Advertisement

ރައީސުލްޖުމްހޫރިއްޔާ، ތ. އަތޮޅަށް ކުރައްވަމުން ގެންދަވާ ޒިޔާރަތުގެ ތެރެއިން ވޭމަންޑޫއަށް ވަޑައިގެންނެވުން --

08 Feb 2024
ޚަބަރު
ޢަލީ ސުލައިމާން

މިދައުރުގެ ތެރޭގައި ތ. އަތޮޅުގައި ގިނަ ރިޒޯޓުތަކެއް ހުޅުވިގެންދާނެ ކަމުގައި ރައީސުލްޖުމްހޫރިއްޔާ ވިދާޅުވެއްޖެ

މިދައުރުގެ ތެރޭގައި، ތ އަތޮޅުގައި ގިނަ ރިޒޯޓުތަކެއް ހުޅުވައި ރައްޔިތުންނަށް އެރިޒޯޓުތަކުން ވަޒީފާ އާއި އެހެނިހެން މަންފާ ލިބޭނެ ގޮތް ހައްދަވައި ދެއްވާނެ ކަމުގައި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ.

އެމަނިކުފާނު މިހެން ވިދާޅުވީ، ރައީސްގެ ޖަވާބުގެ ނަމުގައި، ސަރުކާރުން ކޮންމެ ދުވަހަކު އާއްމު ކުރަމުންދާ ކުރު ވީޑިއޯ ސިލްސިލާގެ ތެރެއިން، ކޮޅުމަޑުލު ވޭމަންޑޫގެ ޒުވާނަކަށް، ރައީސަށް ސުވާލު ހުށައެޅުމަށް ދިން ފުރުޞަތުގައި އޭނާ ހުށައެޅުއްވި ސުވާލަށް ރައީސުލްޖުމްހޫރިއްޔާ ދެއްވި ޖަވާބުގައެވެ.

ރައީސް ވިދާޅުވީ، ރައްޔިތުންނަށް އާމްދަނީ ލިބޭނޭ މަގުތައް ފަހިކޮށްދިނުމަށް ވަރަށް ބޮޑަށް މަސައްކަތް ކުރައްވާ ކަމަށާއި، ޚާއްޞަ ގޮތެއްގައި ފަތުރުވެރިކަމުގެ ދާއިރާއިން އެފުރުޞަތު އެފުރުޞަތު ހޯއްދަވައި ދެއްވުމަށް މަސައްކަތް ކުރައްވާ ކަމަށެވެ.

ރައީސް ވިދާޅުވީ، ތ އަތޮޅުގައި މިހާރު އޮތީ އެންމެ ރިޒޯޓެއް ކަމަށާއި، މިދައުރުގެ ތެރޭގައި ތ. އަތޮޅުގައި ވަރަށް ގިނަ ރިޒޯޓުތަކެއް ހުޅުވިގެންދާނެ ކަމުގެ ޔަޤީންކަން ދެއްވާ ކަމަށެވެ. މިގޮތުން ކުރައްވާނެ އެއްކަމަކީ އެއާޕޯޓު އިތުރުކުރެއްވުން ކަމަށާއި، ގުރައިދޫ އާއި ވިލުފުށީގައި އެއާޕޯޓު އަޅުއްވާނެ ކަމުގައި ރައީސް ވިދާޅުވިއެވެ. އެއާއެކު ތިން އެއާޕޯޓުން ތ އަތޮޅުގެ ދަތުރު ފަތުރު އިތުރުވެގެންދާނެ ކަމުގަައިވެސް ރައީސުލްޖުމްހޫރިއްޔާ ވިދާޅުވިއެވެ.

ރައީސުލްޖުމްހޫރިއްޔާ ވިދާޅުވީ، މުޅި އިޤުތިޞާދަށް ގެންނަން މަސައްކަތްކުރައްވަމުން ގެންދަވާ ކުރިއެރުމުގެ ސަބަބުން، ރާއްޖެއަށް ފަތުރުވެރިން އަންނަ މިންވަރު އިތުރުވެގެން ދާނެ ކަމަށާއި، އަދި އޭގެ އިތުރުން ވެލާނާ އިންޓަރނޭޝަނަލް އެއާޕޯޓަށް ގެނެވޭ ތަރައްޤީއާއެކު ފަތުރުވެރިން ރާއްޖެއަންނަ މިންވަރު އިތުރުވެގެން ދާނެކަމުގައި ރައީސް ވިދާޅުވިއެވެ.

"މިއަތޮޅަށް، ވަރަށް ޔަޤީން މިއަހަރުވެސް ފެށޭވަރުވާނެ، އަދި މިފަސް އަހަރު ތެރޭގައި ބަހާލައިގެން ގިނަ ރިޒޯޓުތަކެއް، މުޅި އަތޮޅުގެ އެކި ހިސާބަށް، އެކި ދާއިރާތައް ކަވަރުވާ ގޮތަށް ގެނެސްދޭނަން"

ކޮޅުމަޑުލުގައި މީހުން ދިރިއުޅޭ 13 ރަށުގައި 17000 ވުރެ ބޮޑު އާބާދީއެއް އޮތް އިރު ކޮޅުމަޑުލުގައި މިވަގުތު ހިންގަމުން އަންނަނީ އެންމެ ރިޒޯޓެކެވެ. އެއީ ކޮމޯ މާލިފުށި ރިޒޯޓެވެ. ތ.އަތޮުޅު ކަޅު ފަހަލަފުށީގައި، ރިޒޯޓެއް ފުރަތަމަ ދޫކުރިތާ 21 އަހަރު ވީއިރު އެރަށް ތަރައްޤީ ކުރެވިފައެއް ނުވެއެވެ. މީގެ އިތުރުން ރިޒޯޓު ހެދުމަށް ދޫކޮށްފައިވާ ތ. އޮޅުގިރި އާއި، ތ. އެލާގެ މަސައްކަތްވެސް އެތައް އަހަރެއްވީ އިރުވެސް ކުރިޔަކަށް ނުދެއެވެ. ރައީސް ޔާމީނުގެ ސަރުކާރުގައި، ތ އަތޮޅުގައި ރިޒޯޓު ހެދުމަށް، ދޫކުރި ތ. ކަޅުދިޔަފުށީގައި ވެސް ރިޒޯޓު ތަރައްޤީކުރުމަށް ބޭނުންވާ އިންފްރާސްޓްރަކްޗަރގެ މަސައްކަތްތައް ވަކި ހިސާބަކަށް ކުރިޔަށް ގެންދިޔުމަށްފަހުގައި މަސައްކަތް ހުއްޓިފައި އޮންނަތާ ގިނަ ދުވަސްތަކެއް ވަނީ ވެފައެވެ.

ކޮމެންޓް
އިތުރު އާޓިކަލް
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.
02 Apr 2025
ޚަބަރު
ހޮޅުދޫ ބޯޓުގައި ރޯވެ އެބޯޓުގައި ހުރި ޒުވާނަކު ގެއްލިއްޖެ
އެމްއެންޑީއެފުން ވިދާޅުވީ، ގެއްލިގެން ހޯދަމުން ދަނީ، ލ.މާވަށަށް ނިސްބަތްވާ 25 އަހަރުގެ އަލީ މުޝްފިގް މުހައްމަދު ކަމަށެވެ. އޭނާގެ އިތުރުން އެބޯޓުން ދަތުރު ކުރި އެހެން މީހުން ވަނީ، ސަލާމަތް ވެފައެވެ. އޭގެ ތެރެއިން ދެމީހަކަށް، ތ. ކަނޑޫދޫ ޞިއްޙީ މަރުކަޒުގައި ފަރުވާދެމުން އަންނަ ކަމުގައިވެސް އެމްއެންޑީއެފުން ވިދާޅުވިއެވެ.