މަސައްކަތްތެރިންގެ ޙައްޤުތައް ރައްކާތެރިކޮށްދީ، އެކަން ކަށަވަރުކޮށްދިނުމަށް ކުރާ މަސައްކަތުގައި އަބަދުވެސް އެމްޑީޕީ ދެމިއޮންނާނެ ކަމުގައި ކުރީގެ ރައީސުލްޖުމްހޫރިއްޔާ އިބްރާހީމް މުޙައމްަދު ޞާލިޙް ވިދާޅުވެއްޖެއެވެ.

އެމަނިކުފާނު މިހެން ވިދާޅުވީ، މިއަދު ފާހަގަކުރާ ދުނިޔޭގެ މަސައްކަތްތެރީންގެ ދުވަހާއި ގުޅިގެން ފޮނުއްވެވި މެސެޖުގައެވެ.

އެމަނިކުފާނުގެ މެސެޖުގައި ވަނީ، އެމްޑީޕީގެ ސަރުކާރުތަކުގައި މަސައްކަތްތެރިންގެ ޙައްޤުތައް ކަށަވަރުކޮށްދިނުމަށް، ކުރެވިފައިވާ ކަންކަންވެސް ފާހަގަކުރައްވާފައެވެ. މިގޮތުން އެންމެ ކުޑަ އުޖޫރަ ކަނޑައަޅައި އެޤާނޫނު ތަސްދީޤުކޮށް އަމަލުކުރަން ފެށިފައިވާ ކަން އެމަނިކުފާނު ފާހަގަކުރައްވާފައިވެއެވެ.

Advertisement

ރައީސުލްޖުމްހޫރިއްޔާގެ މެސެޖުގައި މަސައްކަތްތެރިންގެ ޙައްޤުތައް ކަށަވަރުކުރުމަށް ހިންގޭ ހަރަކާތްތަކުގައި އެމްޑީޕީން އިސްރޯލެއް އަދާކުރުމަކީ، އެކަމަށްޓަކައި އެމްޑީީން ފަޚުރުވެރިވާ ކަމެއް ކަމުގައިވެސް ވަނީ ވިދާޅުވެފައެވެ.

ރާއްޖޭގައި ފުރަތަމަ ފަހަަރަށް، މެއި ޑޭ ގެ ހިނގާލުން ބާއްވާފައި ވަނީ 2006 ވަނަ އަހަރު އެމްޑީޕީއާ ރާއްޖޭގެ މަސައްކަތްތެރިންގެ ޖަމިއްޔާތަކާއި ގުޅިގެންނެވެ. އަދި ރަސްމީ ގޮތުން ރާއްޖޭގައި މަސައްކަތްތެރިންގެ ދުވަސް ފާހަގަކުރަން ފަށާފައި ވަނީ، 2011 ވަަނަ އަހަރު އެމްޑީޕީގެ ފުރަތަމަ ވެރިކަމުގައެވެ.