Advertisement

އެމްޑީޕީގެ ޗެއާޕާސަން ފައްޔާޟު އިސްމާޢީލް --

02 Sep 2023
ޚަބަރު

އަމިއްްލަ އެދުމުން ފުރިގެންވާ ބަޔަކު މަސައްކަތް ކުރަނީ އަނިޔާވެރިކަން އަލުން ގެނައުމަށްކަމުގައި ފައްޔާޒު ވިދާޅުވެއްޖެ

ރައީސް ޔާމީނުގެ އަނިޔާވެރި ވެރިކަން ނިމުމަކަށް ގެނައުމަށް އެމްޑީޕީއާއެކު މަސައްކަތްކުރި ބަޔަކު، އެބައެއްގެ އަމިއްލަ އެދުމަށް، އަނިޔާވެރިކަން އަލުން އިޢާދަކުރުމަށް މަސައްކަތް ކުރަމުންދާކަމުގައި، އެމްޑީޕީގެ ޗެއަރޕާސަން އަދި އިކޮނޮމިކް މިނިސްޓަރ ފައްޔާޟް އިސްމާޢީލް ވިދާޅުވެއްޖެއެވެ.

މިނިސްޓަރ ފައްޔާޟް މިހެން ވިދާޅުވީ، އެމްޑީޕީގެ ރިޔާސީ ކެމްޕޭން، އުފާވެރި އަމާން ރާއްޖެ ކެމްޕޭނުގެ ތެރެއިން، އުފާވެރި މާލެ ނަމުގައި، ރޭ އަލިމަސް ކާނިވަލުގައި ބޭއްވި ޖަލްސާގައި ވާހަކަފުޅު ދައްކަވަމުންނެވެ.

މިނިސްޓަރ ފައްޔާޟް ވިދާޅުވީ، އެމަނިކުފާނަކީ ރުޅިގަދަ ބޭފުޅެއް ނޫންކަމަށާއި، އެހެން ނަމަވެސް ބައެއް ބޭފުޅުންނަށް އެހެން ހީވާކަމަށެވެ. އެހެން ނަމަވެސް ރުޅިއާދެވެނީ، އެމްޑީޕީއާއެކު ރައީސް ޔާމީނުގެ އަނިޔާވެރި ވެރިކަން ނިމުމަކަށް ގެނައުމަށް، އެކުގައި މަސައްކަތްކުރި ބަޔަކު، އަލުން އެއަނިޔާވެރިކަން އިޢާދަކުރުމަށް މަސައްކަތް ކުރާތީ ކަމަށެވެ. ރައީސް ނަޝީދާއި ދަޑިމޮކްރެޓްސްއާއެކު މަސައްކަތްކުރާ ފަރާތްތަކަށް އިޝާރަތްކުރައްވައި ފައްޔާޟު ވިދާޅުވީ، އެތައް ބުރަ މަސައްކަތަކުން ހޯދި ހަމަޖެހުމާއި މިނިވަންކަން، އަންނަން އޮތް ޖީލުތަކަށް ފޯރުކޮށްދިނަ ނުދިނުމަށްޓަކައި އެބޭފުޅުން މަސައްކަތް ކުރައްވަމުން ގެންދަވާ ކަމަށެވެ.

"އާދެ އަޅުގަނޑު ދަންނަވާނީ. ހެޔޮ ވިސްނުން ގެންނަވާށޭ! ވެރިކަން ނުލިބުނީމާ ނުވަތަ ވެރިކަމުގެ ބޭނުމުގައި، ނޫނީ ސަރުކާރުގައި ބޭނުންވާ ވަރަށް، ބައިވެރިނުވީމާ އެއީ ދެންތިބި ރައްޔިތުންނަށް އޭގެ ހަސްކާ ދޭންވީ ކަމެއް ނޫން. އާދެ އަޅުގަނޑުމެންގެ ތެރެއިން ވަކިވެގެން ގޮސް އާޕާޓީއެއް ހައްދަވައިގެން އުޅޭ އެޑިމޮކްރެޓްސްގެ ބޭފުޅުންނަށް، އާއްމުމެމްބަރުންނަށް އަޅުގަނޑު މިދަންނަވަނީ، ތިޔަ ބޭފުޅުންގެ ކެންޑިޑޭޓް ދާނީ 4 ވަނަޔަށޭ!"

އެމްޑީޕީގެ ޗެއާޕާސަން ފައްޔާޟް އިސްމާޢީލް

ފައްޔާޒްވަނީ ދަ ޑިމޮކްރެޓްސްއަށް ލިބޭ މަދު ވޯޓުކޮޅު ބޭކާރުކޮށް ނުލައި، އެމްޑީޕީއާއެކު ބައިވެރިވެ، އެމްޑީޕީގެ ޕަސެންޓޭޖް 60 އިން މައްޗަށް ގެންގޮސްދެއްވުމަށް އެދިވަޑައިގެންފައެވެ.

ރިޔާސީ އިންތިޚާބުގެ ކެމްޕޭނުގެ އެންމެ ފަހު ދުވަސްކޮޅު ގުނެމުންދާއިރު، ރޭ މާލޭގައި އެމްޑީޕީން ބޭއްވި ޖަލްސާއަކީ، މި ރިޔާސީ އިންތިޚާބުގައި ޕާޓީއަކުން ބޭއްވި އެންމެ ބޮޑު ޖަލްސާގައެވެ. 

ކޮމެންޓް
އިތުރު އާޓިކަލް
04 Apr 2025
މޯލްޑިްވްސް ޕޮލިސް ސަރވިސް
ގިނަ ބަނގުރާ ފުޅުތަކަކާއެކު ބިދޭސީއަކު ހުއްޓުވައިފި
ބޮނަކުއާ ފުޅިތަކަކަށް ބަނގުރާ އަޅާއިގެން ވޭނެއްގައި ހުޅުމާލޭގައި ދުއްވަމުން ދިޔަ ބިދޭސީއަކު ފުލުހުން ރޭ ހުއްޓުވައިފިއެވެ.
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.