ރިޔާސީ އިންތިޚާބާއި ގުޅިގެން ކޮމްޕްލެއިންޓްސް ބިއުރޯތަކަށް 51 މައްސަލައެއް ހުށައަޅާފައިވާ ކަމަށް އިލެކްޝަންސް ކޮމިޝަނުން ވިދާޅުވެއްޖެއެވެ.

އިލެކްޝަންސް ކޮމިޝަންގެ ނައިބްރައީސް އިސްމާޢީލް ޙަބީބް ވިދާޅުވީ ރިޔާސީ އިންތިޚާބާ ގުޅިގެން އިއްޔެ ގައުމީ ކޮމްޕްލެއިންޓްސް ބިއުރޯއަށް 26 މައްސަލަ ލިބިފައިވާކަމަށެވެ. އަދި ސިޓީ، އަތޮޅު ކޮމްޕްލެއިންޓްސް ބިއުރޯތަކަށް ހުށަހެޅި 25 މައްސަލައާއެކު ޖުމުލަ 51 މައްސަލަ ކޮމްޕްލެއިންޓްސް ބިއުރޯތަކަށް ހުށަހަޅާފައިވާ ކަމަށެވެ.

އީސީއަށް ލިބިފައިވާ މައްސަލަތައް:

ކެމްޕޭން ކުރުމާގުޅޭ 3 މައްސަލަ

އޮބްޒާވަރުންނާ ގުޅޭ 1 މައްސަލަ

ވޯޓުލުމުގެ ހައްޤާގުޅޭ 10 މައްސަލަ

ރަޖިސްޓްރޭޝަނާ ގުޅޭ 8 މައްސަލަ

އޮފިޝަލުންނާ ގުޅޭ 11 މައްސަލަ

ވޯޓުގެ ސިއްރުކަމާ ގުޅޭ 14 މައްސަލަ

ރިޝްވަތު ދިނުމާ ގުޅޭ 2 މައްސަލަ

އެހެނިހެން 2 މައްސަލަ

ހަބީބް ވިދާޅުވީ މި މައްސަލަތަކާ ގުޅިގެން ވަގުތުން ހައްލުކުރެވެން ހުރި މައްސަލަތައް ހައްލުކުރެއްވިކަމަށެވެ. އަދި ތަޙްޤީޤު ކޮށްގެން އިތުރަށް ބަލަންޖެހޭ މައްސަލަތައް ތަޙްޤީޤް ކުރުމުގެ މަސައްކަތް ކުރިޔަށްދާ ކަމަށްވެސް ހަބީބް ވިދާޅުވިއެވެ.