އިންތިޚާބީ ރައީސުލްޖުމްހޫރިއްޔާ ޑރ. މުޙައްމަދު މުއިއްޒުއާއި އިންތިޚާބީ ރައީސުލްޖުމްހޫރިއްޔާގެ ނައިބު ޙުސައިން މުޙައްމަދު ލަޠީފް މިއަދު މަޤާމުގެ ހުވައިކުރައްވާނެއެވެ.

އައު ރައީސުލްޖުމްހޫރިއްޔާ އާއި އެމަނިކުފާނުގެ ނައިބު ހުވާކުރައްވާނީ، ރައްޔިތުންގެ މަޖިލީހުގެ ޚާއްސަ ޖަލްސާއެއްގެ ތެރެއިން ބޭއްވޭ ރަސްމިއްޔާތުގައެވެ. މިޖަލްސާ އޮންނާނީ މިއަދު ހަވީރު، 4:45ގައި ޖުމްހޫރީ މައިދާނުގައެވެ.

މިޖަލްސާގައި ރައީސުލްޖުމްހޫރިޔާ ކަމުގެ މަޤާމުގެ ހުވައިކުރެއްވުމަށް ފަހުގައި، ޑރ. މުޙައްމަދު މުޢިއްޒު ތަޤުރީރު ކުރައްވާނެއެވެ.

Advertisement

އައު ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވެވަޑައިގަންނަވާނީ، ދިވެހިޖުމްހޫރިއްޔާގެ 8 ވަނަ ރައީސަށެވެ.