ރިޔާސީ އިންތިޚާބުގެ ކެމްޕޭނުގައި ހިޔާ ސަރަހައްދަށް ޑޯޓުޑޯއަށް ވަޑައިގެންނެވުމުން ރައީސުލްޖުމްހޫރިއްޔާގެ އަނބިކަނބަލުން، މެޑަމް ފަޒްނާ އަޙްމަދަށް ހަމަލާދިނުމަށް އިދިކޮޅު ކެންޑިޑޭޓު، ޑރ މުޙައްމަދު މުޢިއްޒުގެ ސަޕޯޓަރުން މަސައްކަތްކޮށް، އެމީހުންގެ ފުރައްސާރައިގެ އަޑު ގަދަވުމުން، އެކަމަށް މެޑަމް ފަޒްނާ އަރިހުގައި ތިއްބެވި ބޭފުޅުން ރައްދުދޭން ފެށިއެވެ. ނަމަވެސް މެޑަމް ފަޒްނާ ނަސޭހަތްތެރިވީ އެމީހުންނަށް ރީތި މިސާލުދައްކާ، ކެތްތެރިކަމުގެ މާތް ސިފަ އިސްކުރުމަށެވެ. އަދި އެކަމަނާގެ ފުށުން ހިތްވަރު ހޯދުމަށް ބާރުއެޅޭ ގޮތަށް މުހާތަބުކޮށްފައިވެއެވެ.

އެގޮތުން މެޑަމް ދެންނެވީ، "ހަޅޭއްނުލަވާށޭ، އަޅުގަނޑަށް ކެތްވަންޔާ ތިބޭފުންނަށްވެސް ކެތްވާންވާނެ"، މިހެންނެވެ.

މިއަދުގެ ހާދިސާ ވަރަށް ތަފްސީލުކޮށް މެޑަމް ފަޒްނާވަނީ ފޭސްބުކްގައި ޙިއްސާކޮށްފައެވެ. އެގޮތުން އެ އަމަލު ހުއްޓުވުމަށް މެޑަމް އަރިހުގައި ހުންނެވި އެމްޕީ ނިޔާޒް، ހުޅުމާލެ ކައުންސިލް މެންބަރ އަށް ގުޅުމުން "އެހެން ހޭ، ތަންކޮޅެއްދެން ހޔތކޑ ދޯއޭ، ތިމަންނަ މިހިރީ ރައްޖޭން ބޭރުގައޭ، މި ބަލަނީ އޭ" ބުނެ ހަބަރެއް ނުވާކަމާއި އަދި އިދިކޮޅު ކެންޑިޑޭޓަށް ގުޅާ މެސެޖުކުރުމުން ވެސް ހަބަރެއް ނުވާކަމަށް މެޑަމް ފަޒްނާ ޙިއްސާކޮށްފައިވެއެވެ. 

Advertisement

މެޑަމް އިތުރަށް ފާހަގަކޮށްފައިވާ ގޮތުގައި މެޑަމްއަށް ފުރައްސާރަކުރި ދެ ފިރިހެނުން ފުރައްސާރަކުރަމުން ނުހިނގި ނަމަ މެޑަމް އެ ސަރަހައްދަށް ދުރުވިކަންވެސް ގިނަމީހުނަށް ނޭންގޭނެކަމަށާއި، މި ހުތުރު އަމަލުގެ ސަބަބުން މެޑަމްގެ ކެމްޕެއިން ޓީމަށް ވީ ފައިދާކަމަށް ވިދާޅުވެފައިވެއެވެ. އަދި ދުރުވަން ޝެޑިއުލްކޮށްފައި ނުވާ ފްލެޓްތަކުންވެސް ދައުވަތު ލިބުންކަމަށް ފާހަގަކޮށްފައިވެއެވެ. 

މެޑަމްގެ ކެމްޕެރިން ހަރަކާތް ސިފަ ކުރައްވަމުން ވިދާޅުވީ، ފުރަތަމަބުރުގައި މެޑަމްއަކީ އުޅޭމީހެއްކަންވެސް ނޭންގޭނެކަމަށާއި، ދެވަނަ ބުރުގައި ތަންކޮޅެއްގަދައަށް ކެންޕޭން ގައި އުޅެންފެށުމުން ބޮޑު ތުހުމަތެއްކޮށް ނުރައްކަލެއްގެ ތެރެއަށް ހުށަހެޅުމަކީ ސީރިއަސް މައްސަލައެއްކަމަށެވެ.