ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙްގެ ރަނިންމޭޓަކަށް ރައްޔިތުންގެ މަޖިލީހުގެ ހިތަދޫ އުތުރު ދާއިރާގެ މެންބަރު މުހައްމަދު އަސްލަމް ހަމަޖައްސަވައިފިއެވެ.

އަސްލަމް ރަނިންމޭޓަކަށް ހަމަޖައްސާފައިވާކަން އެމްޑީޕީން ވަނީ އާއްމުކޮށް އިއުލާނުކޮށްއަސްލަމްއަށް މަރުޙަބާ ދަންނަވާފައެވެ.

އަސްލަމް ރަނިންމޭޓަކަށް ކަނޑައެޅުއްވުމަށް ނިނެމްވުމާއި ގުޅިގެން ކެންޑިޑެންސީ ހުށައެޅުއްވުމަށްޓަކައި އޭނާގެ ރެކޯޑްތައް ސާފުކުރުމުގެ މަސައްކަތް މިހާރު ވަނީ ފަށާފައެވެ.

2018 ވަނަ އަހަރު ރައީސް ޔާމީނުގެ ވެރިކަން ބަދަލުކުރުމަށް އުފެއްދި ކޯލިޝަންގައި ރަނިންމޭޓަކު ކަނޑައެޅުމަށް ކޯލިޝަނުން ފުރުޞަތު ދިނީ، ޖުމްހޫރީ ޕާޓީއަށެވެ. އަދި މިހާރުގެ ނައިބުރައީސް ކޯލިޝަންގެ ރަނިންމޭޓުކަމުގެ މަޤާމު ހޯއްދެވީ ޖޭޕީ ކައުންސިލްގައި ނެގި ވޯޓުގައި ރައްޔިތުންގެ މަޖިލީހުގެ ކެންދޫ ދާއިރާގެ މެމްބަރު ޢަލީ ޙުސައިނާއި ވާދަކުރައްވައި އެއްވޯޓުގެ ތަފާތަކުންނެވެ.

ނައިބު ރައީސް ކަމުގެ މަޤާމަށް ފައިޞަލް ވަޑައިގެންނެވީ، ޖުމުހޫރީ ޕާޓީގެ މެމްބަރެއްގެ ގޮތުގައި އެޕާޓީއަށް ދެއްވި ފުރުޞަތުގައި ކަމަށް ވާއިރު، ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިޙްއަށް ދެވަނަ ދައުރެއް ދިނުމާއި މެދު، ދެކޮޅު ހަދައި ޖުމްހޫރީޕާޓީން ވަނީ ވަކިން ކެންޑިޑޭޓަކު ނެރޭނެކަން ޢިއުލާނުކޮށްފައެވެ.

ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިޙްގެ ދެވަނަ ދައުރަކަށްވެސް ރަނިންމޭޓަކަށް ވުމަށް ފުރުޞަތު ދެއްވާނީ، ފައިޞަލް ނަސީމަށް ކަމުގައި ގިނަ ބަޔަކު އުއްމީދު ކުރިއެވެ. އެހެންނަމަވެސް ކޯލިޝަނުގައި ޖޭޕީނެތުމާއި އެކުގައި އެމްޑީޕީގެ މެމްބަރަކަށް އެމަޤާމް ރައީސުލްޖުމްހޫރިއްޔާ ދެއްވީ ކަމަށް އެމްޑީޕީގެ ބައެއް މެމްބަރުން ވިދާޅުވެއެވެ.

ދެވަނަ ދައުރަށް އަސްލަމް ރަނިންމޭޓަކަށް ހޮއްވެވިއިރު، އެމަޤާމަށް އަސްލަމްއަކީ ވަރަށް ޤާބިލް ބޭފުޅެއް ކަމުގައި، ފޮރިންމިނިސްޓަރ ޢަބުދުﷲ ޝާހިދުވެސް ވަނީ ވިދާޅުވެފައެވެ. އަސްލަމަކީ ރައްޔިތުންގެ މަޖިލީޙުގެ އެމްޑީޕީގެ ޕާލަމެންޓްރީ ގުރޫޕްގެ ލީޑަރެވެ. އަދި ސިޔާސީ މައިދާނުގައި ތަޖުރިބާހުރި ބޭފުޅެކެވެ.