މިދިޔަމަހު ރާއްޖެއަށް އިމްޕޯޓް ކުރި މުދަލުގެ އަދަދު މިދިޔަ އަހަރާއި އަޅާބަލާއިރު، 7 އިންސައްތަ އިތުރުވެއްޖެއެވެ. މިދިޔަ އަހަރުގެ އޮގަސްޓްމަހު ރާއްޖެއަށް 4.8 ބިލިއަން ރުފިޔާގެ މުދާ އިމްޕޯޓް ކޮށްފައިވެއެވެ. މި އަހަރުގެ އޮގަސްޓްމަހު މި ޢަދަދުވަނީ 5 ބިލިއަން ރުފިޔާއަށް އިތުރުވެފައެވެ.  

އިމްޕޯޓް އިތުރުވި ނަމަވެސް މިދިޔަމަހު ރާއްޖެއިން މުދާ ބޭރުކުރި މިންވަރުވަނީ ދަށްވެފައެވެ. މިދިޔަ އަހަރުގެ އޮގަސްޓުމަހު 125 މިލިއަން ރުފިޔާގެ މުދާ އެކްސްޕޯޓްކޮށްފައިވާއިރު މިއަހަރު މި އަދަދު އުޅެނީ 93 މިލިއަން ރުފިޔާގައެވެ.

ތަފާސްހިސާބުތައް ދައްކާގޮތުން އިމްޕޯޓް އެކްސްޕޯޓުން މިދިޔަމަހު ދައުލަތައް ލިބިފައިވަނީ 324 މިލިއަން ރުފިޔާއެވެ. މިދިޔަމަހު ރާއްޖެއަށް އެންމެ ގިނައިން މުދާ އެތެރެކޮށްފައިވާ ޤައުމުތަކަކީ އޮމާން، އިންޑިއާ، ޔޫ.އޭ.އީ، ޗައިނާ އަދި ޖަރުމަނުވިލާތެވެ.

Advertisement

އޮމާން - 887 މިލިއަން ރުފިޔާ

އިންޑިއާ - 736 މިލިއަން ރުފިޔާ

ޔޫ.އޭ.އީ -648 މިލިއަން ރުފިޔާ

ޗައިނާ - 398 މިލިއަން ރުފިޔާ

ޖަރުމަނުވިލާތް - 364 މިލިއަން ރުފިޔާ

ޖަރުމަންވިލާތް - %25

އިނގިރޭސިވިލާތް - %18

ތައިލޭންޑް - %13

އިންޑިއާ - %8

ފަރަންސޭސިވިލާތް - %5

މިދިޔަ މަހު ރާއްޖެއަށް އެންމެ ގިނައިން އިމްޕޯޓްކޮށްފައިވަނީ ތެލާއި ގޭހުގެ ބާވަތްތަކެވެ. އެއީ އަގުން ބަލާއިރު 1139 މިލިއަން ރުފިޔާއެވެ. ދެން އެންމެ ގިނައިން އެތެރެކޮށްފައި ވަނީ ކެއުމަށް ބޭނުންކުރާ އެކިއެކި ބާވަތްތަކެވެ. އެއީ 802 މިލިއަން ރުފިޔާގެ ތަކެއްޗެވެ.