މީގެ 22 އަހަރު ކުރިން، 2001 ސެޕްޓެމްބަރު 11 ވަނަ ދުވަހު އެންމެންގެ ހިތްތަކަށް ބިރުވެރިކަން ވެރިވެގެން ދިޔައީ އެމެރިކާގެ ނިއުޔޯކް ސިޓީގައި ހުރި ވޯލްޑް ޓްރޭޑް ސެންޓަރުގެ ދެ ޓަވަރަށް ހައިޖެކް ކޮށްފައިވާ ފްލައިޓްތަކަކުން ދިން ޓެރަރިސްޓް ހަމަލާއެވެ. ދުވަސް ފެށިގެން މާގިނަ އިރުތަކެއް ނުވެ މީހުންނަށް ކުރިމަތިލާން ޖެހުނު މިހަމަލާގެ ސަބަބުން 110 ބުރީގެ ދެޓަވަރު ބިމާ ހަމަވެ ހިރަފުހަށް ވާން މާގިނަ ވަގުތުތަކެއް ހޭދަވެގެނެއް ނުދެއެވެ. މިހަމަލާގެ ހަނދާންތައް އަދިވެސް އެތައް ބައެއްގެ ހިތްތަކުގައި ބިރުވެރިކަމުން ފުރިގެންވާ ދުވަހެއްގެ ގޮތުގައި ބިންވަޅު ނެގިފައިވެއެވެ.

ޓެރަރިސްޓް ޖަމާޢަތެއްކަމުގައިވާ އަލްޤައިދާއިން މިހަމަލާތަކުގެ ޒިންމާ ނަގާފައިވާއިރު، މި ހަމަލާގެ ސަބަބުން 3000 އަށް ވުރެ ގިނަ މީހުންގެ ފުރާނަ ގެއްލި އިތުރު އެތަކެއް ހާސް މީހުންނަށ އެކި ވަރުގެ އަނިޔާތަސް ލިބިފައިވެއެވެ. މިކަމުގެ ސަބަބުން އަންދާޒާ ނުކުރެވޭ ވަރުގެ ބޮޑު ހީނަރުކަމެއް ދުނިޔޭގެ އެކިކަންކޮޅުތަކަށް ލިބުނެވެ.

ޓްވިން ޓަވަރ ގޮއްވާލި ދުވަހުގެ މަންޒަރުތައް

ވޯލްޑް ޓްރޭޑް ސެންޓަރަށް 2001 ވަނަ އަހަރު ދެވުނު މިހަމަލާ އަކީ މިތަނަށް ދެވުނު ފުރަތަމަ ހަމަލާއެއް ނޫނެވެ. މީގެ ކުރިން 1993 ވަނަ އަހަރުވެސް ވޯލްޑް ޓްރޭޑް ސެންޓަރުގެ ނޯރތު ޓަވަރު ގަރާޖުގައި ބޮމެއް ގޮއްވާލުމުގެ ސަބަބުން 6 މީހަކު މަރުވެ 1000 އަށް ވުރެ ގިނަ މީހުން ޒަހަމް ވެފައިވެއެވެ.

މީގެ އިތުރުން މިހަމަލާގައި ފާހަގަކޮށްލެވޭ އެއްކަމަކީ ފްލައިޓުތައް ހައިޖެކްކުރުމުގައި ބައިވެރިވެފައިވާ މީހުންނަކީ ޤަވާއިދާ އެއްގޮތަށް އެކިއެކި ބޭނުމުގައި އެމެރިކާއަށް އެތެރެވެފައިވާ މީހުންނެވެ. އަދި މީގެތެރެއިން ބައެއް މީހުން ފްލޮރިޑާ ސިޓީގެ ފްލައިޓް ސްކޫލްތަކުން ތަމްރީންތައް ވެސް ފުރިހަމަކޮށްފައިވާކަން ފާހަގަކޮށްލެވެއެވެ. މިދުވަހު ކުރިއަށް ގެންގޮސްފައިވާ ހަމަލާތައް ކުރިއަށް ގެންދިއުމަށް 4 ފްލައިޓެއް ހައިޖެކް ކޮށްފައިވެއެވެ. މިތަނުން 2 ފްލައިޓެއް ޓްވިން ޓަވަރަށް އަމާޒުކޮށްފައިވާ އިރު ތިންވަނަ ފްލައިޓް ވައްޓާލާފައިވަނީ އެމެރިކާ ސަރުކާރުގެ ސަލާމަތީ ކަންކަމާއި ގުޅޭ މައި ވުޒާރާ ހިންގަމުންދާ ޕެންޓަގަން ބިލްޑިންގ އަށް އަދި ހަތަރު ވަނަ ފްލައިޓް ވެއްޓިފައިވަނީ އެމްރިކާގެ ސިޓީއެއް ކަމުގައިވާ ޕެންސިލްވޭނިއާގެ ހިސާބަކަށެވެ.

2001 ވަނަ އަހަރުގެ މިހަމަލާއަށްފަހު ވޯލްޑް ޓްރޭޑް ސެންޓަރ އަލުން މަރާމާތުކޮށް "ފްރީޑަމް ޓަވަރ" ގެ ނަމުގައި ހުޅުވާ މިއީ ސެޕްޓެންބަރު 11 ވަނަ ދުވަހުގެ ހާދިސާއަށް ފަހު މަރުވެދިޔަ މީހުންގެ ހަނދާން އައު ކުރުމުގެ އިތުރުން ކެތްތެރިކަން ދައްކުވައިދޭ ރަމްޒެކެވެ.