Advertisement
ރައީސުލްޖުމްހޫރިއްޔާ ހުވާކުރެއްވުމަށް ބޭއްވި ޚާއްޞަ ޖަލްސާގެ ތެރެއިން ---
ޑރ. މުއިއްޒު ރައީސުލްޖުމްހޫރިއްުޔާ ކަމުގެ މަޤާމުގެ ހުވާކުރައްވައިފި
ޑރ. މުޙައްމަދު މުޢިއްޒު ދިވެހިރާއްޖޭގެ ރައީސުލްޖުމްހޫރިއްޔާކަމުގެ މަޤާމުގެ ހުވާ ކުރައްވައިފިއެވެ.
ޑރ މުޢިއްޒު ހުވާކުރެއްވީ އެކަމަށްޓަކައި ބޭއްވި ރައްޔިތުންގެ މަޖިލީހުގެ ޚާއްޞަ ޖަލްސާގައެވެ.
މިޖަލްސާގައި ވަނީ ޙުސައިން މުޙައްމަދު ލަޠީފްވެސް ރައީސުލްޖުމްހޫރިއްޔާގެ ނައިބުގެ މަޤާމުގެ ހުވާކުރައްވާފައެވެ. ރައީސުލްޖުމްހޫރިއްޔާއަށާއި، އެމަނިކުފާނުގެ ނައިބަށް މަޤާމުގެ ހުވައިލައިދެއްވީ، އުއްތަމަ ފަނޑިޔާރު، މުޢުތަސިމް ޢަދުނާނެވެ.
މިޖަލްސާގައި ރައީސުލްޖުމްހޫރިއްޔާގެ މަޤާމުގެ ހުވާކުރެއްވި، ޑރ. މުޙައްމަދު މުޢިއްޒާއި، ރައީސުލްޖުމްހޫރިއްޔާގެ ނައިބު ޙުސައިން މުޙައްމަދު ލަޠީފް ވަނީ މަޤާމުގެ ހުވާގެ އިޤުރާރުގައި ސޮއެކުރައްވާފައެވެ.
ރައީސުލްޖުމްހޫރިއްޔާ ކަމުގެ މަޤާމުގެ ހުވާކުރެއްވުމަށްފަހު، ރައީސުލްޖުމްހޫރިއްޔާ، ޑރ. މުޙައްމަދު މުޢިއްޒުވަނީ، ރައްޔިތުންގެ މަޖިލީހުގެ މިޚާއްސަ ޖަލްސާގައި ތަޤުރީރު ކުރައްވައި އެމަނިކުފާނުގެ ސަރުކާރު މުހިއްމު ސިޔާސަތުތަކާއި އަމާޒުތަކާއި ގުޅޭގޮތުން ވާހަކަފުޅު ދައްކަވާފައެވެ.
