ހުސްވި ސެޕްޓެމްބަރ މަހު ރާއްޖެއަށް 130،967 ފަތުރުވެރިން ޒިޔާރަތްކޮށްފިއެވެ. މިއީ މިދިޔަ އަހަރުގެ ސެޕްޓެމްބަރ މަހާއި އަޅާބަލާއިރު %16.94 އިތުރު އަދަދެކެވެ.

މޯލްޑިވްސް އިމިގްރޭޝަންގެ ތަފާސްހިސާބުތައް ދައްކާގޮތުން މިއަހަރުގެ ސެޕްޓެމްބަރ މަހާއި ހަމައަށް ރާއްޖެއަށް 1،361،048 ފަތުރުވެރިން ވަނީ ޒިޔާރަތްކޮށްފައެވެ.

ސެޕްޓެމްބަރ މަހު އެވްރެޖްކޮށް ދުވާލެއްގެ މައްޗަށް ރާއްޖެއަށް 4366 ފަތުރުވެރިން ވަނީ އައިސްފައެވެ. އަދި އެންމެ ގިނައިން ފަތުރުވެރިން އައި ދުވަހު ރާއްޖެއަށް 5727 ފަތުރުވެރިން ވަނީ އައިސްފައެވެ. އަދި އެންމެ މަދުން ފަތުރުވެރިން އައި ދުވަހުވެސް 3585 ފަތުރުވެރިން އައިސްފައިވާކަމަށް ތަފާސްހިސާބުތަކުން ދައްކައެވެ.

ސެޕްޓެމްބަރ މަހު އެންމެ ގިނައިން ރާއްޖެއަށް ފަތުރުވެރިން އައިސްފައިވާ ޤައުމުތައް:

ޗައިނާ - 25،065 ފަތުރުވެރިން

އިންޑިއާ - 14،092 ފަތުރުވެރިން

ރަޝިއާ - 12،375 ފަތުރުވެރިން

ޖަރުމަނުވިލާތް - 9،820 ފަތުރުވެރިން

އިނގިރޭސިވިލާތް - 7،936 ފަތުރުވެރިން

ވަކިވަކި މަސްމަހު ރާއްޖެ އައި ފަތުރުވެރިންގެ އަދަދު:

ޖަނަވަރީ - 172،499 ފަތުރުވެރިން

ފެބްރުއަރީ - 177،915 ފަތުރުވެރިން

މާރޗް - 173،514 ފަތުރުވެރިން

އޭޕްރީލް - 164،357 ފަތުރުވެރިން

މެއި - 120،959 ފަތުރުވެރިން

ޖޫން - 120،363 ފަތުރުވެރިން

ޖުލައި - 145,620 ފަތުރުވެރިން

އޮގަސްޓް – 154،854 ފަތުރުވެރިން

ސެޕްޓެމްބަރ – 130،967 ފަތުރުވެރިން

މިއަހަރަށް ސަރުކާރުން އަމާޒު ކަނޑައަޅާފައިވަނީ 1.8 މިލިއަން ފަތުރުވެރިން ގެނެސް ފަތުރުވެރިކަމުގެ ރެކޯޑެއް ހެދުމަށެވެ. މިދިޔަ އަހަރު ސަރުކާރުން ކަނޑައެޅި 1.6 މިލިއަން ފަތުރުވެރިންގެ އަމާޒު އަހަރު ނިމުމުގެ 10 ދުވަސް ކުރިން ވަނީ ހާސިލްކޮށްފައެވެ.