Advertisement
ރައީސް މަތިވެރީ ފެނުގެ ނިޒާމް ރައީސް އިފްތިތާހްކޮށްދެއްވުން --
ރައީސް މަތިވެރީ ފެނުގެ ޚިދުމަތް އިފްތިތާޙްކޮށްދެއްވައިފި
އަރި އަތޮޅު އުތުރުބުރީ މަތިވެރީގައި ސަރުކާރުން ޤާއިމްކުރެއްވި ފެނުގެ ނިޒާމް ރައީސުލްޖުމްހޫރިއްޔާ އިބްރާހިމް އިފްތިތާޙްކޮށްދެއްވައިފިއެވެ.
އެމަނިކުފާނު، މަތިވެރީ ފެނުގެ ޚިދުމަތް އިފްތިތާޙްކޮށްދެއްވީ، ރިޔާސީ އިންތިޚާބުގެ ކެމްޕޭނުގައި މިއަދު އެރަށަށް ވަޑައިގެންނެވެ.
މަތިވެރީ ފެނުގެ ނިޒާމް ޤާއިމްކުރުމުގެ މަސައްކަތްކޮށްފައި ވަނީ، މާލޭ ވޯޓަރ އެންޑް ސްވަރޭޖް ކޮމްޕެނީ (އެމް.ޑަބްލިއު.އެސް.ސީ)އާ ހަވާލުކޮށްގެންނެވެ. މިމަޝްރޫޢުގެ މަސައްކަތް ނިންމައި މިހާރު ވަނީ ގޭގެއަށް ފެނުގެ ކަނެކްޝަންތައް ގުޅައިދީފައެވެ.
Advertisement
މިމަޝްރޫއުގެ ދަށުން، ބޯ ހޯލް ތޮރުފައި، ވޯޓަރ ކަލެކްޝަން ޓޭންކާއި ސްޓޯރޭޖް ޓޭންކް ހަދައި، އާރް.އޯ ޕްލާންޓް އިންސްޓޯލްކޮށް، ފެންތަޙްލީލު ކުރުމަށް ލެބޯރެޓްރީ ހިމެނޭގޮތަށް އެޑްމިނިސްޓްރޭޝަން ބިލްޑިން ވަނީ އަޅާފައެވެ.
އަތޮޅުތަކުގެ ރަށްރަށުގައި އަސާސީ ޚިދުމަތްތައް ޤާއިމްކޮށް، ރައްޔިތުންގެ ދިރިއުޅުމުގެ ފެންވަރު މަތިކުރުމަށްޓަކައި، ސަރުކާރުން ވަނީ، އަތޮޅުތަކުގެ ރަށްރަށުގައި ޢުމުރާނީ ތަރައްޤީގެ ވަރަށް ގިނަ މަޝްރޫޢުތައް ހިންގާފައެވެ. އަދި ފަޚުރުވެރި، އަބުރުވެރި ދިރިއުޅުމެއް އުޅެވޭނެހެން މަގުފަހިކުރުމަށް ރާއްޖޭގެ ރަށްރަށުގެ ތަރައްޤީއަށް ސަރުކާރުން ދަނީ ގިނަ ގުނަ މަސައްކަތްތަކެއް ކުރަމުންނެވެ.
