ހުޅުމާލޭގެ ބިންހިއްކައި ބޮޑު ކުރުމަށްޓަކައި ހުޅުމާލޭގެ ތިންވަނަ ފިޔަވަހީގެ ގޮތުގައި ހިއްކަން ކަނދައަޅާފައިވާ ސަރަޙައްދުގައި ހުރި ކަނޑު އުޅަނދުތައް ނެގުމަށް އާބަންކޯއިން އަންގައިފިއެވެ.

އާބަންކޯއިން ވަނީ، ފަޅުތެރޭގައި އަޅާފައިވާ އުޅަނދުތަކާއި އަޑިޔަށް ގޮސްފައިވާ އުޅަނދުތައް ނެގުމަށް މިއަދުން ފެށިގެން 10 ދުވަހުގެ މުއްދަތެއް ދީފައެވެ. އަދި އެކުންފުނިން ބުނީ، އެއުޅަނދުތަކުގެ ވެރިފަރާތްތަކުން، 1516 ހޮޓްލައިނަށް ގުޅުއްވައި މައުލޫމާތު ސާފުކުރެއްވުމަށްފަހުގައި އުޅަނދުތައް ފަޅުތެރެއިން ނެގުމުގެ މަސައްކަތް ކުރިޔަށް ގެންދިޔުމަށް އެދޭ ކަމަށެވެ.

އެކޯޕަރޭޝަނުން ބުނީ ކަނޑައެޅިގައިވާ މުއްދަތުގެ ތެރޭގައި އުޅަނދުތައް ނުނަގައިފިނަމަ، އެކަމަށް އޮންނަ އުސޫލުގެ ދަށުން އެ އުޅަނދުތަކާއި މެދު ޢަމަލު ކުރެވޭނެ ކަމަށެވެ.

ހުޅުމާލެ ފޭސް ދޭއްގެ، ފަރުކޮޅުފުއްޓާއި ދިމާއިން ހުޅަނގަށް އޮތް ފަޅުގެ ސަރަހައްދު ހިއްކައި ބިންވެރިޔާ ސްކީމްގެ ދަށުން އެސަރަހައްދުން މާލޭގެ އާއްމު ރައްޔިތުންނަށް ގޯތި ދިނުމަށް ސަރުކާރުން ވަނީ ނިންމާފައެވެ.