Advertisement

އޭސީސީއިން ފެބުރުވަރީ 2024 ގައި ބޭއްވި ޕްރެސް ކޮންފަރެންސްގައި އެ ކޮމިޝަންގެ ރައީސް އާދަމް ޝާމިލް

16 Jul 2024
ޚަބަރު
މިފްތާޙް މުޙައްމަދު

ކޮރަޕްޝަނުން ސަލާމަތްވެވޭނީ މުޅި ދައުލަތް އެއް ވިސްނުމެއްގައި އޮވެގެން: އޭސީސީ

ކޮރަޕްޝަނުން ސަލާމަތްވެވޭނީ މުޅި ދައުލަތް އެއް ވިސްނުމެއްގައި އޮވެގެން ކަމަށް އެންޓި ކޮރަޕްޝަން ކޮމިޝަން (އޭސީސީ) ގެ ރައީސް އާދަމް ޝާމިލް މިއަދު ވިދާޅުވެއްޖެއެވެ. ނަމަވެސް، ދައުލަތުގެ އެކި ދިމާލުގައި އެކި ވިސްނުން ގެންގުޅުމަކީ މިކަމަށް އޮތް ވަރަށް ބޮޑު ގޮންޖެހުމެއްކަމަށް އޭނާ ވިދާޅުވިއެވެ. އޭނާ މިހެން ވިދާޅުވީ ރައްޔިތުންގެ މަޖިލީހުގެ މިނިވަން މުއައްސަސާތަކާ ބެހޭ ކޮމިޓީގައި ވާހަކަ ދައްކަވަމުންނެވެ.

ޝާމިލް އޭނާގެ ބަހަށް ބާރު ދެއްވަމުން މިސާލު ޖެއްސެވީ ފުލުހުންގެ ޕްރޮމޯޝަން މަޑު ޖައްސާލުމަށް އެސީސީއިން އެންގި މައްސަލައިންނެވެ. ފުލުހުންގެ ޕްރޮމޯޝަންތައް މަޑުޖައްސާލަން އެސީސީއިން މިދިޔަ އަހަރުގެ އޮކްޓޯބަރުގައި އެންގުމުން އެކަމަށް ދެކޮޅު ހަދައި، އެޓާނީ ޖެނެރަލްގެ އޮފީހުން ހައި ކޯޓުގައި ބުނީ، އޭސީސީގެ އެންގުމަށް އަމަލުކުރަން ނުޖެހޭ ކަމަށެވެ.

މުޅި ދައުލަތުގެ ވިސްނުން އެކައްޗަކަށް ވާން ޖެހޭ. މިސާލަކަށް އެއް ކޭސްގައި އޭސީސީ އިން އަންގާ އެންގުމަކީ އެ އަށް އަމަލު ކުރަން ނުޖެހޭނެ އެއްޗެއް ކަމަށް ދައުލަތުން ވިދާޅުވާއިރު އަނެއް ކޭސްގައި އަޅުގަނޑުމެން ވަރަށް އަވަހަށް އެންގުންތައް އަންގަން ވާނެ ކަމަށް ވެސް ގަބޫލު ކުރަންޏާ އެ އުޅެނީ ދެ ދިމާލެއްގަ ދެ ވިސްނުމެއް

އޭސީސީގެ ރައީސް އާދަމް ޝާމިލް ވިދާޅުވިއެވެ.

ފުލުހުންގެ ޕްރޮމޯޝަން މަޑުޖައްސާލަން އަންގައި އެކަމަށް ފުލުސް އޮފީހުން އިޖާބަ ނުދިނުމުން އެ ކޮމިޝަނުން ސިވިލް ކޯޓަށް މައްސަލަ ހުށަހެޅީ އެ ކޮމިޝަންގެ އެންގުމަށް އަމަލު ކުރަންޖެހޭނެ ކަމަށް ކަނޑައެޅުމަށެވެ. ނަމަވެސް މި މައްސަލައާ ގުޅިގެން މިދިޔަ ޖެނުއަރީ މަހު ސިވިލް ކޯޓުން ނިންމީ އެފަދަ އަމުރެއް ނެރެދެވެން ނެތް ކަމަށެވެ.

ސިވިލް ކޯޓުގެ މި ނިންމުމާއެކު އޭސީސީއިން ދެން މިސްރާބު ޖެހީ މި މައްސަލަ ހައިކޯޓުގައި އިސްތިއުނާފު ކުރުމަށެވެ. އެހެންކަމުން ހައި ކޯޓުގައި މިދިޔަ އާދިއްތަ ދުވަހު ބޭއްވި އަޑުއެހުމުގައި ދައުލަތުން ބުނީ، ވަކި ކަމެއް ނުކުރަން ނުވަތަ މަޑުޖައްސާލަން އެންގުމުގެ ބާރު އޭސީސީގެ ގާނޫނުގެ ދަށުން އެ ކޮމިޝަނަށް ލިބިފައި ނުވާ ކަމަށެވެ. 

މި މައްސަލައާ ގުޅިގެން ދައުލަތުން އިތުރަށް ބުނީ، އޭސީސީއިން ސިވިލް ކޯޓަށް މައްސަލަ ހުށަހެޅި އިރު ވެސް ޕްރޮމޯޝަން އޮތީ ދީފައިކަމުން، އެކަމަށް އިތުރަށް ކުރެވޭނެ ކަމެއް ނެތް ކަމަށެވެ.

އެ އަޑުއެހުމުގައި އޭސީސީގެ ވަކީލުން ބުނީ ކޮރަޕްޝަނަށް މަގުފަހިވެދާނެ ހުރިހާ ކަންކަން ވެސް ހުއްޓުވުމަކީ އޭސީސީއަށް ގާނޫނީ ގޮތުން އޮތް ބާރެއް ކަމަށާއި ފުލުހުންގެ ޕްރޮމޯޝަން މަޑުޖައްސާލަން އެންގީ އެ ކޮމިޝަނުން ބަލަމުންދާ މައްސަލައަކާ ގުޅިގެން ކަމަށެވެ.

ކޮމެންޓް
އިތުރު އާޓިކަލް
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.
02 Apr 2025
ޚަބަރު
ހޮޅުދޫ ބޯޓުގައި ރޯވެ އެބޯޓުގައި ހުރި ޒުވާނަކު ގެއްލިއްޖެ
އެމްއެންޑީއެފުން ވިދާޅުވީ، ގެއްލިގެން ހޯދަމުން ދަނީ، ލ.މާވަށަށް ނިސްބަތްވާ 25 އަހަރުގެ އަލީ މުޝްފިގް މުހައްމަދު ކަމަށެވެ. އޭނާގެ އިތުރުން އެބޯޓުން ދަތުރު ކުރި އެހެން މީހުން ވަނީ، ސަލާމަތް ވެފައެވެ. އޭގެ ތެރެއިން ދެމީހަކަށް، ތ. ކަނޑޫދޫ ޞިއްޙީ މަރުކަޒުގައި ފަރުވާދެމުން އަންނަ ކަމުގައިވެސް އެމްއެންޑީއެފުން ވިދާޅުވިއެވެ.