އަދަބީ މުބާރާތްތައް ބޭއްވުމަށް ނިންމި ތާރީޚަށް އެއް ދުވަހަށް ވެފައި ވަނިކޮށް މުބާރާތްތައް ފަސްކޮށްފި

ޤައުމީ މަޒުމޫނު ލިޔުމުގެ ޤައުމީ މުބާރާތާއި ކުރުވާހަކަ ލިޔުމުގެ ޤައުމީ މުބާރާތާއި ޅެން ހެދުމުގެ ޤައުމީ މުބާރާތަށް ސްކޫލުތަކުގެ ދަރިވަރުންނާއި އަމިއްލަ ގޮތުން ބައިވެރިވި ފަރާތްތަކުން ތައްޔާރުވެ، މުބާރާތް ބާއްވާ ތާރީޚަށް އެއް ދުވަހަަށް ވެފައި ވަނިކޮށް، ޖުލައި 31 ވީ ބުދަ ދުވަހު، ދިވެހިބަހުގެ އެކެޑަމީން ވަނީ މުބާރާތްތައް ފަސްކުރިކަން ސްކޫލުތަކަށް އަންގާފައެެވެ. އަދި މުބާރާތްތައް ބާއްވާ ތާރީޚު ފަސްކުރި ނަމަވެސް އަލުން މުބާރާތްތައް ބާއްވާނެ ތާރީޚެއް އެކަޑަމީ ކަނޑައަޅާފައެއް ނުވެއެވެ.