިވާ ގޮތުގައި މި ވަޢުދުގެ ބޭނުމަކީ ދިވެހިރާއްޖޭގެ އުފެއްދުންތައް ލޯކަލް ބާޒާރަށް ނެރޭ މިންވަރު އިތުރުކުރުމާއި، ދަނޑުވެރިކަމުގެ ސިނާއަތުގައި ރައްޔިތުންގެ ބައިވެރިވުން އިތުރުކޮށް، ރައްޔިތުންނަށް ހެޔޮ އަގެއްގައި ދަނޑުވެރި އުފެއްދުންތައް ފޯރުކޮށްދިނުމެވެ.

ދަނޑުވެރިކަމަކީ މަންފާ ލިބޭނެ މަސައްކަތެއް ކަމުގައި ޤަބޫލުކުރާ މީހުން މިރާއްޖޭގައި ވެސް މަދެއް ނޫނެވެ. އެހެންކަމުން މިސަރުކާރު ވެރިކަމަށް އައި އިރު ދަނޑުވެރިކަން ކުރިއެރުވުމަށް ވަނީ ވައުދުތަކެއް ވެފައެވެ. އެވައުދުތަކުގެ ތެރޭގައި ހިމެނޭ ކަންކަމުގެ ތެރެއިން މިއީ އަދި އެންމެ ކަމެކެވެ. މީގެ އިތުރުން ވެސް ދަނޑުބިން ދޫކުރާނެ ޤާނޫނީ އޮނިގަނޑެއް އެކުލަވާލައި، ދަނޑުވެރިކަން (އެނިމަލް ފާމިން) ކުރަން ބޭނުންވާ ފަރާތްތަކަށް ދަނޑު ހައްދާނެ ބިން ދޫކުރަން ފެށުން ހިމެނެއެވެ. އަދި މީހުން ދިރިއުޅޭ ރަށްރަށުން ދަނޑުބިން ދޫކުރާނެ އުސޫލުތަކާއި، އަދި މީހުން ދިރިއުޅޭ ރަށްރަށާއި ކައިރީގައިވާ ފަޅުރަށް ރަށުގެ ތެރެއިން ދަނޑުވެރިކަން ކުރުމަށް ކަނޑައަޅާ ފަޅުރަށްރަށުން ދަނޑުވެރިކަން ކުރުމަށް ބިން ދޫކުރުމާއި، ދަނޑުވެރިކަމުގެ މަސައްކަތުގައި އުޅޭ އަމިއްލަ ފަރާތްތަކަށް މާލީ އިދާރާތަކުންނާއި ބޭންކުތަކުން ލޯނު އަދި ކްރެޑިޓް ސްކީމުތަކުގައި ބައިވެރިވެވޭނެ މަގު ތަނަވަސްކޮށްދިނުމާއި ދަޑުވެރި ކަމުން އުފައްދާ ތަކެއްޗަކީ ސިއްހަތައް ގެއްލުން ނުވާ (އިތުރު ޕެސްޓިސައިޑްސް ނުލާ) ތަކެތިކަން ކަށަވަރުކޮށް ބެލެހެއްޓޭނެ ނިޒާމެއް ވަނީ ޤާއިމްކޮށް ނިމިފައެވެ.

ކޮމެންޓް
އިތުރު އާޓިކަލް
02 Apr 2025
ޚަބަރު
ހޮޅުދޫ ބޯޓުގައި ރޯވެ އެބޯޓުގައި ހުރި ޒުވާނަކު ގެއްލިއްޖެ
އެމްއެންޑީއެފުން ވިދާޅުވީ، ގެއްލިގެން ހޯދަމުން ދަނީ، ލ.މާވަށަށް ނިސްބަތްވާ 25 އަހަރުގެ އަލީ މުޝްފިގް މުހައްމަދު ކަމަށެވެ. އޭނާގެ އިތުރުން އެބޯޓުން ދަތުރު ކުރި އެހެން މީހުން ވަނީ، ސަލާމަތް ވެފައެވެ. އޭގެ ތެރެއިން ދެމީހަކަށް، ތ. ކަނޑޫދޫ ޞިއްޙީ މަރުކަޒުގައި ފަރުވާދެމުން އަންނަ ކަމުގައިވެސް އެމްއެންޑީއެފުން ވިދާޅުވިއެވެ.
02 Apr 2025
ޒަކާތު ހައުސް
ޣައްޒާގައި ހާލުގައި ޖެހިފައިވާ ފަރާތްތަކަށް އެހީވުމަށް 5 ލައްކަ ރުފިޔާ ހަވާލުކޮށްފި
ޣައްޒާގައި ހާލުގައި ޖެހިފައިވާ ފަރާތްތަކަށް އެހީތެރިކަން ފޯރުކޮށްދިނުމަށް ފިޠުރު ޒަކާތުގެ ގޮތުގައި ލިބިފައިވާ ފައިސާއިން ފަސް ލައްކަ ރުފިޔާ އިސްރާ އެސޯސިއޭޝަންއާ ހަވާލުކޮށްފި
02 Apr 2025
ރައީސުލް ޖުމްހޫރިއްޔާ ޑރ. މުޙައްމަދު މުޢިއްޒު
ދުންފަތް މަނާކުރަން ވިސްނާފައިވަނީ 25 އަހަރުން ދަށުގެ މީހުންނަށް: ރައީސް
ދުންފަތް މަނާކުރަން ވިސްނާފައިވަނީ 25 އަހަރުން ދަށުގެ މީހުންނަށްކަމަށް ރައީސް ވިދާޅުވެއްޖެއެވެ.
02 Apr 2025
ރައީސުލް ޖުމްހޫރިއްޔާ ޑރ. މުޙައްމަދު މުޢިއްޒު
ދުންފަތުގެ ވިޔަފާރި ދޫކޮށްލުމަށް ރައީސް އިލްތިމާސްކުރައްވައިފި
ރާއްޖޭގައި ދުންފަތުގެ ވިޔަފާރިކުރާ ފަރާތްތަކުން އެ ވިޔަފާރި ދޫކޮށްލައި، އެހެން ވިޔަފާރިއަކަށް ބަދަލުވުމަށް ރައީސުލްޖުމްހޫރިއްޔާ އިލްތިމާސްކުރައްވައިފިއެވެ.