މާލޭ ސިޓީއަށް މޭޔަރަކު އިންތިޚާބު ކުރުމަށް ބާއްވާ ނަގާ ވޯޓާއިއެކު، މިއަދު ބާއްވާ އެހެން ބައި-އިލެކްޝަންތަކުގެ ވޯޓުލުން ހެނދުނު 8:00 އިން ފެށިގެން ކުރިޔަށް، ދާއިރު ފުރަތަމަ ދެގަޑިއިރުގެ ތެރޭގައި ވޯޓުލާފައި ފައި ވަނީ 2633 މީހުން ކަމުގައި އިލެކްޝަންސް ކޮމިޝަނުން ވިދާޅުވެއްޖެއެވެ.

އިލެކްޝަންސް ކޮމިޝަނުން ވިދާޅުވީ، ބައި-އިލެކްޝަންތަކުގައި ވޯޓުލުމުގެ ހައްޤު ލިބިފައިވާ މީހުންގެ ތެރެއިން ހެނދުނު 10:00 އާއި ހަމައަށް ވޯޓުލާން ނުކުމެފައި ވަނީ އެންމެ %4.7 މީހުން ކަމަށެވެ. މި އިންތިޚާބުތަކުގައި ވޯޓުލުމުގެ ހައްޤު ލިބިގެންވާ 53،369 މީހުން އެބަތިއްބެވެ.

މިއަދު އިލެކްޝަންސް ކޮމިޝަނުން ބާއްވާ ބައިއިލެކްޝަން ތަކަކީ،

1- މާލެ ސިޓީ ކައުންސިލްގެ މޭޔަރު އިންތިޚާބު ކުރުމަށް ބާއްވާ ބައި-އިލެކްޝަން.

2- މާލެ ސިޓީ ކައުންސިލްގެ މާފަންނު ދެކުނު ދާއިރާއަށް މެމްބަރަކު އިންތިޚާބު ކުރުމަށް ބާއްވާ ބައި-އިލެކްޝަން.

3- މާލެ ސިޓީ ކައުންސިލްގެ މެދުހެންވޭރު ދާއިރާއަށް މެމްބަރަކު އިންތިޚާބު ކުރުމަށް ބާއްވާ ބައި-އިލެކްޝަން.

4- މާލެ ސިޓީ ކައުންސިލްގެ ހެންވޭރު ދެކުނު ދާއިރާއަށް މެމްބަރަކު އިންތިޚާބު ކުރުމަށް ބާއްވާ ބައި-އިލެކްޝަން.

5- މ. މުލަކު އަންހެނުންގެ ތަރައްޤީއަށް މަސައްކަތްކުރާ ކޮމިޓީއަށް މެމްބަރަކު އިންތިޚާބު ކުރުމަށް ބާއްވާ ބައި- އިލެކްޝަން.

އިއްޔެ މާލެ ސަރަހައްދަށް ވަރަށް ބޮޑަށް މޫސުމް ގޯސްވެ ރޭ މެންދަން ވީއިރުވެސް، މާލޭގެ ބައެއް ސަރަހައްދުތަކުން ފެން ހިންދާލެވިފައެއް ނުވެއެވެ. އޭގެ އިިތުރުން މިއަދުވެސް ބޯކޮށް ވާރޭ ވެހޭނެ ކަމަށް މޫސުމާއި ބެހޭ ޤައުމީ އިދާރާއިން ނިމުތުކޮށްފައި ވާތީ، އިލެކްޝަންސް ކޮމިޝަނުން އިއްޔެ ވަނީ ވޯޓު ނަގާ ވަގުތުވެސް އިތުރުކޮށްފައެވެ. މިގޮތުން މިއަދު ވޯޓު ނެގުން ކުރިޔަށްދާނީ، ހެނދުނު 8:00 އިން ފެށިގެން ހަވީރު 5:00އަށެވެ.