Advertisement
ފުލުހުންގެ އިދާރާ --
ފުލުހުންގެ ވޯޓުލުމުގެ ހައްޤަށް ހުރަސްއަޅާކަމަށް ކުރާ ތުޙުމަތު ދޮގުކޮށްފި
ފުލުހުންނާއި ސިފައިންގެ ވޯޓުލުމުގެ ހައްޤަށް ހުރަސް އަޅަމުންދާކަމަށް ބުނެ އިދިކޮޅު ފަރާތްތަކުން ކުރާ ތުހުމަތުތައް ފުލުހުން ދޮގުކޮށްފިއެވެ.
ރައީސް ޔާމީނުގެ ވެރިކަމުގެ ފަހުކޮޅު، 2018ގެ ރިޔާސީ އިންތިޚާބާއި ދިމާކޮށް، ރައީސް ޔާމީނުގެ ސަރުކާރުން ފުލުހުންނާއި ސިފައިންގެ ތެރެއިން، ސަރުކާރާއި އިދިކޮޅު ފިކުރުގައި ތިބި ކަމަށް ބެލެވޭ މީހުން އެހެންރަށްރަށަށް ބަދަލުކޮށް އެފަރާތްތަކުގެ ވޯޓުލުމުގެ ޙައްޤަށް ހުރަސްއަޅާފައިވެއެވެ. އެހެން ނަމަވެސް ޕީޕީއެމް އިން ވަނީ މިރިޔާސީ އިންތިޚާބާއި ދިމާކޮށް އެތުހުމަތު މިސަރުކާރަށާއި ފުލުހުންނާއި ސިފައިންގެ މައްޗަށް ކޮށްފައެވެ.
އެހެން ނަމަވެސް ފުލުހުންގެ އިދާރާއިން ބުނީ، ރިޔާސީ އިންތިހާބާ ގުޅިގެން ފުލުހުން ކުރިއަށް ގެންދާ ސެކިއުރިޓީ އޮޕަރޭޝަންގައި، ފުލުހުން އެކި ރަށްރަށަށް ޑިޕްލޯއި ކުރުމުގެ ސަބަބުން އެ ފުލުހުންނަށް ވޯޓް ލުމުގެ ހައްގު ގެއްލިގެންދާކަމަށް ބުނެ ބައެއް ސިޔާސީ ފަރާތްތަކުން ދައްކަމުން ގެންދާ ވާހަކަ އަކީ އެއްވެސް ހަގީގަތެއް އެކުލެވިގެންވާ ވާހަކައެއް ނޫނެވެ.
މީގެ އިތުރުން، ފުލުހުން ބުނީ، ރިޔާސީ އިންތިހާބާ ގުޅިގެން ކުރިއަށް ގެންދާ އޮޕަރޭޝަނަކީ، ވަކި ވަކި ފުލުހުން ދާންޖެހޭ ތަންތަން ކުރިއާލާ ކަނޑައެޅި، އެ ތަންތަނުގައި އެ ތަންތަނަށް ދާ ފުލުހުން ރީ-ރަޖިސްޓަރީ ކުރެވިގެން ފުރިހަމަ އިންތިޒާމް ތަކެއްގެ ތެރެއިން ކުރިއަށް ގެންދާ އޮޕަރޭޝަނެއް ކަމަށެވެ. އެހެންކަމުން، އޮޕަރޭޝަނަކަށް ފުލުހުން ފޮނުވާ ތަނެއްގެ ސަބަބުން އެއްވެސް ފުލުހެއްގެ ވޯޓުލުމުގެ ޙައްޤު ގެއްލިގެން ނުދާނެކަން ޔަޤީންކޮށްދޭ ކަމުގައިވެސް ފުލުހުންގެ އިދާރާއިން ވަނީ ބުނެފައެވެ.
