ރިޔާސީ އިންތިޚާބުގެ ކެމްޕޭން ދަތުރުފުޅުގައި ރައީސުލްޖުމްހޫރިއްޔާ މިއަދު އަރިއަތޮޅަށް ވަޑައިގެންފިއެވެ.

ރައީސުލްޖުމްހޫރިއްޔާގެ ކެމްޕޭން ދަތުރުފުޅުގައި އެމަނިކުފާނުގެ އަރިހުގައި ކޯލިޝަން ޕާޓީތައް ކަމުގައިވާ އަދާލަތު ޕާޓިއާ އެމްޑިއޭގެ އިސް ބޭފުޅުން ބައިވެރިވެވަޑައިގަންނަވައެވެ.

ރައީސުލްޖުމްހޫރިއްޔާގެ މިދަތުރުފުޅުގައި މިއަދު އެންމެ ފުރަތަމަ ވަޑައިގެންނެވީ އއ. ތޮއްޑޫއަށެވެ. އޭގެ ފަހުން، ރަސްދޫ، ބޮޑުފޮޅުދޫއަށް ވަޑައިގެންނެވިއެވެ. އެމަނިކުފާނު ވަނީ، ބޮޑުފުޅުދޫގައި ސަރުކާރުން އަޅާފައިވާ ފުޓުބޯޅަ ދަނޑާއި، ވޮލީކޯޓް ހުޅުއްވައި ދެއްވާފައެވެ.

ކެމްޕޭން މިދަތުރުފުޅުގައި ރައީސުލްޖުމްހޫރިއްޔާ އއ. މަތިވެރިއާ މާޅޮހަށް ވަޑައިގެންނެވީ މިއަދު މެދުރުފަހުގައެވެ.

އެމްޑީޕީން ހާމަކޮށްފައިވާ ގޮތުގައި، "އުފާވެރި އަމާން ރާއްޖެ" ކެމްޕޭނުގެ އަރިއުތުރު ޖަލްސާ މިރޭ ބާއްވާނީ، އުކުޅަހުގައެވެ. މިޖަލްސާގައި އެމްޑީޕީ މެނިފެސްޓޯގައި ހިމެނެ ތިންވަނަ ބައި ލޯންޗު ކުރާނެއެވެ.

ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ކެމްޕޭނަށް ވަޑައިގަންނަވާ ކޮންމެ ރަށަކުންވެސް އެރަށްރަށުގެ ރައްޔިތުންގެ ފަރާތުން ދަނީ ހޫނު މަރުޙަބާއެއް ދަންނަވަމުންނެވެ.