2022 ވަނަ އަހަރުގެ ބޯހިމެނުމުގެ ތަފާސް ހިސާބުތައް ދައްކާ ގޮތުން ޖުމުލަ 511 މީހުންގެ އާބާދީއެއް ދިރިއުޅޭ ފެލިދެއަތޮޅު ކެޔޮދޫގެ ބޮޑު މިނުގައި 11.8 ހެކްޓަރ ހުރެއެވެ. މިރަށުގެ މީހުން އާމްދަނީ ހޯދުމަށް މައިގަނޑު ގޮތެއްގައި ކުރަމުންދާ މަސައްކަތް ތަކުގެ ތެރޭގައި ފަތުރުވެރިކަމާއި މަސްވެރިކަމުގެ މަސައްކަތް ހިމެނއެވެ. ރަށުގައި ލޯކަލް ޓޫރިޒަމްގެ މަސައްކަތްތައް ފުޅާ ދާއިރާއެއްގައި ކުރަމުންދެއެވެ. މިގޮތުން މިރަށުގައި ގެސްޓްހައުސްގެ އިތުރުން 2 ޑައިވިންގ ސްކޫލް ހިންގަމުންދެއެވެ.

މިހިނގަމުންދާ ރިޔާސީ ދައުރުގައި ކެޔޮދޫގައި ތަރައްގީގެ ގިނަ މަޝްރޫޢުތަކެއް އެބަ ކުރިއަށް ދެއެވެ. މިގޮތުން ފާއިތުވި ހަފްތާގައި ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ފެލިދެއަތޮޅަށް ކުރައްވަމުން ގެންދަވާ ދަތުރުފުޅުގެ ތެރެއިން ކެޔޮދޫ ސްކޫލުގެ މަލްޓިޕަރޕަސް ހޯލު ރަސްމީކޮށް ވަނީ ހުޅުއްވާދެއްވާފައެވެ. މި ހޯލު ހުޅުވިގެންދިޔައިރު ކެޔޮދޫ ސްކޫލަށް ޖާގަ އިތުރު ކުރުމުގެ ގޮތުން ދެ ބުރީގެ ޢިމާރާތެއްގައި އިތުރު ކްލާސްރޫމުތަކެއް ޢިމާރާތްކުރުމުގެ މަސައްކަތް މިވަގުތު ހިނގަމުންދާކަން ފާހަގަކުރަމެވެ.

މިރަށުގައި މިހާރު ހިނގަމުންދާ މަޝްރޫޢުތައް:

1.       ފެނާއި ނަރުދަމާ ނިޒާމް ގާއިމުކުރުން

2.       ވޭސްޓް މެނޭޖްމެންޓް ޕްރޮޖެކްޓް

3.       އިއާދަ ކުރުވަނިވި ހަކަތަ އުފެއްދުމުގެ މަޝްރޫޢު

4.       ސްކޫލްގެ 2 ބުރީ އިމާރާތް

5.       ކުޑަކުދިންގެ ޕާކު ތަރައްގީކުރުން

ނިމިފައިވާ މަޝްރޫޢުތައް:

1.       ބަނދަރު ހެދުމުގެ މަޝްރޫއު (ފޭސް 2)

2.       ސްކޫލް މަލްޓި ޕާޕަސް ހޯލް

އެހެނިހެން މަރުހަލާތަކުގައި ހުރި ބައެއް މަޝްރޫޢުތައް:

1.       ސިއްހީ މަރުކަޒު އެކްސްޓެންޝަން

2.       ފުޓުބޯޅަ ދަނޑު ތަރައްގީކުރުން

3.       ގޮނޑުދޮށް ހިމާޔަތްކުރުން

4.       ވޮލީކޯޓު ތަރައްގީކުރުން

5.       ސްކޫލް 4 ބުރި އިމާރާތް

6.       ސިއްހީ މަރުކަޒު އައު އިމާރާތް