Advertisement

10 Jul 2024
ޔޫރޯ 2024
މިފްތާޙް މުޙައްމަދު

ފްރާންސް ކޮޅަށް ގޯލު ޖަހާ، ޔޫރޯގައި ގޯލު ޖެހި އެންމެ ހަގު ކުޅުންތެރިޔާގެ މަގާމު ޔަމާލަށް

ޔޫރޯ 2024 ގެ ސެމީ ފައިނަލްގެ ފުރަތަމަ މެޗުގައި ފްރާންސް ކޮޅަށް ގޯލެއް ޖެހުމަށްފަހު، ޔޫރަޕިއަން ޗެމްޕިއަންޝިޕްގައި ގޯލު ޖެހި އެންމެ ހަގު ކުޅުންތެރިޔާގެ މަގާމު، ސްޕެއިންގެ ލެމިން ޔަމާލް ހޯދައިފިއެވެ.

ސެމީ ފައިނަލުގައި ފްރާންސް ކޮޅަށް ގޯލު ކާމިޔާބުކުރި އިރު ޔަމާލްގެ އުމުރަކީ 16 އަހަރާއި 362 ދުވަހެވެ. އަދި މިއީ ޔޫރޯގައި އޭނާ ކުޅޭ 6 ވަނަ މެޗެވެ.

ޔޫރޯގައި ގޯލު ޖެހި އެންމެ ހަގު ކުޅުންތެރިޔާގެ ރެކޯޑު ކުރިން އޮތީ ސްވިޒަލޭންޑުގެ ޖޯހަން ވޮންލަންތޭންގެ އަތުގައެވެ. އެ ގޯލު ކާމިޔާބު ކުރި އިރު އޭނާގެ އުމުރަކީ 18 އަހަރާއި 141 ދުވަހެވެ. އަދި އެ ގޯލަކީ މީގެ 20 އަހަރު ކުރިން ޔޫރޯ 2004 ގައި ފްރާންސްއާ ދެކޮޅަށް، މެޗުގެ ނަތީޖާ ހަމަހަމަ ކުރުމަށް ވޮންލަންތޭން ކާމިޔާބުކުރި ގޯލެކެވެ.

މީގެ އިތުރުން މުޅިން އަލަށް ޔޫރޯއަށް ކޮލިފައިފި ޖޯޖިއާ އާއި ބައްދަލުކުރި މެޗުގައި ތުރުކީގެ ޒުވާން ފޯވާޑު އާރދާ ގޫލާރ ކާމިޔާބުކުރި ރީތި ގޯލާއެކު، މުބާރާތުގައި ކުޅުނު ފުރަތަމަ މެޗުގައި ގޯލެއް ކާމިޔާބުކުރި އެންމެ ޒުވާން ކުޅުންތެރިޔާގެ މަގާމު ހޯދާފައިވަނީ އޭނާއެވެ.

ތުރުކީގެ އަރދާ ގޫލަރ އޭނާގެ ތާރީހީ ގޯލު ޖެހުމަށްފަހު އުފާ ފާޅު ކުރަނީ

ކުރިން މި ރެކޯޑު އޮތީ ޕޯޗުގަލްގެ ކްރިސްޓިއާނޯ ރޮނާލްޑޯގެ އަތުގައެވެ. ރޮނާލްޑޯގެ ގޯލު ފެނިގެން ގޮސްފައިވަނީ 2004 ވަނަ އަހަރުގެ ޔޫރޯގައެވެ. އެއީ އެ މުބާރާތުގައި ޗެމްޕިއަންކަން ހޯދި ގްރީސްއާ ދެކޮޅަށް ކުޅުނު ގްރޫޕް ސްޓޭޖުގެ ފުރަތަމަ މެޗުގައެވެ. މި ގޯލު ކާމިޔާބުކުރި އިރު ރޮނާލްޑޯގެ އުމުރަކީ 19 އަހަރާއި 128 ދުވަހެވެ. އަދި ޖޯޖާ ކޮޅަށް ގޫލަރ އޭނާގެ ޔޫރޯގެ ފުރަތަމަ ގޯލު ކާމިޔާބު ކުރި އިރު އޭނާގެ އުމުރަކީ 19 އަހަރާއި 114 ދުވަހެވެ.

ޔޫރޯގައި ގޯލު ކާމިޔާބު ކޮށްފައިވާ އެންމެ ޒުވާން ކުޅުންތެރިން:

ލެމީން ޔަމާލް – 16 އަހަރާއި 362 ދުވަސް (ޔޫރޯ 2024)

ޖޯހަން ވަންލޮންތެން –    18 އަހަރާއި 141 ދުވަސް (ޔޫރޯ 2004)

ވޭން ރޫނީ –          18 އަހަރާއި 237 ދުވަސް (ޔޫރޯ 2004)

ރެނާޓޯ ސަންޗޭޒް –      18 އަހަރާއި 317 ދުވަސް (ޔޫރޯ 2016)

ޑްރަގަން ސްޓޮކޮވިޗް –    19 އަހަރާއި 108 ދުވަސް (ޔޫރޯ 1984)

އާރދާ ގޫލާރ –         19 އަހަރާއި 1144 ދުވަސް (ޔޫރޯ 2024)

ކްރިސްޓިއާނޯ ރޮނާލްޑޯ –  19 އަހަރާއި 180 ދުވަސް (ޔޫރޯ 2004)

ކޮމެންޓް
އިތުރު އާޓިކަލް
20 Aug 2025
ޚަބަރު
ދީނީ ފަންޑެއްތޯ ނުވަތަ ޓޫރިޒަމް ވެންޗާއެއްތޯ؟
މޯލްޑިވްސް ހައްޖު ކޯޕަރޭޝަނުން އާދަޔާ ހިލާފު ފެންގަނޑަކަށް ފިޔަވަޅު އަޅަމުންދާއިރު، ސަރުކާރުގެ ކޯރިޑޯތަކުގައި މަޑުމަޑުން ތޫފާނެއް އަރަމުންދާއިރު — "އިސްލާމީ ފަތުރުވެރިކަން" ގެ ބެނާގެ ދަށުން މާފުށީގައި ހޮޓަލެއް ކުއްޔަށް ހިފުން، ފާޑުކިޔާ މީހުން ބުނާ ގޮތުގައި ރިސްކު ބޮޑު އަދި ސުވާލު އުފެދޭ މެންޑޭޓް ފުޅާކުރުމެވެ.
20 Aug 2025
ޚަބަރު
މިނިވަން ނޫސްވެރިކަން ނިމެނީބާ؟!
20 Aug 2025
ޚަބަރު
ކައުންސިލްތަކުގެ ދައުރުތައް އުވި ކަތީބުކަމަށް!!!؟
މިމަހުގެ ކުރީކޮޅު (ސެޕްޓެމްބަރު) ކުރިއަށްދާ މަޖިލީހުގެ ދެވަނަ ޖަލްސާގައި ވާހަކަފުޅު ދައްކަވަމުން ރައީސް މުއިއްޒު ވަނީ ކައުންސިލްތަކުގެ މަސައްކަތަށް ފާޑުވިދާޅުވެފަ އެވެ. "އެއްތަނެއްގައި ވެސް އޭގެ ދައުރު އަދާކުރާ އެންމެ ކައުންސިލެއް ނެތް. އެކަމުން އެއްވެސް ފައިދާއެއް ނުލިބޭ. އޭގެ ބަދަލުގައި ބޭނުންވަނީ ޖަޒީރާ ވެރިންގެ ދަށުން އިދާރީ މެޝިނަރީ ހަރުދަނާކުރުން. ޖަޒީރާ ހިންގުން އިސްލާހު ކުރަން ނުކުޅެދިއްޖެ ނަމަ ދެން މި ކައުންސިލްތައް ބެހެއްޓުމުގެ ބޭނުމެއް ނެތް،" ޝަރީފް ވިދާޅުވި އެވެ.
03 Jul 2025
ރައީސުލް ޖުމްހޫރިއްޔާ ޑރ. މުޙައްމަދު މުޢިއްޒު
ރައީސުލްޖުމްހޫރިއްޔާގެ ދެކަނބަލުން ސިންގަޕޫރަށް ކުރެއްވި ދަތުރުފުޅު ނިންމަވާލައްވައިފި
ސިންގަޕޫރުގެ ރައީސް ތަރްމަން ޝަންމުގަރަނަމްގެ ދަޢުވަތަކަށް، އެ ޤައުމަށް ކުރެއްވި ފުރަމާނަ ދަތުރުފުޅު ނިންމަވާލެއްވުމަށްފަހު، ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު އާއި އެމަނިކުފާނުގެ އަނބިކަނބަލުން މެޑަމް ސާޖިދާ މުޙައްމަދު މާލެވަޑައިގަންނަވައިފިއެވެ.