Advertisement

ރައީސުލްޖުމްހޫރިއްޔާ ވިލުފުށީ ކައުންސިލާއި، އ.ތ.މ ކޮމިޓީއާ ބައްދަލު ކުރެއްވުން --

07 Feb 2024
ޚަބަރު
ޢަލީ ސުލައިމާން

ވިލުފުށީ އެއާޕޯޓުގެ މަޝްރޫޢު ކުރިޔަށް ގެންދަވާނެ ކަމުގައި ރައީސުލްޖުމްހޫރިއްޔާ ވިދާޅުވެއްޖެ

ކުރީ ސަރުކާރުން ކޮޅުމަޑުލު ވިލުފުށީގައި ފެށި އެއާޕޯޓު މަޝްރޫޢު މިސަރުކާރުން ކުރިޔަށް ގެންދާނެ ކަމުގެ ޔަޤީންކަން ރައީސުލްޖުމްހޫރިއްޔާ ދެއްވައިފިއެވެ.

ރައީސުލްޖުމްހޫރިއްޔާ މި ޔަޤީންކަން ދެއްވީ، އެމަނިކުފާނު މިހާރު ކޮުޅުމަޑުލުގެ ރަށްރަށަށް ކުރައްވަމުން ގެންދަވާ ދަތުރުފުޅުގެ ތެރެއިން ކޮޅުމަޑުލު ދިޔަމިގިލީގައި، ވިލުފުށީ ކައުންސިލާއި އަންހެނުންގެ ތަރައްޤީއަށް މަސައްކަތްކުރާ ކޮމިޓީއާއެކު ބޭއްވެވި ބައްދަލު ކުރެއްވުމުގައެވެ. މިބައްދަލުކުރެއްވުން އޮތީ، ދިޔަމިގިލީ ކައުންސިލް އިދާރާގައެވެ.

މި ބައްދަލުކުރެއްވުމުގައި ވިލުފުށި ކައުންސިލްގެ ފަރާތުން ފާހަގަ ކުރެއްވި ކަންކަމުގެ ތެރޭގައި، މިހާރު ފަށާފައިހުރި މަޝްރޫޢުތައް ހުއްޓިފައި ހުރުމުގެ ކަންބޮޑުވުން ފާޅުކުރެއްވިއެވެ. އަދި މިވަގުތަށް އެންމެ ބޮޑަށް ބޭނުން ޖެހިފައިވަނީ ހޮސްޕިޓަލުގެ މަޝްރޫޢު ފެށުމާއި، ވިލުފުށީގެ އެއާޕޯޓުގެ މަސައްކަތް ކުރިއަށް ދިއުން ކަމުގައި ކައުންސިލުން ފާހަގަކުރެއްވިއެވެ. މި ބައްދަލުވުމުގައި ރައީސުލްޖުމްހޫރިއްޔާ ވަނީ ވިލުފުށީ ހޮސްޕިޓަލާއި، ވިލުފުށީގެ އެއާޕޯޓުގެ މަސައްކަތް ކުރިއަށްދާނެކަމުގެ ޔަޤީންކަން ކައުންސިލަށް ދެއްވާފައެވެ.

މި ބައްދަލުވުމުގައި ވިލުފުށީގެ ތަރައްޤީއަށް ބޭނުންވާ ކަންކަންވެސް ކައުންސިލްގެ ފަރާތުން ރައީސުލްޖުމްހޫރިއްޔާއަށް ޙިއްޞާކުރެއްވިއެވެ. އެގޮތުން މަސްވެރިކަން ފުޅާކުރުމަށާއި، ފަތުރުވެރިކަން ތަރައްޤީކުރުމަށް ބޭނުންވާކަމުގައި ކައުންސިލުން ފާހަގަކުރެއްވިއެވެ. މީގެ އިތުރުން، ސުނާމީގެ ސަބަބުން ގެދޮރުގެ ދަތިކަން ކުރިމަތިވި ޢާއިލާތަކަށް އެކަމުގެ ހައްލު ހޯދައިދިނުމަށްޓަކައި އެއްބަސްވެވޭ ގޮތެއްގެ މަތިން ހައްލެއް ހޯދުމަށް ބޭނުންފުޅުވާކަމުގައި ވިލުފުށި ކައުންސިލުން ފާހަގަކުރެއްވިއެވެ. އަދި ބަނދަރު ފުޅާކުރުމުގެ މަސައްކަތް ކުރަންބޭންވާ ކަމުގައިވެސް އެބޭފުޅުން ފާހަގަކުރެއްވިއެވެ. މީގެ އިތުރުން ރަށުގައި ހަދަމުންދާ 100 ހައުސިންގ ޔުނިޓްގެ މަސައްކަތްތައް ކުރިއަށްދާ ސަރަހައްދުގައި، އެތަންތަން ނިމުމުގެ ކުރިން، އަސާސީ ޚިދުމަތްތައް ލިބޭނެ ގޮތް ހައްދަވައިދެއްވުމަށްވެސް ރައީސުލްޖުމްހޫރިއްޔާގެ އަރިހުން އެދިވަޑައިގަތެވެ.

ވިލުފުށީ އެއާޕޯޓުގެ މަސައްކަތް މިސަރުކާރު ފެށުނު ފަހުން އޮތީ ހުއްޓާލާފައެވެ. އެ މަޝްރޫޢުގެ ދަށުން އޭރު ކުރެވިފައި އޮތީ ބިންހިއްކާ ސަރަހައްދުގެ ބަންޑް ވޯލް ޖެހުމުގެ މަސައްކަތެވެ. އެހެން ނަމަވެސް މަަސައްކަތް ހުއްޓާލުމުގެ ސަބަބުން ބަނޑު ވޯލް ޖެހުމަށް އެޅި ވެލިތައް މިހާރު ވަނީ ގިރާލައިގެން ގޮސްފައެވެ.

ކޮމެންޓް
އިތުރު އާޓިކަލް
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.
02 Apr 2025
ޚަބަރު
ހޮޅުދޫ ބޯޓުގައި ރޯވެ އެބޯޓުގައި ހުރި ޒުވާނަކު ގެއްލިއްޖެ
އެމްއެންޑީއެފުން ވިދާޅުވީ، ގެއްލިގެން ހޯދަމުން ދަނީ، ލ.މާވަށަށް ނިސްބަތްވާ 25 އަހަރުގެ އަލީ މުޝްފިގް މުހައްމަދު ކަމަށެވެ. އޭނާގެ އިތުރުން އެބޯޓުން ދަތުރު ކުރި އެހެން މީހުން ވަނީ، ސަލާމަތް ވެފައެވެ. އޭގެ ތެރެއިން ދެމީހަކަށް، ތ. ކަނޑޫދޫ ޞިއްޙީ މަރުކަޒުގައި ފަރުވާދެމުން އަންނަ ކަމުގައިވެސް އެމްއެންޑީއެފުން ވިދާޅުވިއެވެ.