ރައީސުލްޖުމްހޫރިއްޔާ ފަދަ ހެޔޮ ވެރިއަކަށް ނޫނީ މުޖްތަމައުގައި ހާލުގައި ޖެހިފައިވާ އަންހެނުންގެ އަޑު ނީވޭނެކަމަށް އެމްޑީޕީގެ އަންހެނުންގެ ރޫހުގެ މެންބަރ ހިސާން ވަހީދު ވިދާޅުވެއްޖެއެެވެ. އޭނާ މިހެން ވިދާޅުވީ، އެމްޑީޕީން އަންހެނުންނަށް ކޮށްދިނުމަށް ކަނޑައަޅާފައިވާ ކަންކަން ތަފްސީލްކޮށްދެއްވަމުންނެވެ.

ހިސާން ވިދާޅުވީ، ޑްރަގްގެ ވަބާގައި ޖެހިފައިވާ އަންހެނުންނަށް ސޭފް ހައުސް ޤާއިމްކޮށް އެމްޑީޕީން މުޖްތަމައުގައި ހާލުގައި ޖެހިފައިވާ އަންހެނުންނަށްވެސް އެހީތެރިކަން ފޯރުކޮށްދޭނެކަމަށެވެ. އަދި މިކަން ކުރެވޭނީ ރައީސް އިބޫއަށްކަމަށެވެ.

ރައީސުލްޖުމްހޫރިއްޔާ އިބްރާހިމް މުހައްމަދު ސާލިހްގެ 2 ވަނަ ދައުރެއްގައި ކުރާނެ ކަންކަން "އުފާވެރި އަމާން ރާއްޖެ މެނިފެސްޓޯ" މިހާރު ވަނީ އާންމުކޮށްފައެވެ. މި މެނިފެސްޓޯގައި އަންހެނުންނަށް ވަނީ ގިނަ ކަންތައްތަކެއް ކޮށްދިނުމަށް ހިމަނާފައެވެ. މެނިފެސްޓޯގައި ހިމެނޭ ބައެއް ކަންތައްތަކަށް ބަލާލާއިރު:

އަންހެނުންނާއި އިޖްތިމާއީ ރައްކާތެރިކަން

- ޑްރަގް އަދި ގެވެށި އަނިޔާއަށް ހުށައެޅޭ އަންހެނުންނާއި އަންހެން ކުދިންނަށް ސޭފް ހައުސްއެއް ޤާއިމްކުރުން.

- ތެރަޕީ ލީގަލް އެސިސްޓަންސް އަދި ސަޕޯޓް ދިނުން.

- ސިއްރު ހިފެހެއްޓޭނެ ނިޒާމެއް ތަޢާރަފްކުރުން.

- އަންހެނުންނަށް ހާއްސަ ލީގަލް އެސިސްޓަންޓް ދިނުން.

- ދަރިންނަށް ލިބޭ ފައިސާ އިތުރުކުރުން.

- ކޯޕޭރަންޓިން ގާއިމްކޮށްދިނުން.

ހާއްސަ އެހީ ބޭނުންވާ ކުދިންގެ މަންމައިންނަށް އޮތް ފަސޭހަތައް

- ސަޕޯޓް ގްރޫޕް އެކުލަވާލުން.

- ތަޖުރިބާ އެކްސްޕީރިއަން ހިއްސާކޮށްގެން ކުރިއަށްދެވޭނެ މަގުފަހިކޮށްދިނުން.

- ހާއްސަ އެހީއަށް ބޭނުންވާ ކުދިންނަށް އިންޑިޕެންޑެންޓް ތެރަޕިސްޓުން ގެއަށް ޒިޔާރަތްކުރުން.

- ލިވިންގް ޕްރޮގްރާމެއް ފަރުމާކޮށް ވޮކޭޝަނަލް ޓްރެއިނިން ދިނުން.

އަންހެނުންނާއި ކުޅިވަރު

- އަންހެނުންނަށް ހާއްސަކޮށް ކުޅިވަރު ކުޅޭނެ ތަންތަން ނެތުމުން އެފަދަ ތަންތަން ޤާއިމްކުރުން.

- ނޭޝަނަލް ޓީމުގެ ކުޅުންތެރިންނަށް ޙާއްސަ އިންޝުއަރެންސް ޕެކޭޖެއް ތައާރަފްކުރުން.

ސްޕޯރޓްސް ފޯރ އޯލް ތައާރަފްކުރުން.

ކުޅިވަރުގެ ހަޔާތް ނިމުމަށްފަހު ލައިފް އާފްޓަރ ސްޕޯރޓްސްއަށް ތައްޔާރުކުރުން.

އަންހެނުންގެ ބާރުވެރިކަން

- މައިކްރޯ ސްކޭލް ވިޔަފާރި ދަފްތަރުކުރުން.

- އަންހެނުން ބާރުވެރިކުރުވުމަށް މައިކްރޯ ފައިނޭންސިންގ ތައާރަފްކުރުން.

- މައިކްރޯ ސްކޭލް ވިޔަފާރިތަކުން އުފައްދާ ތަކެތި ފަސޭހައިން ވިއްކޭނެ ނިޒާމެއް.

- ހައުސިން ފައިނޭންސް ތައާރަފްކުރާއިރު އަންހެނުންނަށް ޙާއްސަ އިސްކަމެއް ދިނުން.

- އަންހެނުންގެ ހައްގުތަކަށް މަސައްކަތްކުރާ މަދަނީ ޖަމިއްޔާތަކަށް މާލީ އެހީތެރިކަމާއި އިދާރީ ހިންގުމަށް ހާއްސަ ކޯ-ވޯކިން ސްޕޭސް ޤާއިމްކޮށްދިނުން.