ގޭބިސީތަކުގެ ޓެރިފް ރޭޓު ކުޑަ ކުރުމަށް ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު ނިންމަވައިފިއެވެ. 

ޓެރިފް ކުޑަކުރުމަށް ނިންމެވީ ޖޫން 1 ވަނަ ދުވަހުން ފެށިގެންނެވެ.

ސޯޝަލް މީޑިއާގައި ޙިއްސާކުރެއްވި ޕޯސްޓެއްގައި ރައީސުލްޖުމްހުރިއްޔާ ވިދާޅުވެފައި ވަނީ، ސްޓެލްކޯ އާއި ފެނަކައިން ކަރަންޓުގެ ހިދުމަތް ދޭ އާންމު ގޭބީސީތަކުގެ ކަރަންޓު ޓެރިފް ރޭޓުތައް ދަށްކުރާނެ އުސޫލެއް ކަނޑައަޅުއްވައި، އެއާ އެއްގޮތަށް އަމަލު ކުރަން އެ ކުންފުނިތަކުގައި އެދިވަޑައިގެންފައިވާ ކަމުގައެވެ.

މީގެއިތުރުން، ރައީސުލްޖުމްހޫރިއްޔާގެ ޕޯސްޓުގައި އެ މަނިކުފާނު ވަނީ އަލަށް ކަނޑައެޅުމަށް ނިންމާފައިވާ ޓެރިފްރޭޓުތައް ވެސް ޙިއްސާކުރައްވާފައެވެ. މި މަޢުލޫމާތުގައި ކުރީގެ ރޭޓުތައް ވެސް ހިމަނުއްވާފައިވެއެވެ.

ކަރަންޓު ތެރިފް ރޭޓުތަކާ ގުޅިގެން ރައީސް ޙިއްސާ ކުރެއްވި މަޢުލޫމާތު:

ބޭންޑް 0-100: މިހާރު ނަގާ ރޭޓް: 1.50- އާ ރޭޓް: 1.25

ބޭންޑް 101-200: މިހާރު ނަގާ ރޭޓް: 1.70- އާ ރޭޓް 1.50

ބޭންޑް 201-300: މިހާރު ނަގާ ރޭޓް 2.15- އާ ރޭޓް 1.50

ބޭންޑް 301-400: މިހާރު ނަގާ ރޭޓް 2.50- އާ ރޭޓް 1.50

ބޭންޑް 401-500 މިހާރު ނަގާ ރޭޓު 2.95- އާ ރޭޓް 2.66

ބޭންޑް 501-600 މިހާރު ނަގާ ރޭޓް 3.55- އާ ރޭޓް 3.20

ބޭންޑް +600 މިހާރު ނަގާ ރޭޓް 4.25- އާ ރޭޓް: 3.83

ޓެރިފް ރޭޓުތަކަށް ބަދަލު ގެނައުމަކީ، ބޮޑު ބިލުތައް ކުޑަކުރުމަށް އޮތް ޙައްލުކަމުގައި ގިނަ ބަޔަކު ދެކެއެވެ. އެހެންކަމުން، މި ޒަމާނާ އެއްގޮތަށް ޓެރިފް ރޭޓުތަކަށް ބަދަލުގެނައުމަކީ ބިލުތައް ކުޑަކޮށްދޭނެ ކަމެއްކަމަށް ގިނަ ބަޔަކު އައީ ދެކެމުންނެވެ.