Advertisement

އެމްޑީޕީގެ އިސްބޭފުޅުން ޕާޓީގެ އެއްވުމެއްގައި --

15 Jan 2024
ޚަބަރު
ޢަލީ ސުލައިމާން

ބާރުގެ ބޭނުންކޮށްގެން ރާއްޖޭގެ ވެރިކަން ބަދަލުކުރަން އިންޑިއާގެ ކުރީގެ މަޖިލިސް މެމްބަރަކު ގޮވާލި ގޮވާލުން އެމްޑީޕީން ކުއްވެރިކޮށްފި

އިންޑިއާއިން އަސްކަރީ ބާރުގެ ބޭނުންކޮށްގެން ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ވެރިކަން ވައްޓާލުމަށް، އިންޑިއާގެ ކުރީގެ މަޖިލިސް މެންބަރު ސުބްރަމާނިއަމް ސްވާމީ ގޮވާލި ގޮވާލުން އެމްޑީޕީން ކުއްވެރިކޮށްފިއެވެ.

އެޕާޓީން އިނގިރޭސި ބަހުން ނެރުނު ނޫސްބަޔާނުގައި ބުނެފައި ވަނީ، ސުބްރަމާނިއަމް ދެއްކި އެވާހަކައަކީ، ނަފުރަތާއި ރުޅިވެރިކަން ދެޤައުމުގެ ރައްޔިތުންގެ މެދުގައި އުފެއްދުމަށް ދައްކާފައިވާ ވާހަކައެއް ކަމަށެވެ. އަދި އިންޑިއާގެ ދާޚިލީ ސިޔާސީ ކަންކަމުގެ ތެރެއަށް ރާއްޖެ ނުވެއްދުމަށްވެސް އެމްޑީޕީގެ ބަޔާނުގައި ވަނީ ގޮވާލާފައެވެ.

މީގެ ކުރިން ރައީސް ޔާމީންގެ ވެރިކަމުގެ ދުވަސްވަރުގައިވެސް އިންޑިއާގެ ޤާނޫނު ހަދާ މަޖިލީހުގެ މެމްބަރަކަށް ހުރެ، ސްބްރަމާނިއަމް އިންޑިއާ ސިފައިން ރާއްޖެއަރައި ރާއްޖެ ހިފުމަށް ގޮވާލާފައިވެއެވެ. ހަރުކަށި ވަޠަނީ ފިކުރުގެ ހިންދޫންގެ އެތައްބަޔަކުވެސް ދަނީ އޭނާ ދެއްކި ވާހަކައަށް ތާއީދުކޮށް ސޯޝަލް މީޑިއާގައި ކޮމެންޓްތައް ކުރަމުންނެވެ. 

އިންޑިއާގެ ކުރީގެ މަޖިލިސް މެންބަރު ސުބްރަމާނިއަމް ސްވާމީ ރާއްޖެެއަށް އިންޑިއާ ސިފައިން ފޮނުވައިގެން ވެރިކަން ބަދަލުކުރުމަށް ގޮވާލާފައިވާތީ، އެމްޑީޕީ ސަރުކާރުގައި ފޮރިން މިނިސްޓަރުކަމާއި އަދި ކުރިން ރައްޔިތުންގެ މަޖިލީހުގެ ރައީސް ކަމުގެ މަޤާމު ފުރުއްވި ޢަބުދުﷲ ޝާހިދުވެސް ވަނީ އެކަން ކުއްވެރިކުރައްވާފައެވެ.

މިއިން ޒަމާނަކުވެސް ގޯސް ނުވާވަރަށް އިންޑިއާ އާއި ދިވެހިރާއްޖޭގެ ގުޅުން ގޯސްވެފައި ވާއިރު، މާރިޗު މަހުގެ 15 ގެ ކުރިން ރާއްޖޭގައި ތިބި އިންޑިއާ ސިފައިން އަނބުރާ ޤައުމަށް ގެންދިޔުމަށް ރައީސުލްޖުމްހޫރިއްޔާ ޑރ. މުހައްމަދު މުޢިއްޒު ވަނީ އަންގަވާފައެވެ. އަދި އެމަނިކުފާނުގެ ސަރުކާރުގެ ތިން ނައިބު ވަޒީރަކު އިންޑިއާގެ ބޮޑުވަޒީރު ނަރެންދުރަ މޯދީއަށް ފުރައްސާރަކުރި މައްސަލައިގައި، އިންޑިއާގެ ބޮލީވުޑްގެ ތަރިންނާއި އަދި ސިޔާސީ ފަރާތްތަކުންނާއި އެކްޓިވިސްޓުން ވަނީ ރާއްޖެ ބޮއިކޮޓް ކުރުމަށް ގޮވާލާ ކެމްޕޭނެއްވެސް ފަށާފައެވެ.

ކޮމެންޓް
އިތުރު އާޓިކަލް
20 Aug 2025
ޚަބަރު
ދީނީ ފަންޑެއްތޯ ނުވަތަ ޓޫރިޒަމް ވެންޗާއެއްތޯ؟
މޯލްޑިވްސް ހައްޖު ކޯޕަރޭޝަނުން އާދަޔާ ހިލާފު ފެންގަނޑަކަށް ފިޔަވަޅު އަޅަމުންދާއިރު، ސަރުކާރުގެ ކޯރިޑޯތަކުގައި މަޑުމަޑުން ތޫފާނެއް އަރަމުންދާއިރު — "އިސްލާމީ ފަތުރުވެރިކަން" ގެ ބެނާގެ ދަށުން މާފުށީގައި ހޮޓަލެއް ކުއްޔަށް ހިފުން، ފާޑުކިޔާ މީހުން ބުނާ ގޮތުގައި ރިސްކު ބޮޑު އަދި ސުވާލު އުފެދޭ މެންޑޭޓް ފުޅާކުރުމެވެ.
20 Aug 2025
ޚަބަރު
މިނިވަން ނޫސްވެރިކަން ނިމެނީބާ؟!
20 Aug 2025
ޚަބަރު
ކައުންސިލްތަކުގެ ދައުރުތައް އުވި ކަތީބުކަމަށް!!!؟
މިމަހުގެ ކުރީކޮޅު (ސެޕްޓެމްބަރު) ކުރިއަށްދާ މަޖިލީހުގެ ދެވަނަ ޖަލްސާގައި ވާހަކަފުޅު ދައްކަވަމުން ރައީސް މުއިއްޒު ވަނީ ކައުންސިލްތަކުގެ މަސައްކަތަށް ފާޑުވިދާޅުވެފަ އެވެ. "އެއްތަނެއްގައި ވެސް އޭގެ ދައުރު އަދާކުރާ އެންމެ ކައުންސިލެއް ނެތް. އެކަމުން އެއްވެސް ފައިދާއެއް ނުލިބޭ. އޭގެ ބަދަލުގައި ބޭނުންވަނީ ޖަޒީރާ ވެރިންގެ ދަށުން އިދާރީ މެޝިނަރީ ހަރުދަނާކުރުން. ޖަޒީރާ ހިންގުން އިސްލާހު ކުރަން ނުކުޅެދިއްޖެ ނަމަ ދެން މި ކައުންސިލްތައް ބެހެއްޓުމުގެ ބޭނުމެއް ނެތް،" ޝަރީފް ވިދާޅުވި އެވެ.
03 Jul 2025
ރައީސުލް ޖުމްހޫރިއްޔާ ޑރ. މުޙައްމަދު މުޢިއްޒު
ރައީސުލްޖުމްހޫރިއްޔާގެ ދެކަނބަލުން ސިންގަޕޫރަށް ކުރެއްވި ދަތުރުފުޅު ނިންމަވާލައްވައިފި
ސިންގަޕޫރުގެ ރައީސް ތަރްމަން ޝަންމުގަރަނަމްގެ ދަޢުވަތަކަށް، އެ ޤައުމަށް ކުރެއްވި ފުރަމާނަ ދަތުރުފުޅު ނިންމަވާލެއްވުމަށްފަހު، ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު އާއި އެމަނިކުފާނުގެ އަނބިކަނބަލުން މެޑަމް ސާޖިދާ މުޙައްމަދު މާލެވަޑައިގަންނަވައިފިއެވެ.