ފުލުުހުންގެ އިދާރާއިންނާއި ހޯމް މިނިސްޓަރުވެސް ވިދާޅުވީ، ފުލުހުން ޓޯވ ކުރާ އުޅަނދުތައް ނައްތާލަމުން ގެންދަނީ އެކަަމަށް ކަނޑައަޅާގައި އޮންނަ އުސޫލުގެ ދަށުން ކަމަށެވެ. ފުލުހުންގެ އިދާރާއިން ވިދާޅުވީ މިހާތަނަށް 499 އުޅަނދު ނައްތާލާފައިވާ ކަމަށާއި އޭގެ ތެރޭގައި ހިމެނެނީ، 2 ފުރޮޅުލީ، 247 އުޅަނދާއި، 4 ފުރޮޅުލީ 29 އުޅަނދާއި، އެމްބިއުލާންސްއެއްގެ އިތުރުން، 223 ބައިސިކަލް ކަަމަށެވެ.

ރައީސުލްޖުމްހޫރިއްޔާ މިނިންމުންތައް ނިންމެވީ ހުޅުމާލޭގައި ރޭ ހިނގި ނުރައްކާތެރި އެކްސިޑެންޓެއްގައި އުމުރުން 23 އަހަރުގެ ޒުވާނަު ނިޔާވުމާއި ގުޅިގެންނެވެ.

2023 އޮކްޓޯބަރ 19 ގައި ދީފައިވާ މިހުއްދަތައް ބާޠިލުކުރަން އެންގެވީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒެވެ. ހުޅުމާލޭގެ ބައެއް ސަރަހައްދުތަކުގައި ރޭސް ޖެހުމަށް ހުއްދަކޮށް ސަރަހައްދުތައް މީގެ ކުރިން ކަނޑައަޅާފައި ވީ ނަމަވެސް އެފަދަ ހުރިހާ ހުއްދައެއް ބާޠިލް ކުރުމަށް ރައީސުލްމްހޫރިއްޔާ މިއަދު ވަނީ އަންގަވާފައެވެ.

ސަމާޙް މަރުވާން ދިމާވީ، އެކްސިޑެންޓްގައި ވިއްސައިގެން ގޮސް އޭނާ ބޯ ޕޭވްމެންޓް އަރިމަތިން ކޮންކްރީޓް ގަނޑުގައި ޖެހިގެން ލިބުނު ސީރިއަސް އަނިޔާތަކާއި ގުޅިގެންނެވެ. ސަމާހުގެ ބޮލުގެ ކަނާތް ފަރާތުން ކަނާތު ލޮލާއި ނިއްކުރިއާ ދިމާއިން ވަރަށް ބޮޑަށް ޒަޚަމްވިއެވެ.