ވިސާ ނުލިބިގެން އައިޓީބީ ފެއާއަށް ބައެއް މީހުންނަށް ނުދެވުނަސް، ފެއާގެ ކަންކަން ދާނީ ރަނގަޅަށް: އެމްއެމްޕީއާރްސީ

އެމްއެމްޕީއާރްސީގެ ޑެޕިއުޓީ މެނޭޖިން ޑައިރެކްޓަރ ޒިހުނީ ރަޝީދު، ވިދާޅުވީ، މިފަހަރުގެ އައިޓީބީ ފެއާގައި ރާއްޖޭގެ އެގްޒިބިޓަރުންނާއި އެކު 200 ވުރެ ގިނަ ފަރާތުން ބައިވެރިވާކަމަށެވެ. އަދި ވިސާ ހަމަނުޖެހުނު ފަރާތްތަކުގެ ތެރޭގައި ހިމެނެނީ، ބޭންޑާއި، ޘަޤާފީ ހުށައެޅުންތައް ދައްކާލުމަށާއި، ނޫސްވެރިންގެ ގޮތުގައި ފެއާ ކަވަރ ކުރުމަށް ދާން ހަމަޖެއްސި ބައެއް މީހުންނަށް ކަމަށެވެ. އަދި އެމީހުންނަށް ވިސާ ހަމަނުޖެހުނީ، ވިސާގެ މަސައްކަތްތަކުގައި ދިމާވި ބައެއް މައްސަަލަތަކުގެ ސަބަބުން ކަމުގައިވެސް އޭނާ ވިދާޅުވިއެވެ.