މީހުން ދިރިއުޅޭ ތޭރަ ރަށް ހިމެނޭ ތ އަތޮޅު އޮމަދޫގެ އާބާދީއަކީ 386 މީހުންނެވެ. މި ރަށުގެ ބޮޑު މިނަކީ 37.1 އަކަފޫޓެވެ. 

ރަށުގެ މީހުން އާމްދަނީ ހޯދުމުގެ ގޮތުން މައިގަނޑު ގޮތެއްގައި ކުރާ މަސައްކަތަކީ މަސްވެރިކަމާއި ހުއިފިލަނޑާ ނެގުމާއި މަސް ކައްކައި ހިއްކުމާއި ރިހާކުރު ކެއްކުމެވެ. އޭގެ އިތުރުން ދަނޑުވެރިކަންވެސް މިރަށު މީހުން ކުރެއެވެ  .

މި ރަށުގެ ތަރައްގީގެ މަޝްރޫއުތަކަށް ބަލާލާއިރު، މި ވަގުތު ވެސް ޖުމްލަ 7 މަޝްރޫޢުއެއް ކުރިއަށް އެބަދެއެވެ. އަދި 2 މަޝްރޫޢުއެއް ވަނީ މިފަހަކުން ނިންމާފައެވެ. އޭގެ ތެރޭގައި ބަނދަރު ހެނދުން ވެސް ހިމެނެއެވެ.

މިހާރު އޮމަދޫގައި ކުރިއަށްދާ މަޝްރޫޢުތައް:

1.     ތ.އޮމަދޫ ފެނާއި ނަރުދަމާ ނިޒާމް ގާއިމުކުރުން

2.    ތ.އޮމަދޫ ސްކޫލް 2 ބުރި އިމާރާތް، ވަށާފާރު އަދި މަލްޓި ޕާޕަސް ހޯލް

3.    ކްލީން އެންވަޔަރަންމަންޓް ޕްރޮޖެކްޓް

4.   ރަށުގެ ބޯފެން ރައްކާކުރާ ނިޒާމް ގާއިމުކުރުން

5.    ޞިއްޙީ މަރުކަޒުގައި ޕޯރޓިކޯ އާއި ގަރާޖު ހެދުން

6.    ޕްރިޕެއަރިންގ އައުޓަރ އައިލެންޑް ފޯރ ސަސްޓެއިނެބަލް އެނާރޖީ ޑިވެލޮޕްމެންޓް ޕްރޮޖެކްޓް

7.    ގައުމީ ދަތުރުފަތުރުގެ ނިޒާމް ގާއިމުކުރުން

ނިމިފައިވާ މަޝްރޫޢުތައް:

1.     ބަނދަރު ހެދުން

2.    ފުޓްސެލްދަނޑު ތަރައްގީކުރުން

އެހެނިހެން މަރުހަލާތަކުގައި ހުރި މަޝްރޫޢުތައް:

1.     ޒުވާނުންގެ މަރުކަޒެއް ޤާއިމް ކުރުން

2.    ކުޑަކުދިންގެ ޕާކު ތަރައްގީކުރުން

3.    ހޭންޑްބޯލް ކޯޓު ގާއިމުކުރުން