ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް، މ. ނާލާފުށީ އައު އިންޖީނުގެއާ ފެނަކަ އޮފީސް އިމާރާތް ހުޅުއްވައި ދެއްވީ 15 ޖުލައި 2023 ވަނަ ދުވަހުއެވެ. އެއީ ރައީސުލްޖުމްހޫރިއްޔާ ޖުލައި މަހު މުލަކަތޮޅަށް ކުރައްވި ދަތުރުފުޅުގެ ތެރެއިން އެރަށުގައި ބޭއްވި ރަސްމިއްޔާތެއްގައެވެ.

ނާލާފުށީގައި އަލަށް އިމާރާތްކުރެވުނު އިންޖީނުގެއާ ފެނަކަ އޮފީސް އިމާރާތަކީ، އެންމެ މިޒަމާނުގެ ފެންވަރަށް އިމާރާތްކޮށްފައިވާ އިންޖީނުގެއަކާ އޮފީސް އިމާރާތެކެވެ. އޮފީސް އިމާރާތުގައި ދަތިކަމެއް ނެތި 15 މުވައްޒަފުންނަށް މަސައްކަތް ކުރެވޭނެއެވެ. އަދި އައު އިންޖީނުގޭގެ ކެޕޭސިޓީ އަކީ، 538 ކިލޯވޮޓްއެވެ. ކުރިން ނާލާފުށީ އިންޖީނުގެ ހުރީ ރަށގެ މެދުގައި ނަމަވެސް އައު އިންޖީނުގެއާ ފެނަކަ އޮފީސް އިމާރާތް އަޅާފައި ވަނީ މީހުން ދިރިއުޅޭ ސަރަހައްދާއި ދުރުގައެވެ.

މަޝްރޫޢުތަކުގެ އަޕްޑޭޓް؛

Advertisement

ނިމިފައި:

އައު އިންޖީނުގެ އިމާރާތް

ފެނަކަ އިންޖީނުގެ އިމާރާތް

ހިނގަމުންދާ:

ސްކޫލްގެ 2 ބުރި އިމާރާތް

އިއާދަކުރަނިވި ހަކަތަ އެފެއްދުމުގެ މަޝްރޫޢު

ފެނުގެ ނިޒާމާއި ބޯފެން ރައްކާ ކުރުމުގެ ނިޒާމް ޤާއިމްކުރުން

ފެނާއި ނަރުދަމާ ނިޒާމް ޤާއިމްކުރުން

އައުޓްޑޯ ޖިމް ޤާއިމްކުރުން

އެހެނިހެން މަރުހަލާތަކުގައި:

ފުޓްބޯޅަ ދަނޑު ތަރައްޤީކުރުން

ބަނދަރު އަޕްގްރޭޑްކުރުން

ކޯޒްވޭ ހެދުން

ސިއްޙީ މަރުކަޒު އައު އިމާރާތް