މޯލްޑިވްސް އެއާޕޯޓްސް ކޮމްޕެނީ ލިމިޓެޑުން އުޅަނދެއް ގެއްލިފައިވާ ކަމަށް ރިޕޯޓްކޮށްފައިވާ ކަމަށާއި، އަދި އެމައްސަލައިގައި ތުހުމަތު ކުރެވޭ ބަޔަކު ހައްޔަރުކޮށްފައިވާ ކަމުގައި ފުލުހުންގެ އިދާރާއިން ބުނެފިއެވެ.

އެވައްކަން ކުރިކަމަށް ތުހުމަތު ކުރެވޭ މީހުން ހައްޔަރުކޮށްފައިވާ ކަމަށް ބުނުން ފިޔަވައި އެކަމާއި ގުޅޭ ގޮތުން ފުލުހުން އިތުރު މައުލޫމާތެއް ހާމައެއް ނުކުރެއެވެ.

އެމްއޭސީއެލްއިން ގެއްލިގެން ރިޕޯޓް ކުރި ވެހިކަލަކީ، އެކުންފުނީގެ މެނޭޖިންގ ޑައިރެކްޓަރުގެ ކާރުކަމަށް އެނގިފައިވެއެވެ. އެ ވެހިކަލް ފެނިފައި ވަނީ މާލޭގެ ގަރާޖެއްގެ ތެރޭގައި އޮއްވައެވެ.

އެމައްސަލަ އާއި ގުޅޭ އިތުރު ތަފްސީލެއް އެމްއޭސީއެލްއިންވެސް ހާމަކޮށްފައެއް ނުވެއެވެ.