Advertisement

23 Sep 2023
ޚަބަރު

ނުވަދިހަނުވަ ވޯޓުފޮށްޓެއްގެ ވޯޓުލުން މިފަހަރު 2 ސެޓަޕަށް

ރިޔާސީ އިންތިހާބުގެ 2 ވަނަ ބުރުގައި ވޯޓުލާއިރު ވޯޓުލުމުގެ ކަންކަން އަވަސްކަމާއިއެކު ކުރިއަށްގެންދިއުމަށް 99 ވޯޓު ފޮށްޓެއް 2 ސެޓަޕަށް ބަދަލުކޮށްފައިވާކަމަށް އިލެކްޝަންސް ކޮމިޝަންގެ ނައިބު ރައީސް އިސްމާއިލް ހަބީބް ވިދާޅުވެއްޖެއެވެ. ހަބީބް ވިދާޅުވީ، މިގޮތަށް ބަދަލުކޮށްފައިވަނީ 500 އަށްވުރެ ގިނަ މީހުން ވޯޓުލާން ރަޖިސްޓްރީކޮށްފައިވާ ފޮށިތައްކަމަށެވެ. 

ހަބީބް ވަނީ ކުދި ޖާގަތަކުގައި ހުރި 43 ފޮށްޓެއް އެހެން ތަންތަނަށް ބަދަލުކޮށްފައިވާކަމަށްވެސް ވިދާޅުވެފައެވެ. 2 ވަނަ ބުރުގައި ވޯޓުލާއިރު ބޫތަށްވެސް ބަދަލު ގެނެސްފައިވާކަން ހަބީބް ފަހަގަކުރެއްވިއެވެ. އެގޮތުން ބޫތު ހުންނާނީ ފާހަގަ ޖަހާއިރު މީހާ ބޫތުގެ އެތެރެއަށް ވަންނަ ފަދަ ގޮތަކަށްކަން އޭނާ ފާހަގަކުރެއްވިއެވެ. އަދި މިފަހަރު ފާހަގަ ޖަހާއިރު ކަރުދާސް ބާއްވާ ތަންވެސް ހުންނާނީ ބްރިސިލް ބޯޑެއް ބާއްވައި ފަސޭހައިން ފާހަގަ ޖެހޭނެގޮތަށް ކަމަށާއި އެތަންތަން އީސީން މިހާރު ޗެކްވެސް ކޮށްފައިވާކަން ހަބީބް ފާހަގަކުރެއްވިއެވެ.

ރިޔާސީ އިންތިހާބުގެ 2 ވަނަ ބުރުގެ ވޯޓުލުން އޮންނަނީ އަންނަ ހޮނިހިރު ދުވަހުއެވެ. އެއީ މިމަހުގެ 30 ވަނަ ދުވަހެވެ. އިންތިހާބުގެ ފުރަތަމަ ބުރުގައި އީސީއަށް ފާހަގަކުރެވުނު އަދި ޝަކުވާ ލިބުނު ކަންކަމަށް ބަލައި 2 ވަނަ ބުރުގެ ވޯޓުލުމުގައި މިކަންކަން ރަނގަޅުކުރުމުގެ މަސައްކަތް އީސީއިން ދަނީ ކުރައްވަމުންނެވެ.

ރީރަޖިސްޓްރޭޝަންއަށް ފަހު 2 ވަނަ ބުރުގައި ވޯޓުފޮށީގެ އަދަދަށްވެސް ވަނީ ބަދަލުތަކެއް އައިސްފައެވެ. ފުރަތަމަ ބުރުގައި ބަހައްޓާފައިވަނީ 586 ވޯޓުފޮށްޓެކެވެ. ނަމަވެސް މިހާރު 574 އަށް ވަނީ އިތުރުވެފައެވެ. މިއީ 12 ފޮށީގެ އިތުރުވުމެކެވެ. އިތުރަށް ވޯޓުފޮށި ބަހައްޓަނީ މާލޭގައި 4 ފޮށި، ހުޅުމާލެ ފޭސް1 ގައި 2 ފޮށި، ހުޅުމާލެ ފޭސް2 ގައި 4 ފޮށި، ވިލިމާލޭގައި 1 ފޮށި އަދި ޓްރިވެންޑްރަމްގައި 1 ފޮށްޓެވެ.

ވޯޓުލާން ވަޑައިގެންނެވުމުގެ ކުރިން ވޯޓުލާންދާންޖެހޭ ތަން ޗެކްކުރުމަށް އީސީން ވަނީ އިލްތިމާސްކޮށްފައެވެ. 1414 އަށް ގުޅައިގެން ނުވަތަ ވީއާރު ހުސްތަންކޮޅެއް ދޫކުރުމަށްފަހު އައިޑީކާޑު ނަންބަރު ޖެއްސެވުމަށްފަހު 1414 އަށް މެސެޖްކޮށްގެންވެސް މި މައުލޫމާތު ސާފުކުރެވޭނެއެވެ.

ކޮމެންޓް
އިތުރު އާޓިކަލް
04 Apr 2025
މޯލްޑިްވްސް ޕޮލިސް ސަރވިސް
ގިނަ ބަނގުރާ ފުޅުތަކަކާއެކު ބިދޭސީއަކު ހުއްޓުވައިފި
ބޮނަކުއާ ފުޅިތަކަކަށް ބަނގުރާ އަޅާއިގެން ވޭނެއްގައި ހުޅުމާލޭގައި ދުއްވަމުން ދިޔަ ބިދޭސީއަކު ފުލުހުން ރޭ ހުއްޓުވައިފިއެވެ.
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.