އެސްޓީއޯ ސުޕަމާޓުން ރަސަލް ހޮބްސް ބްރޭންޑުގެ އުފެއްދުންތަކުން ވިޔަފާރިކޮށްގެން ދެ މީހަކަށް ސިންގަޕޫރު ދެކޮޅު ޓިކެޓްލިބޭ ޕްރޮމޯޝަނެއް ފަށައިފިއިވެ. އޮކްޓޫބަރު 1ން ފެށިގެން ނޮވެމްބަރ 31 ގެ ނިޔަލަށް ކުރިޔަށް ގެންދާ މި ޕްރޮމޯޝަންގައި ރަސަލް ހޮބްގެ އުފެއްދުންތައް ގަތުމަށް ހޭދަކުރާ ކޮންމެ 250 ރުފިޔާއަކަށް ޑިޖިޓަލް ކޫޕަނެއް ލިބޭނެއެވެ.

މި ޕްރޮމޯޝަނުގެ އެއްވަނަ އިނާމަކަށް ދެ މީހަކަށް ސިންގަޕޫރު ދެކޮޅު ޓިކެޓް ލިބޭއިރު ދެވަނަ އިނާމަކީ 75 އިންޗީގެ ފިލިޕްސް އެލްއީޑީ ޓީވީއަކާއި ޕިލިޕްސް ސައުންޑް ބާ އެކެވެ. ތިންވަނައަށް ހޮވޭ ފަރާތަކަށް ހުށަހަޅާފައިވަނީ ހިޓާޗީ ފްރޮންޓް ލޯޑް ދޮންނަ މެޝިނެކެވެ.

ރަސަލް ހޮބްސް ބްރޭންޑް އެސްޓީއޯއިން ތައާރަފްކުރީ 2022 ވަނަ އަހަރުގެ ޖޫން މަހުއެވެ. އަދި އެސްޓީއޯއަކީ އެ ބްރޭންޑުގެ ރާއްޖޭގެ އެކްސްކްލޫސިވް ޑިސްޓްރިބިއުޓަރއެވެ.

ރަސަލް ހޮބްސްއަކީ 1952 ވަނަ އަހަރު ވުޖޫދުވި، ދުނިޔޭގެ ނަން މަޝްހޫރު މަގްބޫލު ބްރޭންޑެކެވެ. މި ބްރޭންޑް ނިސްބަތްވަނީ އިނގިރޭސިވިލާތަށެވެ. ރަސަލް ހޮބްސް ނިސްބަތްވަނީ އެ ކުންފުނީގެ ދެ ބާނީން ކަމުގައިވާ ވިލިއަމް ރުސެލް އަދި ޕީޓަރ ހޮބްސް އަށެވެ.