Advertisement

އީރާނުން އިޒްރޭލަށް ހަމަލާދިނުން --

14 Apr 2024
ޚަބަރު
ޢަލީ ސުލައިމާން

އީރާނުން އިޒްރޭލަށް ދިން ރައްދު ހަމަލާތަކަށް ތާއީދު ކުރައްވާކަމުގައި ރައީސް މައުމޫން ވިދާޅުވެއްޖެ

ހައްދު ފަހަނައެޅި ޔަހޫދީ ދައުލަތަށް އަމާޒުކޮށް އީރާނުން ދިން ހަމަލާތަަކަށް ތާއީދު ކުރައްވައި އެކަމަށް މަރުޚަބާ ދަންނަވާ ކަމުގައި ރާއްޖޭގެ ކުރީގެ ރައީސުލްޖުމްހޫރިއްޔާ އަލްއުސްތާޛު މައުމޫން ޢަބުދުލްޤައްޔޫމް ވިދާޅުވެއްޖެއެވެ.

އެކްސްގައި ކުރެއްވި ޕޯސްޓެއްގައި ރައީސް މައުމޫން ވަނީ، ރޭ އީރާނު އިޒްރޭލަށް ދިން ރައްދު ހަމަލާތަކަށް، ހޫނު މަރުހަބާއެއް ދަންނަވާ ކަމުގައި ވިދާޅުވެފައެވެ.

ރައީސް މައުމޫނުގެ ޓްވީޓް

ސޫރިޔާގައި ހުންނަ އީރާނުގެ ކޮންސިއުލޭޓަށް އިޒްރާއީލުން ހަމަލާދިނުމާއި ގުޅިގެން، އެކަމުގެ ބަދަލު ހިފުމުގެ ހަމަލާތައް ދޭނެ ކަމުގައި އީރާނުން ވަނީ ބުނެފައެވެ. މިގޮތުން ބަދަލު ހިފުމުގެ ގޮތުން އީރާނުން، ފިދާއީ ޑްރޯންތަކާއި ބެލެސްޓިކް މިސައިލުން ފޮނުވާލި ހަމަލާތައް އިޒްރޭލުގެ ބައެއް ސަރަހައްދުތަކަށް އަމާޒުވިއެވެ. އެހެން ނަމަވެސް ހަމަލާގެ 99 ނާކާމިޔާބު ކޮށްލެވުނު ކަމުގައި އިޒްރޭލުން ވަނީ ބުނެފައެވެ.

އިޒްރާއީލުގެ ސަރަހައްދުތަކަށް މިސައިލް ހަމަލާތައް އެރުމުގެ ކުރިން ސޫރިޔާ އާއި އުރުދުންގެ ސަރަހައްދުގެ ތެރެއިން މިސައިލްތަކާއި ޑްރޯންތައް ވަނީ ގޮއްވާލަން ފަށާފައެވެ.

އިޒްރޭލު ހިމާޔަތްކޮށްދިނުމުގައި ސަޢޫދީ އަރަބިއްޔާ އާއި އުރުދުންއިން ވަނީ އެމެރިކާ އާއި އިނގިރޭސި ވިލާތަށް އެހީތެރިކަން ފޯރުކޮށްދީފައެވެ.

އީރާނުން އިޒްރޭލަށް ދިން ހަމަލާތަކަށް ރައީސް މައުމޫނު ތާއީދު ކުރެއްވި އިރު، ރައީސް މައުމޫނުގެ ސަރުކާރަކީ، ފަލަސްޠީނާއި ވަރަށް ގާތްގުޅުމެއް ބޭއްވި ސަރުކާރެކެވެ. ފަލަސްޠީނުގެ ރައީސް ޔާސިރު އަރަފާތު ރައީސް މައުމޫނުގެ ވެރިކަމުގައި ރާއްޖެވަޑައިގެންނެވިއެވެ.

ކޮމެންޓް
އިތުރު އާޓިކަލް
04 Apr 2025
މޯލްޑިްވްސް ޕޮލިސް ސަރވިސް
ގިނަ ބަނގުރާ ފުޅުތަކަކާއެކު ބިދޭސީއަކު ހުއްޓުވައިފި
ބޮނަކުއާ ފުޅިތަކަކަށް ބަނގުރާ އަޅާއިގެން ވޭނެއްގައި ހުޅުމާލޭގައި ދުއްވަމުން ދިޔަ ބިދޭސީއަކު ފުލުހުން ރޭ ހުއްޓުވައިފިއެވެ.
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.