ހުރިހާ އުމުރެއްގެ މީހުނަށް އާސަންދަ ސްކީމްގެ ދަށުން މެޑިކަލް ޗެކަޕް ހެދުމަށް ހުޅުވާލައިފި

މިދިޔަ ޖޫން މަހުގެ ނިޔަލަށް މި ސިޔާސަތުގެ ދަށުން މެޑިކަލް ޗެކަޕް ހެދުމަށް ހުޅުވާލާފައި އޮތީ އުމުރުން 40 އަހަރުން މަތީގެ މީހުނަށާއި 18 އަހަރުން ދަށުގެ ކުދިންނަށެވެ. ނަމަވެސް 1 ޖުލައި 2024 އިން ފެށިގެން އުމުރުން 19 އަހަރާއި 39 އަހަރާއި ދެމެދުގެ މީހުންނަށް ސަރުކާރުގެ ހޮސްޕިޓަލްތަކުން މެޑިކަލް ޗެކްއަޕް ހެދޭނެ އިންތިޒާމު ހަމަޖައްސާފައިވާކަމަށް، އެންސްޕާއިން ވަނީ އިއްޔެ ބުނެފައެވެ. އެހެންކަމުން، މިހާރު ހުރިހާ ދިވެހިންނަށް ހިލޭ މެޑިކަލް ޗެކަޕް ހެދޭނެ މަގު މިވަނީ ފަހިވެގެން ގޮސްފައެވެ.