ކޮޅުމަޑުލާއި ހައްދުންމައްޗަށް ކުރައްވާ ކެމްޕެން ދަތުރުފުޅެއް އެމްޑީޕީގެ ރިޔާސީ ކެންޑިޑޭޓް އަދި ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް މިއަދު ފައްޓަވައިފިއެވެ.

ރައީސުލްޖުމްހޫރިއްޔާ މިއަދު ފެއްޓެވި މި ކެމްޕޭން ދަތުރުފުޅުގައި އެންމެ ފުރަތަމަ ވަޑައިގެންނެވީ ކޮޅުމަޑުލު ވިލުފުއްޓަށެވެ. ވިލުފުއްޓަށް ވަޑައިގެން އެރަށުގައި ބޭއްވި ބަނދަރު ބަައްދަލުވުމުގައި ރައީސުލްޖުމްހޫރިއްޔާ ބައިވެރިވެ ވަޑައިގެންނެވި އެވެ.

މީގެ އިތުރުން މިއަދު އެމަނިކުފާނު ވަޑައިގެންނެވީ، ކޮޅުމަޑުލު ދިޔަމިގިއްޔަށާއި، ތ. ކިނބިދޫއަށާއި ހިރިލަންދޫއަށް ވަޑައިގެންފައެވެ. 

ރައީސުލްޖުމްހޫރިއްޔާގެ މިދަތުރުފުޅުގައިވެސް ގެންދަވަނީ ސަރުކާރުން ކޮޅުމަޑުލުގެ ރަށްރަށުގައި ހިންގާފައިވާ ތަރައްޤީގެ މަޝްރޫޢުތަކުގެ ނިމުން ފާހަގަކޮށްދެއްވައި، ޚިދުމަތްތައް ފައްޓަވައި ދެއްވަމުންނެވެ.