ރިޔާސީ އިންތިހާބަށް ކުރިމަތިލާ ކެންޑިޑޭޓުންގެ ނަން ތަރުތީބު ކުރުން އަންނަ ބުދަ ދުވަހު ބާއްވަން އިލެކްޝަންސް ކޮމިޝަންއިން ނިންމައިފި އެވެ.

އިލެކްޝަން ކޮމިޝަންގެ ނައިބު ރައީސް އިސްމާއިލް ހަބީބް  ކުރެއްވި ޓުވީޓެއްގައި ވިދާޅުވީ، އިންތިހާބަށް ކުރިމަތިލާ މީހުންގެ ތެރެއިން ޝަރުތު ހަމަވާ މީހުންގެ ނަންތައް ތަރުތީބު ކުރަން ބުދަ ދުވަހު ގުރުއަތުލުން އޮންނާނެ ކަމަށެވެ.

އެ ބައްދަލުވުން އޮންނާނީ އެ ދުވަހުގެ ހަވީރު 4:00 އިން 5:30 އަށް ދަރުބާރުގޭގަ އެވެ. އެ ރަސްމިއްޔާތުގައި އިންތިހާބަށް ވާދަކުރާ ހުރިހާ ކެންޑިޑޭޓުން ބައިވެރިވާނެ އެވެ.

ކެންޑިޑޭޓަށް ބައިވެރި ނުވެވޭ ހާލަތެއްގައި މި ބައްދަލުވުމުިގައި ކެންޑިޑޭޓުންގެ މަންދޫބަކަށް ބައިވެރިވެވޭނެ އެވެ.

ރިޔާސީ އިންތިހާބަށް ކުރިމަތިލުމުގެ މުއްދަތު ހަމަވަނީ އަންނަ ހޯމަ ދުވަހު އެވެ. މިހާތަނަށް އައިއިރު ކެންޑިޑެސީ ފޯމު ހުށަޙެޅުއްވީ ޔާމީންގެ ފަރާތުން އެކަންޏެވެ. ނަމަވެސް ޔާމީންގެ ގާނޫނީ ޝަރުތެއް އުނިވެފައިވާތީ ފޯމު އަނބުރާ ފޮނުވައިލީ އެވެ.

ރިޔާސީ އިންތިހާބު އޮންނާނީ އަންނަ ސެޕްޓެމްބަރ މަހުގެ 9 ވަނަ ދުވަހުއެވެ.