ރިޔާސީ އިންތިޚާބާއި ގުޅިގެން ފުލުހުން ކުރިޔަށްގެންދާ "އޮޕަރޭޝަން ބްލޫވޭވް"ގެ ތަމްރީންތައް އާއްމު ތަންތާނގައި ކުރިޔަށް ގެންދަން ފަށާފައިވާ ކަމުގައި ފުލުހުންގެ ޚިދުމަތުން ބުނެފިއެވެ.

ދިވެހި ފުލުހުންގެ ޚިދުމަތުން ބުނީ ފުލުހުން ރިޔާސީ އިންތިޚާބަށް ތައްޔާރުވުމުގެ ގޮތުން ކުރިޔަށް ގެންދާ ތަމްރީންތައް އަތޮޅުތަކާއި މާލޭގައި ކުރިޔަށް ގެންދާ ކަމަށެވެ. މިގޮތުން މިތަމްރީންތައް މިއަދު ވަނީ މާލޭގެ ސިނަމާލެ ބްރިޖް ސަރަހައްދުގައިވެސް ކުރިޔަށްގެންގޮސްފައެވެ. އަދި އަތޮޅުތަކުގެ ރަށްރަށުގައިވެސް ތަމްރީންތައް ވަނީ ކުރިޔަށް ގެންގޮސްފައެވެ.

ފުލުހުންގެ ޚިދުމަތުން ބުނީ، މިތަމްރީންތަކުގެ ބޭނުމަކީ، ރިޔާސީ އިންތިޚާބުގެ ތެރޭގައި ހިނގައިފާނެ ނުވަތަ ހިންގާފާނެ ކަމަކަށް ތައްޔާރުވުން ކަމަށެވެ.

ރިޔާސީ އިންތިޚާބާއި ގުޅިގެން ފުލުހުން ކުރިޔަށް ގެންދާ " އޮޕަރޭޝަން ބްލޫ ވޭވް"ގެ ބައެއް ތަމްރީންތަކުގެ ފޮޓޯއާ ވީޑިއޯ ސޯޝަލް މީޑިއާގައި އާއްމުކޮށް، ސަރުކާރާއި އިދިކޮޅު ފަރާތްތަކުން ގެންދަނީ ރައްޔިތުންގެ ތެރޭގައި، ހަމަނުޖެހުމާއި ކަންބޮޑުވުން ފެތުރުމަށް މަސައްކަތް ކުރަމުންނެވެ.